Tag: ÍSF

Miðlarnir í Føroyum hava onga atgongd til OL

Útvarpsendingin Pressan umrøddi hósdagin teir trupuleikar sum ÍSF og Kringvarpið hevur at fáa atgongd til OL í summar. Danir hava fingið tillutað 32 pressuloyvi (accreditering), og hesi eru langt síðani býtt út til danskar fjølmiðlar. Men Kringvarpið fer at senda fólk til London óansæð, og ætlar at húsast í einum shoppingcentri onkrastaðni tætt við har Pál skal búgva. Solby Eliasen leggur aftrat “sjálvandi vera vit har”, tí “tað er ordiliga stórt”. Hon siterar Rók, at danir og útheimurin hava fangað tað, nú er tað bara føroyska pressan sum ikki skilur, hvussu fantastisk søgan um Pál er. Hoyr sendingina her.


Continue reading Miðlarnir í Føroyum hava onga atgongd til OL

ÍSF spyr: “Hvat vilja flokkarnir við ítróttinum?”

Politisku flokkarnir hava í dag fingið áheitan frá ÍSF-húsinum um at greiða frá hvørjar hugsjónir teir hava í samband við ítrótt í Føroyum. Svarini kunnu síggjast á www.isf.fo so hvørt, sum tey koma inn. Viðurskifti sum ÍSF hevði kunnað hugsað sær at hoyrt meiningar um eru t.d.:

  • Yvirskipaði týdningurin av ítrótti fyri føroyska samfelagið og einstaka borgaran
  • Hvønn týdning hevur úrvalsítrótturin, og hvussu vilja tit stuðla honum?
  • Hvønn týdning hevur breiddarítróttur, og hvussu vilja tit stuðla honum?
  • Hvønn týdning hevur ítrótturin í umboðan og marknaðarføring av Føroyum úti í heimi, og hvussu vilja tit stuðla hesum virksemi?
  • Hvønn týdning hevur tað at vit skipa fyri altjóða ítróttartiltøkum í Føroyum?
  • Hvørji ítróttarverkløg vilja tit byggja?
  • Hvussu vilja tit lætta um fíggjarligu korini hjá sersambondunum og hjá einstøku feløgunum?

Les meira her á isf.fo.

Svimjingin stórt rúm í nýggjarsheilsan forsetans

Petur Elias Petersen forseti í Ítróttasambandi Føroya sigur millum annað soleiðis í nýggjarsheilsan sínari á isf.fo:

Vit hava ítróttagreinar, ið eru komnar rættiliga nógv longri enn at síggja oyggjaleikir sum tann størsta ítróttahendingin á árinum. Her hugsi eg einamest um svimjingina, har vit eiga eitt ítróttafólk í heimsflokki.
ÍSF roynir við serstøku játtanini til úrvalsítróttafólk at geva Páli Joensen so góðar umstøður sum gjørligt, so at fyrireikingarnar til stórar kappingar, so sum norðurlendskar, evropeiskar og heimsmeistarakappingar verða so góðar sum gjørligt.

Continue reading Svimjingin stórt rúm í nýggjarsheilsan forsetans

ÍSF talar at ætlanunum hjá Løgtinginum at spara uppá ítrótt

ÍSF-forsetin Petur Elias Petersen skrivar her á isf.fo, at tað kom dátt við tá stjórn ÍSF’s kundi staðfesta at tað sjálvbodna arbeiðið, sum verður gjørt í ítróttafeløgunum kring alt landið, nú skal svíða fyri at fáa Løgtingsfíggjarlógina fyri 2011 at hanga saman. Løgtingið ætlar at skera eina hálva millión av tí stuðli sum verður latin ÍSF, afturat milliónini sum varð skorin av stuðlinum til fótbóltin í sambandi við ólavsøkupakkan í fjør, og afturat stuðulin til ein ítróttarráðgeva, so at ítrótturin nú tilsamans hevur mist 1,85 millión krónur. Teir eyka 600.000 til úrvalsítrótt eru at fegnast um, men kemur jú ikki breiðu ítróttini tilgóðar.

“Tað tykist sum um, at politiska skipanin als ikki hevur fatað tað ómetaliga stóra virði í tí, sum sjálvboðin innan ítróttalívið kring allar Føroyar gera dag og dagliga. Í mun til so nógv annað, sum peningur verður játtaður til á løgtingsfíggjarlógini, so er tann hálva milliónin, sum nú verður skorin frá ítróttini piparnøtur, og tað er samlaða upphæddin til ÍSF upp á 4,75 milliónir jú eisini.”

