svimjing.comsvimjing.com: Kapping

Bjørg er við í 100 rygg, Astrið reyk út í 50 firvald

Bjørg Seloy úr Havn var bara fáar hundraðpartar frá 2. plássið í 50 rygg í gjár, og tí í vanda fyri ikki at kunna koma við til Oyggjaleikir, hóast hon hevði klárað kravtíðina. Men í dag vann hon so 100 rygg við imponerandi 1:05.83, klárt undir oyggjaleikakravtíðina á 1:07.14.

Hinvegin reyk Astrið Foldarskarð av sínum 2. plássi til Oyggjaleikir á Álandi, tá ið Guðrun Holm Jacobsen í dag fleyg á mál í tíðini 29.88, tríggjar hundraðpartar frá føroyska metinum hjá Shailu. Shaila svam ikki sjálv í dag, men er tó trygg við sínum 29.85 frá stevnu í februar, umframt onkrari góðari langhyljatíð eisini. Og Astrið varð tí nummar trý, og reyk av oyggjaleikaliðnum, hóast hon í dag varð nummar tvey við einari habilari forbetring av sínari bestu stutthyljatíð, til 30.54.

Eftir mínari uppteljing eru tey nú 12 sum hava kvalifiserað seg til Oyggjaleikir: Pál, Kári, Pauli og Andrass, og Shaila, Mona, Guðrun, Malan, Katarina, Bjørg, Birita og Poula. Men tað verður ikki fyrr enn í morgin at vit vita heilt offisielt hvør sum er sloppin við, tá ið fyrst landsliðsnevnd og síðani starvsnevnd hava fundast um málið.
Continue reading Bjørg er við í 100 rygg, Astrið reyk út í 50 firvald

Cameron van der Burgh sett heimsmet í 50 bringu

Suðurafrikanski Cameron van der Burgh setti í gjárkvøldið nýtt heimsmet í 50 bringu á langgeil, tá ið hann á South African National Championships í gjárkvøldið svam teinin í tíðini 27.08, har heimsmetið hjá ukrainska Oleg Lisogor var 27.18. Lesið her á SwimmingWorld Magazine og síggið video niðanfyri.

Andrass og Poula klár til Oyggjaleikir, Birita til HM

Tað var rómur í allari høllini, frá øllum feløgum, nú Andrass Thomsen kláraði at kvalifisera seg til Oyggjaleikir á Álandi, við tíðini 4:04.30 í 400 frí. Og løtu seinni var ikki minni rómur, tá ið bæði Birita Debes og Poula Ø. Mohr og Bjørg Seloy svumu undir oyggjaleikakravtíðina í 50 rygg, við ávíkavist 30.41, 30.83 og 30.88. Og 13 ára gamla Birita enntá so mikið skjótt, at tað eisini var undir kravtíðina til heimsmeistarastevnuna í Rom í summar.

(Dánjal Martin og Kári fegnast um at Andrass hevur klárað kravtíðina)

Løtu seinni svam Pauli Ø. Mohr við tíðini 52.76 seg eisini undir oyggjaleikakravtíðina í 100 frí, og at enda sloppu rygg-genturnar aftur at kappast um tey plássini í 50 rygg á Oyggjaleikum, í 4×50 blandað stafettini, við tíðunum Birita 30.69, Bjørg 31.02 og Poula 31.07. Har er altso harður kampur um serliga annaðplássið, og einki er tí avgjørt fyrr enn tær hava svomið 100 rygg, í fyrstu kapping í morgin seinnapart.

(Poula fær klemm frá Hildur, eftir teir 50 rygg)
Continue reading Andrass og Poula klár til Oyggjaleikir, Birita til HM

Pál 14:47.57 í 1500 frí á DHM í DK

Pál Joensen luttekur sum kunnugt ikki á Oyggjaleikaúttøkustevnuni, nú um dagarnar, men kappast í staðin á donsku meistarakappingini fyri lið, har hann skal hjálpa Aalborg Svømmeklub at verða verandi í ‘Svømmeligaen’, sum er besta deild hjá dønum. Í morgun svam hann so 1500 frí við tíðini 14:47.57, sum er ein absolutt habil tíð, um enn ikki heilt so skjótt sum hansara 14:39.99 á EM í Rijeka. Tíverri svumu Pál og Mads Glæsner ikki í sama riðli, og Glæsner hevði tí fyrimun av at kenna tíðina hjá Pál, tá ið hann skuldi í hylin. Og úrslitið varð tí kanska einamest tí, at Pál varð nr 2 í kappingini, aftanfyri Mads Glæsner sum svam 14:44.19.

