Tag: manchester 2008

‘Heliosphere Projections’ á setanini av HM í Manchester í 2008

Rættiliga kul, í lýsingini av filminum á Vimeo: “This a film of projections that Knifedge created for the FINA World Swimming Championships opening ceremony in Manchester in April 2008. The brief was to create the illusion of events occurring within the 7m diameter helium balloon. This would then feel like the total show but when the second section of the show commences, when the balloons take off, it created an audible intake of breath from the entire audience. The heliosphere performance is the creation of our great friends, The Dream Engine.”

Heliosphere Projections from Knifedge on Vimeo.

Continue reading ‘Heliosphere Projections’ á setanini av HM í Manchester í 2008

Eingin ivi um at draktin hjálpir

Craig Lord á SwimNews samanbar úrslitini hjá 450 svimjarum í topp 20 á heimsmeistarastevnuni, sum nú svumu í Speedo LZR Racer, við hvussu skjótt tey hava svomið áðrenn. 400 av teimum høvdu betrað seg millum 1,6 og 2,3 prosent. Lagt fyri ein vin sum eisini er professari ið arbeiðir dagliga við sannlíkindum, var svarið klárt: Without a shadow of a doubt … if you have that kind of result in a medical experiment, you’d be looking at ‘case proven’. Lesið her á SwimNews. Continue reading Eingin ivi um at draktin hjálpir

6 heimsmet afturat í Manchester

Eg listi tey bara skjótt upp her, tí hetta verður eitt sindur troyttandi í longdini. Øll metini eru sjálvsagt á stuttbana:

Eysturríkski Markus Rogan hevur betrað um heimsmetið í 200 rygg frá teimum 1:49.05 hjá Ryan Lochte til 1:47.84. Kroatiska Sanja Jovanovic betraði sítt heimsmet í 50 rygg 26.50 til 26.37. Amerikanski Ryan Lochte betraði sítt 100 blandað heimsmet frá teimum 51.25 í gjár til 51.15. Avstralska Felicity Galvez svam 55.89 í 100 firvald, har heimsmetið hjá Libby Lenton var 55.95. Hálendska Marleen Veldhuis betraði um sítt egna heimsmet í 50 frí frá 23.58 til 23.25, og mennirnir úr Russlandi settu nýtt heimseti í 4×100 blandað við tíðini 3:24.29, har USA fyrr átti heimsmetið á 3:24.38.

Samlaða talið á heimsmetum var altso tilsamans 18 á heimsmeistarastevnuni í Manchester, um eg havi talt rætt. 2 vórðu sett í somu grein (100 blandað), men hini eru so í somu ymiskum greinum. Continue reading 6 heimsmet afturat í Manchester

Pál 15:12.88 í 1500 frí í morgun

Hetta er 8 hundraðpartar spakuligari enn teir 15:12.80 sum hann svam á DHM fyri 14 døgum síðani, og tí óivað ikki nøkur tíð sum hann er glaður fyri beint nú. Men ókey, tað vísir støðugt høgt støði, at hann í desember svimur 15:10, og nú á vári tvær ferðir 15:12. Síggið úrslit og splitt-tíðir hjá Páli her á omegatiming.com (ein PDF-fíla sum eg eisini havi viðfest her niðanfyri). Continue reading Pál 15:12.88 í 1500 frí í morgun

Nú er bara Pál eftir

Hini trý hava svomið hampa tíðir í morgun, uttan tó at seta føroysk met ella líknandi. Shaila svam 2:13.97 í 200 frí, Mona 2:09.88, og Kári hevur svomið 2:07.84 í 200 rygg. Eftir er bara 4 x 100 blandað hjá monnum (har eingin føroyingur er við), og so teir innleiðandi 1500 frí, har vit vóna at Pál fer undir fimtan. Fylgið við ‘live’ á omegatiming.com, har tey beint nú eru farin í gongd við fyrsta riðil (Pál er í næsta). Continue reading Nú er bara Pál eftir

3 heimsmet afturat á HM í Manchester

Amerikanski Ryan Lochte hevur sett nýtt stuttbana heimsmet í 100 blandað við tíðini 51.25, í semifinaluni á heimsmeistarastevnuni í kvøld. Simbabviska Kirsty Coventry betraði heimsmetið í 200 blandað við umleið 1½ sekundi, til 2:06.13, og kvinnurnar úr Niðurlondum betraðu um sítt heimsmet í 4×100 frí við nærum 4 sekundum, til 3:29.42. Tilsamans 12 heimsmet eru nú sett á heimsmeistarastevnuni í Manchester, og ein dagur er eftir í morgin. Lesið annars her, her og her á SwimInfo. Continue reading 3 heimsmet afturat á HM í Manchester

Kári 1:01.95 í 100 IM, Shaila 27.07 í 50 frí

Kári J. á Høvdanum hevur í morgun svomið 100 blandað, sum eitt slag av uppískoytis kapping, til at halda seg í gongd. Hann svam 1:01.95, sum er gott men ikki føroyskt met ella nakað.

Shaila svam hin vegin 27.07 í 50 frí løtu seinni, sum er gott! Ókey, nú veit eg ikki hvat hennara persónliga met er, men føroyska metið hjá Elspu er ‘bara’ 26.71, og kjansur er tí seriøst fyri at Shaila fyrr ella seinni kann taka tað. Continue reading Kári 1:01.95 í 100 IM, Shaila 27.07 í 50 frí

2 heimsmet afturat á HM í Manchester

Kroatiski Duje Draganja hevur sett nýtt stuttbana heimsmet í 50 frí við tíðini 20.81, har svenski Stefan Nystrand til nú átti heimsmetið á 20.93. Og amerikanski Ryan Lochte betraði um heimsmetið í 200 blandað við nærum 1½ sekund, tá ið hann svam 1.51.56 har metið hjá ungarski Laszlo Cseh var 1.52.99. Lesið her og her á SwimInfo. Continue reading 2 heimsmet afturat á HM í Manchester

Nýtt heimsmet í 50 firvald hjá kvinnum

Hesu ferð var tað við so lítlum muni sum tað yvirhøvur ber til, tá ið avstralska Felicity Galvez á heimsmeistarastevnuni í Manchester setti nýtt stuttbana heimsmet við tíðina 25.32, har metið hjá svensku Anna-Karin Kammerling frá 2005 var 25.33. Lesið á SwimNews og SwimInfo. Continue reading Nýtt heimsmet í 50 firvald hjá kvinnum