Her eru luttakaralistarnir til svimjistevnuna sum Svimjifelagið FLOT skipar fyri í svimjihylinum í Tofta skúla, nú leygardagin hin 31. januar 2026. Hetta er stevna fyri okkara yngstu aldursbólkar, 1 til 4.
Tey eru sum skilst heili 285 børn tilmeldaði, og stevnan tí skipað í pørtum so at ikki allir bólkar kappast í senn, umframt at kunning er um parkeringsviðurskifti og møguliga stroyming í skúlanum uttanfyri sjálvan svimjihylin.
Continue reading Luttakaralistar til FLOT-stevnuna 31. januar 2026Úrslitini frá Reykjavík International Games 2026 síggjast nú her á SwimRankings, har vit m.a. síggja at føroysku liðini tilsamans vunnu eini 5 gull, 5 silvur og 4 bronsur, umframt at tey svumu seg til heilt nógv persónlig met.
Úrslitini frá Skagerak Swim 2026 síggjast nú her á SwimRankings, har vit m.a. síggja at Líggjas Joensen (2008, Ægir) vann 4 gull og setti persónligt met í 50 frí og 200 blandað, umframt at Aalborg Svømmeklub var besta felag, sum er felagið har hann venur í Danmark.
Svimjisamband Føroya skipaði í gjár fyri forfólkafundi í ÍSF-húsinum í Havn, har starvsnevnd SSF og forfólk og nevndarlimir úr limafeløgum SSF møttust til kunning og umrøða um framtíðarætlanir SSF, umframt onnur innanhýsis viðurskifti.
Sí dagførdu virksemis- og landsliðsætlan her á heimasíðu SSF
Líggjas Joensen (2008, Ægir) luttekur í vikuskiftinum á Skagerrak Swim í Kristiansand í Noregi, frá 23. til 25. januar 2026. Hetta er 40. ferð at Skagerrak Swim verður hildið, startlistar og úrslit finnast her á medley.no
Íslendingar skipa nú í vikuskiftinum fyri Reykjavík International Games 2026, við luttøku av eisini føroyskum svimjarum. Sí startlistarnar her á Swimify
Starvsnevnd SSF samtykti í gjárkvøldið at góðkenna umsókn frá Svimjifelagnum Neptun í Runavík, um limaskap í Svimjisambandi Føroya.
Vit eru sostatt nú 8 virkin feløg í SSF. Vælkomin Neptun !
Her eru úrslitini frá svimjistevnuni SuSvim Open Jan 2026, sum Suðuroyar Svimjifelag skipaði fyri í Páls Høll í Vági, nú leygardagin hin 10. januar 2026. Úrslitini síggjast eisini her á Swimify
Suðuroyar Svimjifelag skipar í morgin leygardag hin 10. januar 2026 fyri ársins fyrstu svimjistevnu, í Páls Høll í Vági. Tey eru tilsamans 65 tilmeldaðir svimjarar úr 4 feløgum – 23 úr SuSvim, 22 úr HS, 14 úr Ægir og 6 úr FS.
Startlistarnir síggjast her á Swimify, har úrslitini eisini fara at síggjast so hvørt.
Her er innbjóðing til svimjistevnu sum FLOT skipar fyri í Tofta skúla, leygardagin hin 31. januar 2026. Hetta er stevna fyri okkara yngstu aldursbólkar 1, 2, 3 og 4.
