Besta svimjifrásøgn í Kringvarpinum ‘ever’, við bæði video frá teimum 1500, 400 og alt tað sum Elspa svam, umframt samrøður við Pál og Jón OG brot frá teimum fýra heimsmetunum (!). Her er ein lítil stemningsvideo av Balkan, til heiðurs fyri Kringvarpið, og sum ‘prik’ til hasar ið gjørdu seg fyri skommum í býnum sum maðurin syngur um.
Category: Kapping
Innbjóðing til Silva Cup 2008
Sum tit kunnu lesa í viðfestu innbjóðing, so skipar svimjifelagið Reki leygardagin 22. november fyri “Silva Cup 2008” svimjistevnu í Leirvík, fyri svimjarar í bólki 2 og 3, umframt einum bólki sum tey kalla “4”, ið eru dreingir føddir 1999 og seinni. Kappingin er opin, men úrslitini verða bólkabýtt. Sí annars innbjóðing og tilhoyrandi kappingarfílu.
Elspa og Pál á SVT
SVT.se hevur lagt kappingarnar á netið.
Jú jú, svimjing hevur áhuga
Kanska høvdu vit fyrimun av at so fá onnur gjørdu nakað burtur úr, hesu ferð …
… men hin vegin høvdu vit ongar videoir sum hesa úr Beograd …
Hackett ynskir betri doping-kontrol
“We are being extremely naive to think we are catching the drug cheats in sport and that the net is closing when blood samples aren’t taken at a major meet like the Olympics.”. Hetta sigur Hackett, í sambandi við at hann eftir øllum at døma sjálvur varð dopingkannaður í sambandi við sítt silvurheiðursmerki í Beijing, meðan gullmerkjavinnarin Oussama Mellouli ikki var kannaður, hóast at hann júst var afturkomin frá ein 18 mánaðar dopingdóm. Lesið á foxsport.com.au og á swimnews.dk.
Ein dag møtast teir …
Alt for matematiskt, men eg kundi ikki lata verða: Her eru úrslitini hjá Glæsner og Joensen samanborin frá DMK í Greve tann 27-10-2007, frá EKM í Debrecen tann 15-12-2007 og frá Stockholm nú í dag. Og so ‘trendlinjur’ roknaðar við Excel, til at síggja hvussu ‘trendurin’ er á teirra betringum. Sær út til at teir møtast einaferð á vári í 2009, ov seint til EKM í Rijeka men tíðsnokk til HM í Rom 🙂
Elspa nr 6 í 100 rygg
2 heimsmet í kvøld
Fyrst setti amerikanski Peter Marshall sítt næsta heimsmet á hesu stevnu, tá ið hann svam 50 rygg í tíðini 23.05, við Randall Bal sum nr 2 á 23.07 og Robert Hurley á 23.36, har heimsmetið hjá Hurley var 23.24. Og síðani endaði svenska Therese Alshammar stevnuna við at seta heimsmet í 50 firvald, tá ið hon svam teinin í tíðini 25.31, har heimsetið hjá Felizy Galvez úr Avstraliu var… 25.32.
Pál silvur á World Cup í Stockholmi
OL-gullvinnarin Mellouli hevði ov ringa øksl til at kunna svimja 1500 frí í kvøld; og tí gjørdist dysturin fyrst og fremst milum Pál Joensen úr Føroyum, Mads Glæsner úr Danmark og Robert Margalis úr USA. Margalis reyk skjótt afturum, og so fylgdust Pál og Glæsner, til Glæsner knappliga gjørdi eitt lop umleið 600 metrar inni í kappingini. Pál royndi at svara aftur, men valdi so allíkavæl at dragna, og tyktist so at endanum at ‘doyggja’. Flott norðurlendskt met til Glæsner, og enn ein biti tikin av føroyska metinum hjá Páli.
Úrslit frá kappingini:
- Mads Glæsner (DEN), 14:38.87
- Pál Joensen (FAR), 14:48.89
- Daniel Fogg (GBR), 15:13.70
- Robert Margalis (USA), 15:26.21
- Viktor Bromer (DEN), 15:31.18
- Jesper Svensson (SWE), 16:12.67
Splitt-tíðir o.t. kunnu síggjast í offisiella úrslitalistanum
Pál og Elspa ‘live’ frá kl 17:40 í kvøld
Pál svimur 1500 frí í fyrstu kapping kl 17:40, og Elspa svimur 100 rygg kl 18:47. Alt føroyska tíð.
TRÝST HER TIL AT SÍGGJA FINALURNAR ‘LIVE’ Á INTERNETINUM
(krevur møguliga Internet Explorer, útgáva 5.5 ella nýggjari. Og byrjar fyrst kl 18, sum ikki umfatar Pál)
Um ‘live tíðir’ ikki síggjast her niðanfyri, so royn at lesa svimjing.com inn av nýggjum. Um tað ikki riggar, so royn heldur á omegatiming.com
(flutt longur niður, nú eftir stevnuna, til ikki at órógva forsíðuna)
Um tit tilfeldigvís síggja SVT24, so senda tey tað eisini.
Ein upptakt finst her, har eg havi listað upp hvussu favorittarnir hava splittað sína bestu tíð, tá einaferð.
Continue reading Pál og Elspa ‘live’ frá kl 17:40 í kvøld