The Race Club hjá Gary Hall Jr. og Sr. fær nú eina deild í Sao Paolo eisini. Hetta er eitt svimjifelag (ella rættari eitt ‘program’) sum skipar fyri venjingarlegum, ‘fitness camps’ og selur videoir og ‘merchandise’ til at kunna stuðla elitusvimjarum við venjingarumstøðum og fíggjarliga. Lesið her á SwimInfo.
Category: venjing
Landsliðsvenjarin er í barnsburðarfarloyvi
Gevið gætur at hetta ikki eru offisell svimjisambandstíðindi; men tað skuldi verið púra vist at landsliðsvenjarin Brian Marshall í løtuni er í barnsburðarfarloyvi, í umleið eitt ár. Havi spurgt meg rættiliga væl fyri, og skilji á lagnum at hetta hevur verið galdandi síðani einaferð stutt áðrenn landsliðsvenjingarleguna í Íslandi í januar.
Hetta er sjálvsagt ein ógvuliga óheppin støða, við tað at landsliðið harvið er meira ella minni í venjaraloysi komandi árið. Kristian Martin Joensen er gott nokk til taks sum hjálparvenjari hjá landsliðsvenjaranum, men stóri spurningurin er nokk mest um Svimjisambandið hevur ráð at uppstiga hann til landsliðsvenjara, ella at seta ein annan í fyribils landsliðsvenjarastarv, meðan Marshall er burturstaddur.
Orsakið meg fyri at koma við sovorðnum ‘hálvum’ tíðindum, men SSF hevur týðiligvís havt ein trupulleika við at halda sína heimasíðu og okkum áhugaði ajour við tí sum fyriferst í svimjisambandshøpi, síðani Helgi á Fløtti fór úr starvsnevndini í heyst. Mær dámar ikki at renna við slatri, men hinvegin er tað væl heldur ikki rætt at lata verða við at viðgera evni, bara tí at eingin almenn tíðindi koma frá sambandinum.
Popov og Foster vísa crawl teknikk á YouTube
Her eru video av tveimum teimum allarbestu (sprint) crawl svimjarum nakrantíð, russiski Alexander Popov og bretski Mark Foster. Teir hava báðir átt heimsmet í 50 frí á stuttbana, og Popov eigur enntá enn tað á langbana.
Continue reading Popov og Foster vísa crawl teknikk á YouTube
Samstarv millum venjarar í umbúna
Jón Bjarnason hevði sunnudagin áðrenn kapping ein frálíkan fyrilestur fyri fyrstaliðsvenjarar um ‘Rainbow’-skipanina hjá Jon Urbanchek, sum Jón brúkar til at testa og venja Susvim svimjararnar eftir. Uppmøtingin var heilt góð, og menn vóru eftirfylgjandi púra samdir um at hetta áttu vit at gjørt meira av. Eisini tá ið tað kemur til at skipa fyri felags venjingarlegum og líknandi.
Manaudou flytir aftur felag
Slaturin vil vera við at tað aftur er tí at hon vil vera nærri at sjeikinum hjá sær, sum tó ikki er tann sami sum fyrru ferð.
Kristian Martin venur nú HS
Kristian Martin Joensen er nú aftur 1. liðsvenjari hjá Havnar Svimjifelag.
Fyrsta SSF grundskeið í merkjaskipanini avgreitt
Fríggjakvøldið og leygardagin skipaði Svimjisamband Føroya fyri fyrsta føroyska SSF grundskeið í merkjaskipanina, í skúlanum og svimjihylinum við Gøtugjógv. Grundskeiðið umfataði fyrstu fimm merkini, sum føra svimjararnar frá møguliga ikki at vera tryggur í vatni, til at kunna kava, flóta, glíða og taka seg fram. Skipanin er so gott sum 100% grundað á norsku merkjaskipanina, sum undirvísararnir fingu útbúgvin í á vári 2007.
Á myndini síggjast luttakarar og undirvísarar úr Ægir, FS, Reka, Skeggjum, FLOT og HS
Continue reading Fyrsta SSF grundskeið í merkjaskipanini avgreitt
Venjaraskeið komandi vikuskifti
Sum tit kunnu lesa í viðfestu innbjóðing, so skipar SSF nú fyri venjaraskeiði fríggjadagin og leygardag 4. – 5. januar 2008. Skeiðið umfatar byrjunarupplæring í svimjing: “Hvussu læra vit børnini at svimja?”. Hetta er skeið sum tey bæði Pálin Olsen og Rúni Gaardbo hava mennt og gjøgnumført tvær ferðir við fólkaskúlalærarum, við støði í norsku merkjaskipanini.
Elspa til Miami í februar
Sportal.fo skrivar her stutt um avgerðina hjá Elspu at flyta niður at venja í heyst, og nú at skifta til danska svimjing. Tey vita at siga at hon fer til Miami á 14 daga venjingarlegu í februar, og at hon nú 29. desember skal luttaka á stórari stevnu í Esbjerg. Kanska hetta verður møguleikin at seta danskt juniormet, sum tey hava skrivað um á sport.fo.
Er tað gjørligt at svimja 47.91, um man bara venur 20 km um vikuna?
Hetta er stóri spurningurin á kjaksíðum innan svimjing, nú Stefan Nystrand í august svam langbana 100 frí á 47.91, næstskjótasta tíð nakrantíð, samstundis sum hann sigur seg ongantíð venja meira enn 20.000 metrar um vikuna, umframt 2 ferðir landvenjing. Lesið t.d. her og her á timedfinals.com, her á CollegeSwimming.com, og her á kjaksíðuni hjá ‘The Race Club‘. Hatta er alt á enskum, men Nystrand forklárar eisini sjálvur ymiskt her á svenskum, í SvD.
Continue reading Er tað gjørligt at svimja 47.91, um man bara venur 20 km um vikuna?