Nú er greitt at allir luttakararnir úr Føroyum tóku prógv, sum í september luttóku á heimsins fyrsta FINA venjaraskeiði fyri royndar venjarar, í Reykjavík í Íslandi.
Og av tí at vit vóru fimm føroyingar og ein meksikani úr Føroyum, á hesum fyrsta skeiði sum 10 gjøgnumførdu, so er eisini greitt at minst helvtin av øllum FINA venjarum á 3. stigi beint nú eru úr Føroyum 🙂
Her er innbjóðing til skeið í stevnuforritinum WinGrodan, sum Svimjisambandið ætlar at skipa fyri í ÍSF-høllini í Tórshavn, leygardagin hin 26. oktober 2019.
Áhugaði kunnu melda til við oyðublaðnum her
Við svimjikvøðu
SSF
Um tú ætlar tær við á FINA dómaraskeiðið hin 22. til 24. mars 2019, og ikki hevur meldað til enn, so er tað nú at tað má gerast – í øllum førum um tú ætlar at fáa bjóðað mat og/ella innivist.
Tilmeldingarskjalið er her
Continue reading Nú steingja vit fyri tilmeldingum til FINA dómaraskeiðið 2019Her er tilmeldingarskjalið í sambandi við FINA dómaraskeiðið í Tórshavn hin 22. til 24. mars 2019, sum SSF og FINA skipa fyri undir leiðslu av altjóða yvirdómaranum Søren Korbo.
Sí viðfestu skrá, vit vóna at síggja millum 20 og 30 av okkara trúføstu dómarum á hesum skeiði, sum ikki vóru á tilsvarandi skeiði í 2013.
SSF og FINA bjóða skeiðið fyri einki, umframt at SSF skipar fyri mat til allan hópin, og og innivist til tey úr feløgunum av bygd sum hava tørv fyri hesum.
Skrá í pdf-sniði: FINA-Swimming-Clinics-for-Officials-FAR-2019.pdf
Í dag hevði Svimjiskúli Føroya skeið suðuri í Vági. Undirvísingin var í Marghøllini og í Páls høll. Teir 10 luttakararnir fingu holla kunning um, hvussu teir skulu taka ímóti og menna svimjarar, ið eru á byrjunarstøði. Undirvísarar vóru Rúni Gaardbo og Jóhan Petur Poulsen.
Altjóða svimjisambandið FINA hevur nú almannakunngjørt FINA lista nummar 20 yvir altjóða dómarar í kappsvimjing, har vit eisini finna 3 føroyskar yvirdómarar og 2 føroyskar startarar. Harvið kunnu vit nú sjálvi fyriskipa FINA góðkendar úttøkustevnur til dømis til HM og OL, uttan at neyðturviliga skula biðja um útlendska hjálp.
Svimjisamband Føroya og altjóða svimjisambandið FINA skipa vikuskiftið hin 22. til 24. mars 2019 fyri dómaraskeiði í Tórshavn, undir leiðslu av tiltikna altjóða yvirdómaranum og kappingarleiðaranum, Søren Korbo. Hetta er grundskeið sum tað ið SSF og FINA skipaðu fyri í Tórshavn í 2013, til at fáa fleiri av okkara trúføstu dómarum og hjálparfólkum at hava formlig prógv uppá síni evni.
Continue reading FINA-dómaraskeið í Havn hin 22. til 24. mars 2019
Vit hava nú fingið í øllum førum 15 tilmeldingar frá føroyskum svimjivenjarum, umframt 7 frá íslendingum og 1 úr Noregi. Altso eini 23 tilsamans, har pláss er fyri 30 á skeiðnum. Vit vita um eini tvey úr Føroyum sum ikki enn hava sent inn passmynd osfr, og sum tí ikki eru skrásett. Tilmeldingarfreistin hjá FINA er næsta fríggjadagin hin 26. oktober 2018.
Um nóg nógv tekna seg, so skipar Svimjiskúlin fyri skeiðum í Merkjaskipanini, í Tofta skúla leygardagin hin 3. november og sunnudagin hin 4. november 2018.
Skeiðini eru frá kl 09:00 til 18:30, har luttakararnir so kunnu velja um tey vilja møta leygardagin ella sunnudagin. Skeiðið kostar kr 500, íroknað døgverði og drekkamunnur, og er ætlað øllum sum hava svimjarar á byrjunarstigi.
Meldið til við oyðublaðnum her, áðrenn leygardagin hin 27. oktober.
Vegna Svimjiskúla Føroya
Rókur
So var hon her, innbjóðingin frá FINA til venjaraskeið í Tórshavn hin 30. november til 2. desember 2018:
Continue reading Innbjóðing til FINA venjaraskeið í Føroyum hin 30. november til 2. desember 2018
