Author: admin

Tað er í dag júst 10 ár síðani at Páls Høll lat upp, og í kvøld vann Pál 2.2 milliónir í Gekkinum. Lívið er løgið viðhvørt 🙂

Í hesum døgum er størsta svimjifelag í landinum, Havnar Svimjifelag, á venjingarlegu í Turkalandi. Fríggjadagin 10. oktober fóru, 21 svimjarar, 4 leiðarar og venjarar, úr Føroyum við Atlantic og fleyg yvir París til Antalya. Liðið verður aftur í Føroyum sunnudagin 19. oktober.

European Aquatics skipaði nú fríggjamorgunin hin 26. september fyri sínari næstu árligu DEI-ráðstevnu, í Tbilisi í Georgia í sambandi við aðalfundin á sama stað. Eitt eyka “I” fyri Integrity var á skránni til hesa ráðstevnu, og fingu tey lond íroknað Føroyar hartil heiðursprógv, sum hava undirskriva felags DEI-yvirlýsing hjá European Aquatics. Lesið her á europeanaquatics.org

Evropeiska svimjisambandið hevði sín aðalfund í Tbilisi í Georgia nú leygardagin hin 27. september 2025, har størsta mál vælsagtans var ætlaða flytingin av høvuðssætinum úr Nyon í Sveis til Beograd í Serbia. Umboðini fyri Svimjisamband Føroyar, vóru næstforfólkið Alvi Hjelm við føroyska borðið, umframt Rókur í Jákupsstovu sum nevndarlimur í European Aquatics. Lesið meira her á europeanaquatics.org

Fríggjadagin 26. september var ársfundur hjá Nordic Swimming Federation í Tbilisi í Georgia, sum nú vanligt í sambandi við aðalfundin hjá European Aquatics. Alvi Hjelm og Rókur í Jákupsstovu umboðaðu Svimjisamband Føroya, á hesum fundi har Estland fyri fyrstu ferð fekk forfólkaskapin.

Her er innbjóðing til svimjistevnu sum Svimjifelagið Hellufossur skipar fyri í svimjihylinum í Kvívík, leygardagin hin 1. november 2025. Hetta er stevna fyri okkara yngstu aldursbólkar.

Evropeiska svimjisambandið hevur lagt sín kunningarfaldara út her á heimasíðu síni, um EM á stuttgeil 2026. Stevnan verður sum fyrr fráboðað í Lublin har eysturi í Póllandi frá 2. til 7. desember 2025.

Altjóða svimjisambandið fráboðaði í summar, at HM á stuttgeil 2026 verður í Beijing í Kina, men ásetur nú tíðspunktið til hin 1. til 6. desember. Sí World Aquatics

Havnar Svimjifelag skipar nú leygardagin hin 20. september 2025 fyri svimjistevnu fyri okkara yngstu aldursbólkar, í Svimjihøllini í Gundadali. Startlistarnir síggjast her á Swimify

• Partur 1 (2015 og yngri): Upphiting kl 10.30, kapping kl 11
• Partur 2 (2011-14): Upphiting 12.45, kapping kl 13.30