Dara Torres til OL fyri USA, 41 ára gomul

Fyrst kvalifiseraði hon seg í 100 frí; og síðani valdi hon at velja ta greinina frá, tá ið hon eisini kvalifiseraði seg í 50 frí. Enntá við betring av sínum egna amerikanska 50 metra langbana meti, frá 24.53 yvir 24.38 í hálvfinaluni til 24.25 í finaluni, har Lara Jackson eina løtu tók metið frá henni í innleiðandi við 24.50. Heimsmetið hjá Libby Trickett er 23.97, so Torres er væl á veg, nú hon hevur skorið 28 hundraðpartar av muninum, og tí bara hevur 28 eftir. Torres setti amerikanskt met fyrstu ferð sum 15 ára gomul, hevur sett heimsmet tríggjar ferðir, og fer nú at hava luttikið á OL yvir eitt tíðarskeið á 24 ár.

Continue reading Dara Torres til OL fyri USA, 41 ára gomul

Pál nú offisielt klárt bestu styrkismeting á Swim Rankings

Tey hava nú lisið úrslitini frá DM 2008 inn í dátugrunnin á www.swimrankings.net, og listin yvir evropeiskar juniorar vísir tí øllum at Pál er 8,5 sekund frammanfyri nr 2 í 1500 frí á langbana, 8 sekund frammanfyri í 800 frí, og nr 2 í 400 frí við 2 sekundum fram til nr 1. Tað er væl eisini áhugavert at síggja á EJM metlistanum hjá evropeiska svimjisambandinum LEN, at hann er rímiliga nær metinum í 1500 og 400 frí… og um 3 sekund skjótari enn metið í 800 frí (!!) Continue reading Pál nú offisielt klárt bestu styrkismeting á Swim Rankings

Mads, Pál og kongaríki

Ofta hava ævintýr eina hetju, ein skálk og eina prinsessu. So var eisini tá 800 m finalan varð svomin sunnudagin.

Fólk klappaðu spontant tá Mary og Fríðrikur trinu inn í høllina. Tey fingu heiðurspláss og kappingarskrá við eitt sindur av vegleiðing. Mads og Pál gjørdu seg klárar, kappingin byrjaði, og Mads legði seg framum. Men hálvhundrað metrar eftir á mál var Pál fremstur. Tó vann Mads tepurt, og Pál ynskti honum til lukku. Mads var ikki sørt sperlaður.

Hvør hetjan var og hvør skálkurin var skal vera ósagt 🙂

Fleiri myndir eru at finna á Sigma NS. Continue reading Mads, Pál og kongaríki

Óhugnalig spennandi kapping seinnapartin

Um nakar skuldi verið í iva, so er tað altso í kvøld at tað veruliga sker. Eitt sindur eftir kl 17:00 danska tíð, ella 16:00 føroyska tið. Pál móti Glæsner. Pál hevur sum kunnugt svomið føroysk met í 400, 800 og 1500 frí hesar seinastu dagarnar sum eru væl skjótari enn tey donsku, men Glæsner svimur nú sum senior skjótari. Teir møttust í 400, har Glæsner vann við 2 sekundum, men Pál er betri til hetta longri, eisini lutfalsliga í mun til juniormetini hjá Glæsner. Kann Pál minka um munin so mikið, at hann vinnur á Glæsner? Og hvussu langt koma teir niður í móti seniormetinum hjá Glæsner, á 7:59.43? Tað ræður um at fylgja við á www.livetiming.dk, tá kl 16.

Malan betrað um sítt met í 100 bringu

Nýggja metið hjá henni er 1:17.30, heili 2 sekund skjótari enn metið sum hon kom við til DM, 1:19.31 frá Reykjavík International 2008. Shaila svam eisini skjótt í gjárkvøldið, 50 frí uppá 27.60 sekund har metið hjá henni frá hálvfinaluni fríggjakvøldið er 27.48 sekund. Í morgin hava føroyingarnir vist nokk ikki svomið, men Elspa kvalifiseraði seg til finaluna í 200 rygg við, 4. bestu tíð av teimum sum skulu svimja tá. Continue reading Malan betrað um sítt met í 100 bringu

Pál bukað danska metið í 800 frí, í innleiðandi

Søgan verður bara betri og betri, og so nógv betri enn vit høvdu torað at vónað. Pál Joensen tók í dag 24 sekund av føroyska metinum í 800 frí, og svam harvið 4 sekund betri enn nakar danskur juniorsvimjari nakrantíð hevur svomið. Og hetta var bara í innleiðandi, í nakað sum venjari hansara Jón Bjarnason kallaði “skjót men ikki max svimjing”. Í morgin skal hann svimja móti sjálvum Mads Glæsner, í 800 metra frí finaluni, sum eigur bæði metið í 800 og 1500 frí, hjá bæði juniorum og seniorum. Og Pál svam skjótari enn Glæsner í innleiðandi 🙂

1-2 heimsmet sett í gjár

Tvs. tað eina varð ‘bara’ nágreiniliga sama tíð sum heimsmetið, sum SwimInfo sendir út sum “world record alert”, men sum vit onnur nokk ikki ordiliga rokna sum nýtt met. Men Michael Phelps setti altso nýtt heimsmet í 200 blandað við tíðini 1:54.80, har heimsmetið hjá honum frá í fjør var 1:54.98. Og Aaron Piersol svam somu tíð sum verandi heimsmet hjá Ryan Lochte í 200 rygg, við tíðini 1:54.32. Lochte sjálvur svam 1:54.34, og tá skal havast í huga at hann (Lochte) eisini svam til OL í 200 blandað móti Phelps, við 1:55.22 sum er triðskjótasta tíð í søguni. Lesið her og her á SwimInfo. Continue reading 1-2 heimsmet sett í gjár