Her er innbjóðing til svimjistevnu í svimjihylinum á Toftum, leygardagin hin 26. januar 2019, sum svimjifelagið FLOT skipar fyri. Gevið gætur at hetta er stevnan sum upprunaliga varð ætlað at skula vera hin 2. februar, sum nú er flutt til hin 26. januar í samráð við SSF og føroysku svimjifeløgini. Stevnan er fyri okkara yngstu aldursbólkar: 1, 2 og 3.
Signhild Joensen megnaði í gjárkvøldið at gerast norðurlendskur meistari í 200 ryggsvimjing, samstundis sum hon við tíðini 2:09.32 setti stórt nýtt føroyskt met og juniormet. Sí úrslitalistan her
Signhild átti sjálv metini á 2:10.11, frá FM á stuttgeil í mars 2017, og er harvið eisini fyrsta føroyska kvinna undir 2:10 í 200 metra ryggsvimjing.
Vár Erlingsdóttir Eidesgaard megnaði í gjár at seta nýtt føroyskt met og juniormet í 200 metra frísvimjing, tá ið hon sum fyrsti svimjari í 4×200 frí liðsvimjingini hjá føroyingum svam teinin uppá 2:02.18. Sára Ryggshamar Nysted átti metini á 2:02.60, frá Oyggjaleikum á Jersey í 2015. Sí úrslitalistan her.
Hetta hendi í gjár, tá ið tær kappaðust í finaluni í 50 metra ryggsvimjing, á Norðurlendsku Meistarastevnuni 2017. Signhild Joensen úr Ægir svam teinin uppá 28.75 sekund, har Birita Debes átti føroyska juniormetið á 29.00 sekund, frá FM 2010. Sí úrslitalistan her.
Føroysku svimjararnir eru komnir væl frá byrjan, nú á Norðurlendsku Meistarastevnuni og JuniorMeistarastevnuni 2017, sum er í Laugardalslaug í Reykjavík. Eitt er at Óli vann gull og Signhild bronsu, men hartil eru tey nógv sum hava betrað um sínar bestu tíðir. Sí yvirlit av SwimRankings
Óli Mortensen megnaði á fyrsta degi av NM/NJM 2017 at vinna sær norðurlendskt gullheiðursmerki í 1500 metra frísvimjing, tá ið tann kappingin varð avgreidd í Laugardalslaug í Reykjavík.
Hetta í stórum stíli við nýggjum persónligum meti á 15:02.27, frammanfyri danska Alexander Aslak Nørgaard á 15:10.34 og svenska Mattias Glenesk á 15:27.35.
Óli og Alexander høvdu sum kunnugt eina øgiliga holmgongu á hesum teini á DM á stuttgeil herfyri, har Alexander endaði við at draga longra stráið í endaspurtinum. Men nú á NM var eingin endurtøka av hesum, við tað at Óli longu frá 200 dró væl frá hinum.
Sí úrslitalistan her. Besta tíð hjá Óla var 15:10.09 áðrenn hetta, frá HM á stuttgeil í Doha í 2014.
Signhild Joensen megnaði tvær ferðir at seta føroyskt met og juniormet í 100 metra ryggsvimjing, umframt at vinna sær norðurlendskt bronsuheiðursmerki á teininum, tá ið hendan kapping varð avgreidd nú á fyrsta degi av NM/NJM 2017 i Reykjavík.
Fyrst svam hon 1:00.91 í innleiðandi riðlunum um morgunin, til at kvalifisera seg til finaluna sama kvøld, og síðani betraði hon aftur um síni met til 1:00.50 í finaluni, sum rakk til bronsu í sera tættari kapping við donsku Sara Sylvest á 1:00.31 og Onnu Brandt Nielsen á 1:00.48.
Sí úrslitalistan her. Signhild átti sjálv føroyska metið og juniormetið á 1:01:00, frá Ægir-stevnu í oktober mánaða.
Frans Johannessen vann í kvøld gull á DM á stuttgeil 2017, tá ið hann í finaluni svam teinin í tíðini 4:14.41. Alvi Hjelm varð nr 4 í tíðini 4:20.69.
Continue reading Frans 4:14.41 og danskur meistari í 400 blandað
Signhild Joensen vann fyri løtu síðani gull á Danish Open 2017, tá ið hon í 200 metra ryggsvimjing á langgeil snøgt sagt sorlaði sítt júst setta føroyska met og juniormet, við nú at svimja 2:14.01 í mun til 2:15.69 í morgun. Tíðin er eitt fult sekund undir nálatíðina til at vinna sær gullnál við stjørnu. Signhild svimur fyri Ægir í Klaksvík.
Róland Toftum megnaði at trýsta føroyska metið enn meira niður, nú A-finalan í 50 metra bringusvimjing á langgeil varð avgreidd á Danish Open 2017. Nýggja metið er 29,43 sekund, í mun til 29,50 sekund í morgun. Róland svimur fyri Suðuroyar Svimjifelag.
