Her er innbjóðing til svimjistevnu sum Havnar Svimjifelag skipar fyri í svimjihylinum á Argjum, leygardagin hin 30. apríl 2022. Hetta er stevna fyri okkara yngstu aldursbólkar.
Innbjóðing til HS-stevnu á Argjum 30. apríl 2022
Author: rokur
Innbjóðing til ABMS 2022
Her er innbjóðingin til Aldursbólkameistarastevnuna 2022 (ABMS 2022), sum verður í Klaksvíkar Svimjihøll hin 14. og 15. mai 2022.
Aðalfundur í Svimjisambandi Føroya 2022
Svimjisamband Føroya hevði í dag hin 9. apríl 2022 sín árliga aðalfund, á Panorama á Hotel Hafnia í Havn. Á skránni var útyvir formansfrágreiðing og framløga av roknskapinum, eisini ein rúgva av innkomnum málum frá starvsnevndini, og val av formanni og tveimum nevndarlimum.
Atlantic Airways heldur áfram sum høvuðsstuðul hjá Svimjisambandi Føroya
Atlantic Airways og Svimjisamband Føroya hava í dag endurnýggjað stuðulsavtaluna sínámillum, so at Atlantic framhaldandi er høvuðsstuðul SSF. Hetta hendi har vesturi á flogvøllinum í Vágum, í sambandi við at føroyska svimjilandsliðið kom heim av væleydnaðari ferð til Noregs, har tey hava luttikið á altjóða stevnuni Bergen Swim Festival 2022.
Kristian Martin Joensen eigur myndina
Elisabeth 2:21.07 og bronsu í 200 rygg á Bergen Swim Festival 2022
Elisabeth Erlendsdóttir (2005) úr Havnar Svimjifelag megnaði nú í kvøld at svimja seg til bronsuheiðursmerki á Bergen Swim Festival 2022, tá ið hon í A-finaluni í 200 metra ryggsvimjing svam teinin uppá 2:21.07. Besta tíð hjá henni nakrantíð, er 2:19.88 frá Edinburgh International Swim Meet í mars mánaða.
á Bergen Swim Festival 2022.
Kristian Martin Joensen eigur myndina
á Bergen Swim Festival 2022.
Kristian Martin Joensen eigur myndina
Úrslit frá SuSvim Open 2. og 3. apríl 2022
Her eru úrslitini frá svimjistevnuni “SuSvim Open Apríl 2022” sum Suðuroyar Svimjifelag skipaði fyri í Páls Høll í Vági, nú leygardagin 2. og sunnudagin 3. apríl 2022. Úrslitini síggjast eisini her á livetiming.se, umframt her á swimrankings.net
Elisabeth í A-finalu í 200 rygg við 2. bestu tíð av øllum á BSF 2022
Elisabeth Erlendsdóttir (2005) úr Havnar Svimjifelag svam seg í morgun víðari til eina A-finalu afturat á Bergen Swim Festival 2022, tá ið hon í 200 metra ryggsvimjing svam næstbestu tíð av øllum teimum 71 luttakandi í hesari grein. Besta tíð hjá henni nakrantíð, er 2:19.88 frá Edinburgh International Swim Meet nú fyrr í mars.
Úrslit frá finalunum 2. dag á Bergen Swim Festival 2022
Tey eru liðug við 2. dag á Bergen Swim Festival 2022, har vit høvdu 3 føroyingar í finalu.
- í 200 blandað setti Eyðrið Mortensen (2003) úr Havnar Svimjifelag persónligt met, tá ið hon í B-finaluni varð 3. skjótast við tíðini 2:27.98. Besta tíð hjá henni áðrenn hetta, var 2:28.98 frá Reykjavík International Games í januar
- í A-finaluni í 200 bringu varð Lea Osberg Højsted (2008) úr Ægir 8. skj´ótast við tíðini 2:45.83. Besta tíð hjá henni er 2:44.98 frá NMU í Klaipeda í fjør summar, sum hon eisini kláraði at svimja í innleiðandi nú í dag
- í A-finaluni í 100 rygg varð Elisabeth Erlendsdóttir (2005) úr Havnar Svimjifelag skjótast við tíðini 1:06.58. Besta tíð hjá henni er 1:04.67, frá EJM í Róm í fjør summar
Føroysk úrslit á Bergen Swim Festival 2022
Her er eitt yvirlit yvir føroysk úrslit á Bergen Swim Festival 2022, tikin burturúr alinlanga listanum her á livetiming.se. Listin verður dagførdur í kvøld og í morgin.
Føroyingar í finalu eisini 2. dag á Bergen Swim Festival 2022
Hóast kappingin er sera hørð á Bergen Swim Festival 2022, so stinga føroysku svimjararnir eisini seg upp í millum viðhvørt. Í morgun svumu tey aftur um at koma í finalur seinnapartin, har hesar svumu seg víðari:
- í 200 blandað er Eyðrið Mortensen úr HS í B-finaluni, við tíðini 2:29.78
- í 200 bringu er Lea Osberg Højsted úr Ægir í A-finaluni, við tíðini 2:44.98
- í 100 rygg er Elisabeth Erlendsdóttir úr HS í A-finaluni, við tíðini 1:05.94
B-finalurnar byrja kl 16:00, føroyska tíð, og A-finalurnar kl 17:00. Úrslitini fara at kunna síggjast beinleiðis her á livetiming.se, við stroyming her