Citat Bo Jacobsen, venjari hennara og fleirfaldur ársins venjari í Danmark á westswim.dk: Dernæst kom Elspa perfekt fra start i 50 ryg og vandt i supertiden 29.67, som formentlig bringer hende ind på A landsholdet fra sæsonstart.
Mads, Pál og kongaríki
Ofta hava ævintýr eina hetju, ein skálk og eina prinsessu. So var eisini tá 800 m finalan varð svomin sunnudagin.
Fólk klappaðu spontant tá Mary og Fríðrikur trinu inn í høllina. Tey fingu heiðurspláss og kappingarskrá við eitt sindur av vegleiðing. Mads og Pál gjørdu seg klárar, kappingin byrjaði, og Mads legði seg framum. Men hálvhundrað metrar eftir á mál var Pál fremstur. Tó vann Mads tepurt, og Pál ynskti honum til lukku. Mads var ikki sørt sperlaður.
Hvør hetjan var og hvør skálkurin var skal vera ósagt 🙂
Fleiri myndir eru at finna á Sigma NS. Continue reading Mads, Pál og kongaríki
Óhugnalig spennandi kapping seinnapartin
Um nakar skuldi verið í iva, so er tað altso í kvøld at tað veruliga sker. Eitt sindur eftir kl 17:00 danska tíð, ella 16:00 føroyska tið. Pál móti Glæsner. Pál hevur sum kunnugt svomið føroysk met í 400, 800 og 1500 frí hesar seinastu dagarnar sum eru væl skjótari enn tey donsku, men Glæsner svimur nú sum senior skjótari. Teir møttust í 400, har Glæsner vann við 2 sekundum, men Pál er betri til hetta longri, eisini lutfalsliga í mun til juniormetini hjá Glæsner. Kann Pál minka um munin so mikið, at hann vinnur á Glæsner? Og hvussu langt koma teir niður í móti seniormetinum hjá Glæsner, á 7:59.43? Tað ræður um at fylgja við á www.livetiming.dk, tá kl 16.
Malan betrað um sítt met í 100 bringu
Nýggja metið hjá henni er 1:17.30, heili 2 sekund skjótari enn metið sum hon kom við til DM, 1:19.31 frá Reykjavík International 2008. Shaila svam eisini skjótt í gjárkvøldið, 50 frí uppá 27.60 sekund har metið hjá henni frá hálvfinaluni fríggjakvøldið er 27.48 sekund. Í morgin hava føroyingarnir vist nokk ikki svomið, men Elspa kvalifiseraði seg til finaluna í 200 rygg við, 4. bestu tíð av teimum sum skulu svimja tá. Continue reading Malan betrað um sítt met í 100 bringu
Pál bukað danska metið í 800 frí, í innleiðandi
Søgan verður bara betri og betri, og so nógv betri enn vit høvdu torað at vónað. Pál Joensen tók í dag 24 sekund av føroyska metinum í 800 frí, og svam harvið 4 sekund betri enn nakar danskur juniorsvimjari nakrantíð hevur svomið. Og hetta var bara í innleiðandi, í nakað sum venjari hansara Jón Bjarnason kallaði “skjót men ikki max svimjing”. Í morgin skal hann svimja móti sjálvum Mads Glæsner, í 800 metra frí finaluni, sum eigur bæði metið í 800 og 1500 frí, hjá bæði juniorum og seniorum. Og Pál svam skjótari enn Glæsner í innleiðandi 🙂
1-2 heimsmet sett í gjár
Tvs. tað eina varð ‘bara’ nágreiniliga sama tíð sum heimsmetið, sum SwimInfo sendir út sum “world record alert”, men sum vit onnur nokk ikki ordiliga rokna sum nýtt met. Men Michael Phelps setti altso nýtt heimsmet í 200 blandað við tíðini 1:54.80, har heimsmetið hjá honum frá í fjør var 1:54.98. Og Aaron Piersol svam somu tíð sum verandi heimsmet hjá Ryan Lochte í 200 rygg, við tíðini 1:54.32. Lochte sjálvur svam 1:54.34, og tá skal havast í huga at hann (Lochte) eisini svam til OL í 200 blandað móti Phelps, við 1:55.22 sum er triðskjótasta tíð í søguni. Lesið her og her á SwimInfo. Continue reading 1-2 heimsmet sett í gjár
Elspa svam bestu tíð í hálvfinaluni
Elspa er við í 50 rygg finaluni í annaðkvøld aftaná hon setti bestu tíð í hálvfinaluni. Hennara tíð var 29.91.
Shaila hevur eisini bøtt um sítt met
Tað gekk sum væntað við metinum, ið Shaila setti í 50 frí í morgun. Í hálvfinaluni í kvøld bøtti Shaila um metið. Nýggja føroyska metið hjá Shailu í 50 frí er nú 27.48.
Shaila er við í finaluni í annaðkvøld.
Malan tók meira av metinum í 100 bringu
Í morgun setti Malan nýtt føroyskt met í 100 bringu, men næstan sum vænta tók hon meira av metinum í kvøld í hálvfinaluni. Nýggja tiðin hjá henni er 1:17.99. Malan hevur svomið seg í finaluni í annaðkvøld.
Pál slóg danska junior metið!!!
Pál førdi suverent frá byrjan til mál og blakaði Anders Lie afturum seg. Nýggja metið hjá Pál er 15:20.13, ið er 45 sek skjótari enn gamla føroyska metið og 7 sek skjótari enn gamla danska junior metið. Pál var sostatt bara 8 sek frá at taka danska metið á teininum.
Splitt-tíðirnar hjá honum vóru 58.51, 2:00.14, 3:01.56, 4:03.58, 5:05.37, 6:07.20, 7:08.88, 8:10.76, 9:12.20, 10:13.88, 11:15.37, 12:17.16, 13:18.48, 14:19.91 og 15:20.13.
Anders Lie gjørdist nr 2 við tíðini 16:03.75, also knappar 13 sek skjótari enn hansara innleiðandi tíð.