Altjóða dagur til fyribyrging av druknivanlukkum

So er hann her, altjóða druknivanlukkufyribyrgingardagurin 2022. Tunlarnir eru longu farnir í blátt, og aðrir bygningar fara væntandi at lýsa blátt í kvøld. Svimjisambandið hevur bás í SMS, har eisini umboð fyri Betri eru í dag.

Fylgið við serliga á Facebook-síðuni hjá SSF og vitjið druknifyribyrging.fo

Føroyar varpa ljós á altjóða dagin til fyribyrging av druknivanlukkum, 25. juli

Hesa komandi vikuna verður ljós varpað á altjóða dagin til fyribyrging av druknivanlukkum, sum Sameindu Tjóðir hevur ásett at vera á hvørjum ári hin 25. juli. Eitt kunningarátak verður sjósett við sergjørdari heimasíðu sum miðdepli, og blátt ljós fer at lýsa upp bygningar og tunlar runt landið.

Continue reading Føroyar varpa ljós á altjóða dagin til fyribyrging av druknivanlukkum, 25. juli

Svimjifrálæra á sjónum eisini neyðug, til at minka um druknivandan

Norski granskarin Dagmar Dahl hevur hugt at tveimum skúlaverkætlanum í Noregi, har tey royna seg við uttandura svimjifrálæru, og sigur at tað er týðiligt at tað er neyðugt at royna seg eisini í køldum sjógvi, vøtnum og áum, til at venja seg við tað.

Det å svømme i en hall der vannet er mellom 26 og 30 grader, gjør ikke ungene i stand til å mestre situasjonen om de skulle havne i vannet utendørs. Det er for øvrig ganske kaldt i havet, elver og innsjøer i Norge det meste av året. Så kuldesjokk kan inntreffe også på sommeren, sier hun.

Lesið forskning.no

Dagførdir lívbjargarar í Gundadali, Eysturskúlanum og á Sandoy

Svimjisamband Føroya skipaði nú fyrr í vikuni fyri lívbjargingarroynd í Svimjihøllini í Gundadali, har hesi 7 stóðu royndina – ein til at kunna vera lívbjargari í Sandoyar Meginskúla og tveir til at kunna vera lívbjargarar í Eysturskúlanum. Sørin S. Djurhuus var lívbjargingardómari, og fingu tey í sama viðfangi handað eisini nýggju svimjinálina, eftirsum 200m er partur av eisini lívbjargararoyndini.

Dagførdir lívbjargarar í Gundadali, Sørin S. Djurhuus eigur myndina

Klárar tú 200? – Nýtt átak til at betra um svimjiførleikan í Føroyum

Svimjisamband Føroya fer nú undir eitt átak til at fáa so nógvar føroyingar sum gjørligt at kanna, um teir klára at svimja 200 metrar uttan íhald ella hjálpitól. Ein serlig nál er gjørd til tey sum prógva hetta, og var sjálvur Løgmaður hin fyrsti at gera tað.

Løgmaður klárar 200. Lis Gøthe í Jákupsstovu eigur myndina
Continue reading Klárar tú 200? – Nýtt átak til at betra um svimjiførleikan í Føroyum

Ja, vit skulu eisini læra at svimja á sjónum, men mugu byrja onkunstaðni

Ein skjót viðmerking frá mær, til hesa greinina í Skúlablaðnum, “At læra at svimja á sjónum kann forða druknivanlukkum“, upprunaliga úr norska “Å lære svømming utendørs kan hindre drukning

person swimming in ocean
Photo by sergio souza on Pexels.com
Continue reading Ja, vit skulu eisini læra at svimja á sjónum, men mugu byrja onkunstaðni

ILS og WHO felags um altjóða dag til fyribyrging av druknivanlukkum

Altjóða lívbjargingarfelagsskapurin ILS og heimsheilsufelagsskapurin WHO skipaðu nú hin 25. juli 2021 fyri fyrsta altjóða degi til fyribyrging av druknivanlukkum, við tiltøkum um allan heim. Í Føroyum gekk tað heldur stillisliga fyri seg, men vóna vit at verða betri til eisini hetta í framtíðini.

Continue reading ILS og WHO felags um altjóða dag til fyribyrging av druknivanlukkum

Vísdómsorð frá Rowdy Gaines um korona og svimjing

Trífaldaði Olympiski meistarin tosar her við amerikansku sjónvarpsrásina CBS, um hvussu týdningurin av at kunna svimja – ella at kunna læra at svimja – undir tryggum umstøðum, uppvigar tann sera lítla vandan fyri at kunna verða smittaður við korona í svimjihyli. Forrestin eitt áhugavert hagtal sum tey nevna har – at førleikin at kunna svimja, minkar um vandan fyri at drukna við 88 prosentum.

Fyrsti olympiski meistarin í svimjing valdi hendan ítrótt tí at pápin druknaði

Ungarski Alfréd Hajos valdi sum 13-ára gamalur at vilja verða góður svimjari, eftir at pápi hansara druknaði í Donau-ánni. Sum 18-ára gamalur varð hann fyrsti olympiski meistari yvirhøvur, á hesum modernaðu olympiskum leikum, tá ið hann í Olympisku Leikum í Athen í 1896 vann tvær av teimum trimu opnu greinunum, sum vóru 100 og 1200 metrar 13 hitastig køldum sjógvi, har avbjóðingin við teirri triðu greinini var, at hetta alt varð svomið sama dag.

Alfréd Hajos. Public Domain, Link
Continue reading Fyrsti olympiski meistarin í svimjing valdi hendan ítrótt tí at pápin druknaði

ST samtykt fyrimyndarreglur til at umganga druknivanlukkur

Sameindu Tjóðir heitir nú á øll lond um gera átøk til at umganga druknivanlukkur, sum lýst í hesum fyrimyndarreglum sum vórðu einmælt samtyktar av ST í gjár. Samstundis verður 25. juli nú framyvir alheims dagur til fyribyrging av druknivanlukkum, við enska heitinum “World Drowning Prevention Day”.

Lesi t.d. her í Dhaka Tribune

woman and three children playing water
Photo by Yulianto Poitier on Pexels.com
Continue reading ST samtykt fyrimyndarreglur til at umganga druknivanlukkur