Aalborg og Pál vunnu DMH 2014

Danir avgreiddu sum nevnt ‘Danske HoldMesterskaber’ hetta vikuskiftið, og gjørdist úrslitið har í bestu deildini at tey úr Aalborg vunnu, har Pál var ein av svimjarunum. Pál og teir megnaðu at vinna 4×200 frí, har Pál sum fyrsti svimjari svam 1:50.28. Esbjerg-svimjarin Frans Johannesen var næstskjótastur í 400 blandað við tíðini 4:20.75, og Pál triðskjótastur við 4:26.59. Magnus Jákupsson var fyri Sigma triðskjótastur í 200 rygg við tíðini 2:02.44. Astrið Foldarskarð var fyri VAT 9. skjótast í 50 frí við tíðini 26.85. Pál var triðskjótastur í 1500 frí við tíðini 15:23.36. Og Magnus og teir úr Sigma vóru triðskjótastir í 4×100 frí, har Magnus sum fyrsti svimjari svam 50.56.

(Pál á DMH 2014, Jákup Jacobsen eigur myndina)

Talan var sum nevnt um eina liðkapping, har tað kann hugsast at svimjarar til tíðir svumu taktiskt, tí at tað allíkavæl ikki gjørdi mun, ella tí at teir skuldu spara seg til aðrar greinar við betri møguleikum fyri góðum stigum.

Samlaða støðan gjørdist hendan:

  • Aalborg: 53.684
  • Sigma Swim: 51.520
  • Lyngby: 50.801
  • Kvik Kastrup: 50.044
  • Esbjerg: 46.119
  • VAT CPH: 45.592
  • AGF: 44.858
  • Køge: 42.872
  • Silkeborg: 42.378

AGF, Køge og Silkeborg rykkja niður í 1. deild, og Triton Ballerup, Gladsaxe og Swim Team Midtjylland koma í staðin upp í ‘Svømmeligaen’

Føroyingar gera mun á DMH 2014

Árliga danska meistarastevnan fyri lið er hetta vikuskiftið, har svimjifeløg kappast í minst 5 deildum um at verða besta lið í landinum, og flyta upp og niður millum deildir. Besta deildin eitur ‘Svømmeligaen’, har Aalborg nú er á odda eftir fyrsta dag, við styrk frá eisini Páli Joensen. Pál svam 3. bestu tíð í 400 frí í dag, 3:52.96 aftanfyri Anton Ørskov Ipsen á 3:47.98 og Frans Johannesen á 3:51.70. Magnus Jákupsson vann so syngjandi kappingina í 50 rygg, við tíðini 24.76 frammanfyri næstskjótasta Nikolaj Kirketerp-Møller á 26.18.

(Magnus á DMH 2014, Jákup Jacobsen eigur myndina)

Magnus vann eisini 100 rygg rættiliga greitt, 53.57 frammanfyri Anders Jensen á 54.69, og varð hartil nr 3 í 100 blandað við tíðini 54.85. Liðið hjá Frans vóru triðskjótastur í 4×100 blandað, og hartil varð Frans við tíðini 1:47.66 triðskjótastur í 200 frí, har Pál varð sættskótastur við 1:51.10. Astrið Foldarskarð megnaði í 50 firvald at verða 7. skjótast við tíðini 28.33.

Pál svimur fyri Aalborg, Frans fyri Esbjerg, Magnus fyri Sigma og Astrið fyri VAT. Støðan nú aftaná fyrsta dag er sum listað niðanfyri. Sí øll úrslit her.

  1. Aalborg, 27447
  2. Sigma Swim 1, 26611
  3. Lyngby, 25939
  4. Kvik Kastrup, 25528
  5. VAT Copenhagen, 23673
  6. Esbjerg 1, 23540
  7. AGF, 23380
  8. Køge, 22165
  9. Silkeborg, 21900

Innbjóðing til Meistarastevnuna fyri Ung 2014

Viðfest er innbjóðing til Meistarastevnuna fyri Ung 2014, sum Svimjisamband Føroya skipar fyri í svimjihøllini í Gundadali hin 25. og 26. apríl. Kappast verður í bólkum 1, 2 og 3, í fylgjandi stevnupørtum:

  • Fríggjamorgun 25. apríl: Upphiting kl 8:30, kapping kl 10:00
  • Fríggjadag 25. apríl: Upphiting kl 16:00, kapping kl 17:30
  • Leygarmorgun 26. apríl: Upphiting kl 08:30, kapping kl 10:00
  • Leygardag 25. apríl: Upphiting kl 16:00, kapping kl 17:30

Føroya fyrsta dopingmál var ein kvinnuligur súkklari

Sum tit kunnu hoyra í ljóðbrotinum niðanfyri, so avdúkaði umboð fyri Antidoping Føroya nú sunnukvøldið í ungdómssendingini Reiðrið hjá Kringvarpið Føroya, at fyrsta føroyska dopingmál var ein kvinnuligur súkklari, ið fekk ein mánaða karantenu fyri ikki at hava tað neyðuga undantaksloyvið fyri at taka medisin. Sonevnda “TUE”.

