Sum tit kunnu lesa t.d. her á news.com.au, so vænta tey at ein málningur hjá Ian Thorpe kann seljast fyri millum 7700 og 10300 amerikanskar dollarar, tá ið han fer á uppboðssølu hjá Sotheby’s í Hong Kong tann 5. oktober. Yvirskotið fer til eina verkætlan kallað “Right to Play China”, sum arbeiðir fyri at styrkja heilsu og útbúgving hjá kinesarum gjøgnum ítrótt.
(Photo courtesy of adidas)
Continue reading Ian Thorpe roynir seg sum kunstmálari
NJM verður sum kunnugt í Södertälje í Svøríki tann 6. og 7. desember, fyri gentur føddar 1993-1994 og dreingir føddir 1991-1992. Sjálv innbjóðingin finst sum Word-skjal her á heimasíðuni hjá Södertälje Simsällskap, www.sss.se, og kann eisini lesast sum HTML-skjal her á stevnuheimasíðuni. Svomið verður í ‘Sydpoolen’, sum tit kunnu lesa um og síggja á heimasíðuni www.sydpoolen.se. Føroysku kravtíðirnar síggjast her á ssf.fo.
Talan er um stevnuna sum skuldi verða síðsta leygardag, men sum varð útsett vegna trupulleikar við Smyrli. Til ber at melda til av nýggjum, ella bara brúka somu tilmeldingar sum seinast. Lesið annars tíðindini her á knassi.net.
Sum tit kunnu lesa her á fsvim.com, so hevur Pauli Øssursson Mohr avgjørt at gevast við svimjingini. Hugurin er ikki til staðar, og tá er nokk best at gevast. FS-svimjararnir David Simonsen, Karina Petersen og Kirstin S. Rasmussen góvust eisini fyri tíð síðani, so svimjiárið byrjar tíverri við at seniorsíðan er viknað rættiliga nógv.
Sum tit kunnu lesa í viðfesta skrivi, so verður árliga FS stevnan í Fuglafirði tann 4. oktober, fyri bólkar 2 og 3. Kappingin koyrir sum ein ‘opin’ kapping, men úrslitini verða bólkað. Sum nakað nýtt verður møguligt at keypa døgverða í steðginum fyri 40 kr, men tá má boðast frá áðrenn mánadagin 29. september. Tilmeldingarfreistin er annars mikudagin 1. oktober kl 23.
Í vikuskiftinum vóru millum annað nøkur úr svimjingini á skeið hjá ÍSF, um venjing av børnum og ungum. Hetta var eitt ógvuliga gevandi skeið, har vit komu runt um hetta at venja yngru aldursbólkarnar, og fingu góð hugskot til dagligu venjingina. Sum tit kunnu lesa her á isf.fo, so var skeiðið eisini serliga gott tí at fólk vóru (ella vórðu) so ‘við uppá tað’.
Her eru nakrar myndir úr myndasavninum hjá ÍSF…
Norski Ørjan Madsen er ikki blíður, nú hann gevst sum týskur landsliðsleiðari. Har er ov nógv fokus á trupulleikan, á umberingina, ov nógv misálit, øvundsjúka og nalvaskoðan. Nýggi sportschefurin Lutz Buschkow er heldur ikki heilt mjúkur, men heldur at týskarar mangla “race toughness” og yvirhøvur venja ov lítið í mun til hvat restina av heiminum ger. Men ok, kanska alt verður betur, nú tey savna síni bestu í 5-7 kraftsentur. Lesið SwimNews.
Klædnaframleiðarin Nike hevur herfyri fráboðað sínum sponsoreraðu elitusvimjarum, at tey gevast við at menna hesar ‘superdraktirnar’ sum elitusvimjingin nú krevur. Talan er um svimjarar sum Cullen Jones, Jason Lezak, Aaron Piersol og Brendan Hansen, og agentur teirra Evan Morgenstein sigur ikki mætari enn at hetta er deyðin fyri amerikansku elitusvimjingina, at ein av teimum trimum størstu framleiðarunum av ítróttarklæðum og -útgerð nú er úti úr svimjingini. Lesið cnbc.com
Har hevur sum kunnugt verið ballada millum venjarar og svimjarar í suðurafrikanska svimjisambandinum, og nú hava tey so avtalað ikki at fara undir nýggjar sáttmálasamráðingar. Men tíðindaskrivið her frá suðurafrikanska svimjisambandinum, nevnir tó bara alt tað góða sum er hent í tíðarskeiðinum hjá Lange, umframt líka at Lange fer at samstarva við advokatarnar sum nú kanna málið.
Team Danmark hevur sum kunnugt arbeitt nú í nøkur ár við eini verkætlan kallað “Aldersrelateret Træningskoncept” (stytt ATK), at fáa skrivað niður alt tað sum vit vita er gott hjá børnum og ungum at venja, frá yngstu aldursbólkar og fram til elitustøði. Ein grundbók finst um ítróttarvenjing yvirhøvur, og nú er ‘supplementið’ um svimjing so klárt, at keypa frá Dansk Svømmeunion ella taka niður fyri einki sum PDF-skjal. Og lat meg heldur avdúka beinanvegin, at her er talan um eitt veruligt “verk” á 51 A4-síður, sum viðger bæði hvussu svimjivenjingin eigur at vera hjá ymisku bólkunum, og hvussu vit annars kunnu hjálpa teimum við landvenjing, mentalvenjing, skaðafyribyrging, mati og øðrum.
Continue reading Fá bókina “Aldersrelateret træning i svømning” fyri einki á svoem.dk