Kom og mynda ítróttin í framtíðini

ÍSF skipar nú leygardagin tann 6. februar fyri evnisdegi á Hotel Føroyum, har feløg, sersambond og starvsnevnd ÍSF fara at viðgera bygnaðin í Ítróttasamandi Føroya. Menningarkonsulenturin Jan Gudnitz frá Dansk IdrætsForbund kemur at leggja fyri, og skipað verður síðani fyri tveimum ‘workshops’, um visjónir, mál og uppgávur hjá Ítróttasambandinum, og um uppgávubýtið millum ÍSF, sersambond og feløg. Tiltakið er ókeypis, og ÍSF sær gjarna at tað koma tvey umboð frá hvørjum felag, umframt tvey umboð frá hvørji ítróttagrein í sersambondunum. Vinarliga boða frá á nro@isf.fo, hvør kemur við frá tykkara felag, í seinasta lagi mikudagin 3. februar. Sí isf.fo

Evniskvøld um etikk og virðir í ítrótti

Mánakvøldið 2. november kl 19 verður alment evniskvøld í Miðlahúsinum um etikk og virðir í kappingarítróttinum, við dr.jur. Jens Evald, sum er formaður fyri Anti Doping Danmark og professari í rættargangsøgu, rættarfilosofi og ítróttarløgfrøði á Århus Universitet. Evni til viðgerðar eru til dømis, um tað er í lagi hjá foreldrum at skelda dómaran, at ein skaddur fótbóltsspælari verður sendur inn á vøllin, at ein 18 ára gamalur venjari gongur saman við 17 ára gamlari gentu á liðnum, og at nýta euforiserandi evni bara tí tað ikki verður uppdagað. Les meira her á isf.fo

Væleydnað venjaraskeið á Toftum

ÍSF skipaði í vikuskiftinum fyri venjaraskeiði í skúlanum á Toftum, fyri venjarum at børnum og ungum. Felagsmyndin vísir at luttakarar vóru millum annað svimjivenjararnir Sonni Eliasen, Karina Petersen og Rúni Gaardbo, umframt eisini onnur kend andlit. Fleiri stuttligar myndir eru at finna her á isf.fo, frá tá ið tey bóltaðust í fimleikahøllini.

ÍSF mælir til ítrótt í heystfrítíðini

Sí skriv her á isf.fo, og gev gætur at Fólkaheilsuráðið tekur sær av miðlunum og lýsingum, um bara feløgini melda til. Freistin at melda til er nú fríggjadagin tann 25. september …

Ítróttasamband Føroya ynskir saman við Fólkaheilsuráðnum at taka stig til, at heystfrítíðin hjá skúlunum ikki fer framvið í leti.

Hesum vilja vit fegin hava tykkum at hjálpa okkum við.

Tankin er, at tit “lata felagið upp” og onkran dag ella dagar í heystfrítíðini (millum 12. og 16. oktober) í tíðarskeiðinum 14.00 – 20.00 skipa fyri nøkrum tiltøkum, har øll fólk, eisini tey ið ikki eru limir í felagnum, fáa høvi at royna seg innan tykkara ítrótt.

Okkara ætlan er, at tit røkka ungum sum eldri. Sjálvsagt serliga skúlaungdómi – ið jú hevur frí hesa vikuna, men eisini foreldrum og/ella ommum og abbum. Eitt hugskot frá okkum er, at “tvey ættarlið royna seg”. Tvs., at foreldur kunnu koma við sínum børnum og bæði fáa okkurt burturúr.

Tað er umráðandi, at tað er bæði stuttligt og hugaligt hjá luttakarunum. Tit duga best sjálvi at fylla karmarnar út og finna uppá hvat fyri aktivitetir passa seg til hetta tiltakið.
Continue reading ÍSF mælir til ítrótt í heystfrítíðini

ÍSF gjørt leiðbeining um skatt og MVG í ítrótti

Av isf.fo:

Í samband við aðalfundin í mai 2009 gjørdi Ítróttasamband Føroya eina leiðbeining, sum gevur feløgum, nevndarlimum, kassameistarum, íðkarum, hjálparfólkum v. m. – teimum, sum í tí dagliga vara av ítróttini, innlit í og svar uppá teir mest týðandi tættirnar innan skatt og meirvirðisgjald, tá um ítróttina umræður. Dentur hevur verið lagdur á at gera leiðbeiningina lætt atgongiliga hjá leikfólki, uttan serligt innlit í skatta-og mvg viðurskifti.
Continue reading ÍSF gjørt leiðbeining um skatt og MVG í ítrótti

Forvitnislig ráðstevna í Norðurlandahúsinum, mikudagin

Fólkaheilsuráðið og ÍSF skipa í felag fyri almennu ráðstevnuna “Føroyar í rørslu“, í Norðurlandahúsinum nú mikudagin 11. mars 2009 frá kl 13 til 16:30, í sambandi við at árið í ár er rørsluár. Pál Weihe kemur at greiða frá hvussu nógv føroyingar røra seg sum er, Magni Mohr fer at greiða frá nyttuni av ymiskum venjingarhættum, finski professarin Ilkka Vuori fer at greiða frá finsku royndunum at fáa politikarar at taka undir við likamsvirknisætlanum, og svenski Bengt Sevelius fer at greiða frá hvussu ítróttarfeløgini kunnu geva sítt íkast til fólkaheilsuna gjøgnum likamsvirkni. Ráðstevnan er ókeypis, men tú mást melda til áðrenn í morgin, 9. mars kl 12:00. Les meira á www.folkaheilsa.fo