Category: Kapping

Lurz og Okimoto vunnu World Cup í Keypmannahavn

Thomas_LurzTýski Thomas Lurz vann 10 km World Cup kappingina fyri menn í kanalunum rundt Christiansborg í morgun, og brasisla Poliana Okimoto kappingina fyri kvinnur. Danir siga “ikke overraskende” um Lurz, sum er imponerandi tá ið man hugsar um at Lurz var bara nøkur fá sekund framman fyri nummar tvey og trý, við tíðini 1:57.40, har bulgarski Petar Stoychev kláraði 1:57.43 og russiski Sergay Bolshakov 1:57.48. Danski OL-svimjarin Julie Hjorth-Hansen mátti gevast vegna kulda… sum má hava verið heldur ógvusligur, síðani at danski Martin Pedersen gavst longu eftir 2 km, av somu orsøk. Myndirnar eru av vinnarunum, við vælvild frá danska svimjisambandinum.

Poliana_Okimoto
Continue reading Lurz og Okimoto vunnu World Cup í Keypmannahavn

Onkur føroyingur við í Christiansborg Rundt í morgin

Danska Svimjisambandið spílar seg út á www.svoem.dk, nú tey fyri fyrstu ferð nakrantíð fara at skipa fyri einum FINA-tiltaki, við 10 kilometra havsvimjingini rundt Christiansborg í morgin leygardag. Hetta er partur av World Cup seriuni hjá FINA í “Open Water” svimjing, og hartil skipa danir fyri eini 2 kilometra motiónskapping á sama strekki, har vit millum annað í startlistanum síggja, at fyrrverandi HS svimjarin Jóannes á Fløtti fer at luttaka. Sí videobrot og frágreiðingar av tiltakinum á www.svoem.dk og www.openwater.dk, og gev gætur at danska svimjisambandið sambært SwimNews.dk fer at streama ‘live’ frá tiltakinum á heimasíðuni www.svoem.dk í morgin – bæði frá World Cup og frá motiónskappingini.

Sviar skipa fyri forkunnugari 5km kapping

Svenska svimjisambandið skipar tann 12. september fyri óoffisiellum svenskum meistaraheiti í 5 kilometra svimjing í 50 metra hyli. Tey hava tá tríggjar svimjarar á hvørjari geil, sum verða seedaðir eftir bestu tíð í 1500 metra frí. Tað sær út til at stevnan er bara fyri sviar, men sí allíkavæl innbjóðingina her, um tit halda sovorðið verða áhugavert.

50 metur upp á 14.16 sekund

Tað er nýggja heimsmetið hjá russiska Pavel Kabanov, í 50 metra svimjing við monofitju. Heimsmeistarastevnan í “finswimming” er í hesum døgum í Sankta Pætursborg í Russlandi, har tey sum á HM í Rom seta eina røð av heimsmetum. Til dømis 1500 metrar uppá 12:13.52, og 800 metrar uppá 6:18.24. Sí úrslit her, og live sjónvarp á www.swimmingspeedrecord.com.

Her er eitt videobrot frá eini stevnu fyrr í ár, har tann skjótasti svimur teir 50 uppá 14.38 sekund …

Piersol heldur at heimsmet verða sett eisini næsta ár

Amerikanski Aaron Piersol heldur í samrøðu á Reuters.com, at svimjarar verða kløkkir næsta ár um hvussu skjótt teir kunnu svimja uttan drakt, og at heimsmet fara at verða sett. “People have had a taste of going very fast. They won’t forget it. They will get back into the water and think they can go that fast again, and they will”. Í samrøðuni nevnir hann eisini møguleikan fyri at luttaka á World Cup m.a. í Stockholmi og Berlin, sum hann annars ikki hevur gjørt so ofta.

Úrslit frá SuSvim stevnuni í dag

Niðanfyri eru viðfest úrslit frá stevnuni hjá Suðuroyar Svimjifelag í dag. Eg havi ikki koyrt úrslitafíluni gjøgnum rokniarkið enn, men havi ein greiðan varhuga um at annaðhvørt SuSvim ella Havnar Svimjifelag vunnu flest heiðursmerki, við tað at tey vóru fyrst í øllum kappingum, uttan í 50 rygg har Poula Ø. Mohr vann fyri Fuglafjarðar Svimjifelag 🙂

Phelps skiftir longu nú til stuttibuksur

SwimNews.com skrivar her, at Michael Phelps ætlar sær at svimja í “the 2010 cut of suit”, á World Cup stevnunum í Berlin og í Stockholmi í november. Venjarin Bob Bowman sigur, at teir ikki fara eftir góðum tíðum, men fyrst og fremst sum fyrireiking til OL í London í 2012. “This year is all about the training”, sum tað eisini stendur á reachforthewall.com. Og so verður spennandi at síggja, hvat ið t.d. Paul Biedermann fer í, um teir báðir skulu møtast aftur í 200 frí.

Her er nýggja Bellahøj Svømmestadion

Í videoini niðanfyri vísir Kultur- og Fritidsborgmester Pia Allerslev fram nýggja Bellahøj Svømmestadion, har millum annað bestu donsku svimjarar skulu venja í framtíðini, í elitusentrinum hjá danska svimjisambandinum. Talan er um ein 50 metrar hyl við 8 geilum, kavingarhyli og einum lítlum heitari hyli til børn og líknandi. Kappingin á videoini er altjóða “World Outgames 2009” svimjistevnan fyri samkynd, sum varð hildin í høllini í summar, áðrenn hylurin alment lat upp, tann 10. august.

Tað verða ongar eyka svimjikappingar á OL í London

Altjóða Olympiska nevndin IOC hevur í dag vrakað øll uppskot um at fáa eyka svimjikappingar við í skránna til OL í London í 2012, og svimjikappingarnar verða tí tær somu har, sum á undanfarnu fýra Olympisku leikum. Uppskot vóru annars um at fáa 1500 frí hjá kvinnum við, umframt 800 frí hjá monnum, og 50 metra kappingar í firvald, rygg og bringu. Men IOC hevur altso avgjørt at leggja einans boksing afturat skránna til OL í 2012, umframt at viðmæla at golf og rugby koma við í 2016. Les SwimNews.com

Steve Parry vísir stríðið av at lata seg í superdrakt

Tit minnast kanska niðanfyri standandi video hjá mær, frá svimjikappingini hjá journalistum. Tilfeldigvís er Steve Parry ein av luttakarunum í riðlinum, og á BBC kunnu tit so síggja, hvussu tað gekst honum at koma niður í superdraktina. Har er eisini ein onnur áhugaverd video, har James Munro forklárar eitt sindur um hvussu superdraktirnar rigga.


Continue reading Steve Parry vísir stríðið av at lata seg í superdrakt