Eg má siga akkurát sum er, at eg ikki skilji arbeiðisháttin hjá Antidoping Føroya.
Continue reading Føroya fyrsta dopingmál var ein kvinnuligur súkklari

3-2 hin 31. mars 2014 um Danish Open 2014

Brot úr ítróttarsendingini 3-2 hjá Kringvarpi Føroya, um teir báðar føroysku gullvinnararnar á Danish Open 2014, Pál Joensen og Magnus Jákupsson. Pál tosar um støðuna nú og ætlanirnar fyri í summar, og skift verður so til tað at Magnus ikki kláraði kravtíðina hjá dønum, har venjarin hjá teimum báðum Shannon Rollason kemur við sínum viðmerkingum, og Magnus síðani svarar til.

Signa Vár og Heidi góða úrtøku á Special Olympics svimjistevnu í Monaco

Lesið her á isb.fo, tær báðar Signa Vár Dávadóttir Næs Joensen og Heidi Eliasen luttóku í vikuskiftinum á Special Olympics svimjistevnu í Monaco, og megnaðu tær har at bæði vinna gullmerki og seta nakrar av sínum bestu tíðum.

Fríggjadagin svam Signa Vár 25 m Firvald innleiðandi uppá 19.75, ein góð tíð sum hon betraði leygardagin og svam uppá 19.33.

100m Fri svam hon innleiðandi fríggjadagin uppá 1.23.66 – hennara besta tíð, sum hon tók aftur leygardagin og svam uppá 1.23.17

Heidi svam 50 frí innleiðandi fríggjadagin uppá 37.93, hennara besta tíð sum hon aftur tók leygardagin og svam uppá 37.75

Í 100m Rygg svam hon innleiðandi fríggjadagin uppá 1.34.90. Leygardagin var hon eitt lítið vet seinni við tíðini 1.35.11

ÍSB ferðalagið í Nice. Frá vinstru Signa Vár, Barbara Holm, Heidi Eliasen og Elna Skylv Hansen, Cote d’azur Flogvøllurin í Nice. Dávur Eyðunsson Sørensen eigur myndina.

Opslag af Dávur Eyðunsson Sørensen.

Danir kunngjørt sítt landslið til EM í Berlin

Tey verða tey ætlaðu 15 sum danski sportchefurin Mikkel von Seelen hevði ætlað sær, men har eru kanska í so fáir menn við. Danska svimjisambandið skrivar her at Anders Lie sleppur at royna sín kjans á stevnu í USA nú næsta vikuskiftið; men annars er hetta liðið:

  • Rikke Møller Pedersen, Herning/NTC
  • Lotte Friis, Sigma Swim Allerød/USA
  • Jeanette Ottesen, Lyngby/NTC
  • Pernille Blume, Sigma Swim Birkerød/NTC
  • Mie Ø. Nielsen, Aalborg
  • Louise Dalgaard, Aalborg
  • Julie Levisen, Aalborg
  • Sarah Bro, Lyngby/NTC
  • Julie Aglund Lauridsen, Sigma Swim Allerød/NTC
  • Maj Howardsen, Sigma Swim Allerød
  • Daniel Steen Andersen, Horsens/NTC
  • Mads Glæsner, Sigma Swim Allerød/USA
  • Anton Ø. Ipsen, Sigma Swim Birkerød
  • Viktor B. Bromer, Aalborg
  • Daniel Skaaning, STT/VAT CPH/NTC

Magnus 26.32 og gull í 50 rygg á Danish Open 2014

Magnus Jákupsson megnaði fyri løtu síðani at vinna Danish Open 2014 kappingina í 50 metra ryggsvimjing, tá ið hann í hylinum í Bellahøj svam teinin uppá 26.32 sekund, frammanfyri svenska Petter Fredriksson á 26.35 og norska Sverre Næss á 26.47. Sí úrslitalistan her.

Pál 15.12.20 og gull í 1500 frí á Danish Open 2014

Pál Joensen vann fyri løtu síðani gullheiðursmerki í 1500 metra frísvimjing á Danish Open 2014, tá ið hann í hylinum í Bellahøj svam teinin uppá 15:12.20. Tað er ikki so nógv at siga til taktikkin; Pál legði seg beinanvegin klárt á odda, og helt seg undir 30 sekund per 50 metur teir fyrstu 500 metrarnar, fyri síðani at svimja eitt lítið sindur spakuligari teir síðstu 1000, til at enda á 15:12.20. Eitt positivt yvirraskilsi fyri okkum var at tíðin hjá Óla Mortensen í morgun var so mikið skjótt, at hann egentliga átti at hava verið í finaluni, nú hann endaði sum nr 6 av øllum. Sí úrslitalistan her.

Astrið 28.29 og nýtt føroyskt met í 50 firvald

Astrið Foldarskarð megnaði fyri løtu síðani at seta stórt nýtt føroyskt met í 50 metra firvaldasvimjing, tá ið hon á Danish Open 2014 stevnuni í Bellahøj svam teinin uppá 28.29 sekund. Poula Ø. Mohr átti tað nú fyrrverandi metið á 28.52, frá HM í Barcelona í 2013. Astrið bleiv nr 9 í hálvfinaluni; men verður nokk allarhelst allíkavæl millum tær 8 sum sleppa í finaluna nú seinni í stevnupartinum í dag, við tað at danir loyva í mesta lagi 2 útlendskar svimjarar í finaluna, og Astrið svimur fyri danskt felag. Sí úrslitalistan her.

(Astrið firvald á Danish Open 2014. Dan Hjelm eigur myndina)