Avstralar meta svimjing vera ítrótt við stórum vanda fyri doping

Avstralska antidopingin fer at kanna allar íðkarar sum fara til OL í Beijing minst éina ferð, umframt íðkarar úr summum ‘høj-risiko’ ítróttargreinum fleiri ferðir. Hesar greinar við serligum vanda fyri doping eru svimjing, frælsur ítróttur, súkkling, baseball, vektlyfting, rógving og triathlon. Hetta hóvar sjálvsagt ikki øllum, sum t.d. Grant Hackett, ið halda at avstralska svimjingin ikki hevur fortjent slíkan ó-heiður.

Men antidoping nevndin verjir sína støðu við at vísa á at altjóða svimjingin faktiskt hevur havt stórar dopingtrupulleikar at stríðast við, samstundis sum svimjarar í dag svimja skjótari enn nakrantíð fyrr. Har var jú systematiska dopingin hjá Eysturtýskalandi í 80-unum, og hjá Kina í 90-unum. Dopaðir svimjarar tá svumu tíðir sum eingin annar kundi liva upp til, og tó so svimja tey bestu í dag skjótari.

So sum tey siga, eitt víðkað dopingeftirlit í dag er líka nógv fyri at verja tey óskyldigu undan følskum ákærum, sum fyri at fanga syndararnar.

Lesið her á SwimNews.

Fyrsta ungdóms-OL verður í Singapore í 2010

Singapore vann á Moskva, og harvið verða fyrstu olympisku leikir fyri ungdómar í Singapore ár 2010. Eg má viðganga at eg havi ikki hoyrt um ungdóms-OL fyrr enn nú, men eftir øllum at døma er hetta ein ætlan hjá altjóða olympisku nevndini IOC at røkka betri út til tey ungu eisini. Lesið her á SwimNews.

Nýtt evropeiskt met í 100 rygg hjá kvinnum

Russiska Anastasia Zueva svam fyri fyrst ferð undir minuttin í 100 rygg á langbana í gjár, tá ið hon á stevnu í Russlandi tók evropeiska metið hjá Laure Manaudou á 59.87 við tíðini 59.64. Harvið er hon triðskjótasta kvinna nakrantíð, og einans ein av fýra sum hava svomið undir minuttin í 50m hyli. Lesið her á SwimInfo.

Myndir frá Ægir stevnuni

Mínar myndir frá Ægir stevnuni kunnu síggjast her á Flickr.com.

DSC_0149

Eg var tíverri ikki til staðar tá ið ‘old boys’ svumu, men Reidar hevur lukkutíð myndir av tí her á susvim.com.

Hendan er frá tá ið Søren enn hevði ein kjans …

Og hendan er prógv um at hann faktiskt kom á mál, hóast óndar tungur vilja vera við at tað ikki var so …

(Forrestin flott av Símuni at heppa uppá hann.)

Silvur- og bronsunálir handaðar í Klaksvík

Svimjisambandið handaði nálir á svimjistevnuni í Klaksvík í vikuskiftinum, sum svimjarar hava svomið seg til síðani einaferð í heyst. Eg kenni ikki øll andlitini her, men so hjálpa tit mær væl í viðmerkingunum …

DSC_0062

Frá vinstru: Jákup Klein Hansen (HS, bronsunál?), Birita Debes (FLOT, silvurnál), Aimée Jacobsen (FLOT, bronsunál), Jóhann Heðinsson (FS, bronsunál), Bergtór T. Thomsen (Reki, bronsunál), Jarmund Steinkross (Susvim, bronsunál), ??, Ingunn Olsen (Reki, silvurnál), Joan Kristina í Jákupsstovu (FLOT, bronsunál), Gunn Joensen (Ægir), ??

Eyðbjørg Jacobsen úr FLOT fekk eisini handað bronsunál, men var tó ikki til staðar.

Fleiri úrslit úr Klaksvík

Viðfestur er ein næstan fullfíggjaður úrslitalisti frá Ægir stevnuni í vikuskiftinum. Møguliga fullkomiliga fullfíggjaður, við tað at eg ikki veit um tað er ein feilur at masters kappingin væntar, ella um tað er fyri at spara onkran av gubbunum (les: Sørin :-). Hartil eri eg ikki 100% vísur í at úrslitalistin hjá teimum yngstru er heilt rættur enn, men vit fáa væl at síggja.

DSC_0083 Continue reading Fleiri úrslit úr Klaksvík

Landsliðsvenjarin er í barnsburðarfarloyvi

Gevið gætur at hetta ikki eru offisell svimjisambandstíðindi; men tað skuldi verið púra vist at landsliðsvenjarin Brian Marshall í løtuni er í barnsburðarfarloyvi, í umleið eitt ár. Havi spurgt meg rættiliga væl fyri, og skilji á lagnum at hetta hevur verið galdandi síðani einaferð stutt áðrenn landsliðsvenjingarleguna í Íslandi í januar.

Hetta er sjálvsagt ein ógvuliga óheppin støða, við tað at landsliðið harvið er meira ella minni í venjaraloysi komandi árið. Kristian Martin Joensen er gott nokk til taks sum hjálparvenjari hjá landsliðsvenjaranum, men stóri spurningurin er nokk mest um Svimjisambandið hevur ráð at uppstiga hann til landsliðsvenjara, ella at seta ein annan í fyribils landsliðsvenjarastarv, meðan Marshall er burturstaddur.

Orsakið meg fyri at koma við sovorðnum ‘hálvum’ tíðindum, men SSF hevur týðiligvís havt ein trupulleika við at halda sína heimasíðu og okkum áhugaði ajour við tí sum fyriferst í svimjisambandshøpi, síðani Helgi á Fløtti fór úr starvsnevndini í heyst. Mær dámar ikki at renna við slatri, men hinvegin er tað væl heldur ikki rætt at lata verða við at viðgera evni, bara tí at eingin almenn tíðindi koma frá sambandinum.

(Partvís) tíðindi frá Ægir stevnuni

Sum kunnugt var stór svimjistevna í Klaksvík í vikuskiftinum, við svimjarum líka úr yngstu bólkum upp til ‘old boys’. Tíverri vóru onkrir trupulleikar við úrslitunum sunnudag, umframt at eg heldur ikki havi kunnað fingið fatur á úrslitalistanum frá ‘masters’ kappingini leygardag. Hendan frásøgn tekur tí fyrst og fremst saman um viðfesta úrslitalista, frá svimjingini leygardag, tá ið svimjarar í bólki 3 og eldri kappaðust.

DSC_0155 Continue reading (Partvís) tíðindi frá Ægir stevnuni