Thorpe megnaði ikki at koma í finaluna í 200 frí

Thorpe bleiv nr 12 í semifinaluna. Tíðin hjá honum 1:49.91 var spakuligari enn hansara innleiðandi tíð í nátt (1:49.16). Thorpe segði aftaná, at teir seinastu 100 m vóru harðir.

“The last 100 was a struggle, I’m not sure why. This was slower than what I swam this morning, probably the inexperience of racing in the last 18 months held me up. The fairytale has turned into a nightmare. I’m really grateful for everyone’s support, they’ve been great. Hopefully I’ll be faster (in the 100m).”
Continue reading Thorpe megnaði ikki at koma í finaluna í 200 frí

Friis góða nyttu av at hava Pál við á venjingarlegu

Rósandi orð her frá danska heimsmeistaranum í 1500 metra frísvimjing:

‎“Med på turen var den færøske distancesvømmer Pál Joensen, der til OL stiller op for Danmark. Lotte Friis fortæller, at det har været en kolossal hjælp at have en lynhurtig træningspartner i bassinet. Som langdistancesvømmere træner de anderledes end for eksempel sprinteren Jeanette Ottesen.

Lotte Friis kan mærke, at hun har rykket sig i forsøget på at følge med 1.500-meter svømmeren fra den nordlige Atlanterhavsø.

– Jeg bruger ham meget som hare. Der er gange, hvor han er startet et par sekunder efter mig. Eller hvor vi starter samtidig, og jeg skal forsøge at prøve at holde ham og ikke få for stort et hul. Det har givet rigtig godt, forklarer hun.”

Menn 200 bringu á OL í Berlin 1936

Fantastisk video her, frá finaluni í 200 metra bringusvimjing á Olympisku Leikum í Berlin í 1936. Vit síggja tríggjar ymiskar mátar at svimja bringu (tá): Amerikanski John Higgins svimur við (tá lógligum) firvaldaarmtaki, japanararnir Hamuro og Koiko og týski Sietast gammeldags bringusvimjing við høvdinum uppi, og japanski Ito við nærmast undirvatns-bringuarmtaki allatíð. Og so er Hitler har eisini, ordiliga spenntur, til líkasum at seta krúdd á tað heila.

Thorpe fær vánalig odds áðrenn úrtøkustevnu

Ian Thorpe skal royna at kvalifisera seg til OL komandi vikuskifti í Adelaide, Avstralia. Men útlitini eru ikki góð ífylgi spælistøðum.

Spæl Ja Nei Spælistað
Klárar Thorpe at koma í 100 frí finalu? 8.00 1.05 www.tab.com.au
Klárar Thorpe at koma í 200 frí finalu? 2.75 1.40 www.tab.com.au
Kvalifiserar Thorpe seg til OL? 2.60 1.45 www.sportsbet.com.au

Continue reading Thorpe fær vánalig odds áðrenn úrtøkustevnu

Daniel Fogg er triði breti nakrantíð undir 15 minuttir í 1500 á langgeil

Hugsa um hatta eina løtu: Vit hava verið her ofta fyrr, og allarflestu føroyingar hava eftirhondini fangað at Pál Joensen er nakað heilt serstakt, í veruligum heimsklassa í eini ítróttargrein sum hevur røtur líka aftur til fyrsta OL í Athen í 1896 og longri. Tað eru bara frælsur ítróttur, svimjing, fekting og amboðsfimleikur sum uttan íslit hava verið ítróttargreinir á øllum summar-OL, og 1500 frí fastur táttur líka síðani St. Louis í 1904 (OK, akkurát í St. Louis var tað ein ‘mile’, men tað er sirka tað sama). Bretland er eitt av bert 5 londum sum hava luttikið á øllum summar-OL (hini eru Grikkaland, Frakland, Sveits og Avstralia). Og tó so varð Daniel Fogg bara triði bretin í heimssøguni undir 15 minuttir í 1500 metra frísvimjing á langgeil, tá hann her um vikuskiftið kvalifiseraði seg til triðja OL sum bretar skipa fyri, í London í summar. Fogg svam flottu tíðina 14:55.30. Pál svam 14:46.33 í Shanghai.

(Videoin her er um Daniel Fogg og toymið aftanfyri hann á English Institute of Sport á Loughborough University. Tey siga at tað krevst; vit vita at tað er ikki alneyðugt, men at tað hevði gjørt tað heila ein heilan deil lættari.)

Dansk Svømmeunion og DR fara at ‘live streama’ Danish Open

Danska svimjisambandið skrivar her at tey í samstarvi við DR fara at senda beinleiðis frá finalunum á Danish Open í Bellahøj hin 22. til 25. mars, har millum annað Pál Joensen og Magnus Jákupsson sum kunnugt fara at luttaka, og ‘kongaríkislimir’ sum heild fara at kempa um pláss á danska OL-liðnum. Leinki til live stream hjá DR er her.

Svimjararnir hoyra sínar splitt-tíðir í hylinum í London

Áhugavert ‘tweet’ her frá Elizabeth Simmonds, sum í gjár kvalifiseraði seg fyri Bretland til OL í 200 rygg. Regla SW 10.16Regla SW 10.16 hjá FINA sigur enn at “No pace-making shall be permitted, nor may any device be used or plan adopted which has that effect”, sum her í Føroyum ofta verður fylgd so væl at sjálvt vegg-ur í høllini verða sløkt, til at umganga at svimjararnir kunnu brúka tey. Men á stóru altjóða stevnunum vigar tørvurin at geva áskoðarum splitt-tíðir tyngri enn at risikera at svimjararnir eisini síggja tær … og nú fer tað eftir øllum at døma eitt stig longri.


Continue reading Svimjararnir hoyra sínar splitt-tíðir í hylinum í London

Felagið hjá Magnus skiftir høvuðsvenjara í summar

Swimnews.dk hevur ‘breaking news‘ í morgun, at Mick Steen Nielsen fer frá sum høvuðsvenjari hjá VAT nú í summar, eftir at hava verið har síðani august 2008. Orsøkin er ikki kend, men skribenturin á SwimNews.dk er týðiligvís ógvuliga spyrjandi, um hví hetta verður kunngjørt nú, so stutt undan úttøkustevnuni Danish Open, við VAT sum eitt hitt sterkasta felagið í landinum. Svimjarar í VAT eru út yvir Magnus so navnframir svimjarar sum Mads Glæsner, Jacob Andkjær og Daniel Skaaning.