(Kaj Joensen, pápi Pál, fylgir við á LiveTiming úr høllini í Gundadali)
Continue reading Pál 14:47.57 í 1500 frí á DHM í DK

Pauli 23.74 í 50 frí: Føroyskt met og undir kravtíð til EJM

Pauli Ø. Mohr svam í morgun 50 frí í tíðini 23.74, sum er nýtt føroyskt met og undir kravtíð til evropeisku meistarastevnuna í Prag, umframt undir kravtíðina til Oyggjaleikir. Hann átti sjálvur metið á 23.96, frá kapping í Vági í mars mánaða. Av øðrum tíðindum kann nevnast, at Kári J. á Høvdanum við 26.47 svam seg undir oyggjaleikakravtíðina eisini í 50 firvald, har hann longu hevur kvalifiserað seg í rygg-teinunum.

Mona bara eitt hálvt sekund frá HM kravtíðini í 800 frí

Kvøldið í kvøld beyð ikki uppá nakran nýggjan oyggjaleikasvimjara; men Mona Simonsen kom hinvegin øgiliga nær kravtíðini til heimsmeistarastevnuna í Rom, tá ið hon svam 800 frí við tíðini 9:02.66, har kravtíðin til HM er 9:02.19. Hetta var tó sjálvsagt væl undir oyggjaleikakravtíðina á 9:10.50, og eisini klárt besta tíð hjá Monu. Jutta Thomsen eigur føroyska metið frá Oyggjaleikum á Rhodos, sum er 9:01.58.

Continue reading Mona bara eitt hálvt sekund frá HM kravtíðini í 800 frí

Pál skal bjarga Aalborg undan niðurflyting

Pál Joensen luttekur sum kunnugt ikki á oyggjaleikaúttøkustevnuni nú í kvøld og komandi dagar, men er í staðin við Aalborg til “Danmarks Mesterskaber for Hold”, sum tit kunnu lesa eina offisiella upptakt um her á heimasíðuni hjá danska svimjisambandinum. Ein stevna har hvør svimjari sleppur at svimja í mesta lagi 5 einstaklingakappingar og 2 liðsvimjingar, og vinnarin at enda er tað lið sum hevur flest FINA stig tilsamans. Og Pál ger mun – sambært Jón Bjarnasyni á SuSvim “er Pál lykilin hjá Aalborg til enn eitt ár í Svømmeligaen“.

Amerikumenn hava nú eisini uppdagað Pál Joensen

Lesið áhugaverda grein her á susvim.com, um hvussu amerikanskur svimjivenjari á University of Pennsylvania peikar Pál Joensen út sum ein av trimum serliga áhugaverdum nýggjum andlitum á komandi heimsmeistarastevnuni í Rom. Ella lesið orðini hjá amerikumanninum beinleiðis, her á floswimming.org.

Úr blogguni:

2. Pal Joensen- Ok, even i admit this is kind of a longshot. Earlier this season, I mentioned offhand the exploits of this Faroese distance swimmer. A couple of years ago he was a European Junior Champion. He comes from an island nation of 40,000 people that until recently didn’t have roads between towns. Still, they had pools and Pal Joensen is a legit talent. This past year, he made the move to civilization and has begun training in Denmark. At the Danish open last week, he recorded times of 3:48, 7:54 and 15:02. None of those times will be good enough to medal this summer. Still, would you go full bore at a meet like that when you are guaranteed to be your country’s only rep at World Champs this summer? I’m banking that he didn’t, and this summer I’ll be cheering for a Faroese cinderella story in the mile.
Continue reading Amerikumenn hava nú eisini uppdagað Pál Joensen

Kunning um bólkabýti, bólkaskifti, juniormet, v.m.

Frá SSF/Svimjinevndini

Við virknaði frá 1. sept. 2008 er fylgjandi galdandi:

1. Bólkabýti:

Bólkur 3 dreingir eru: dreingir ið fylla 12 ár í kalendaraárinum, og yngri.
Bólkur 3 gentur eru: gentur ið fylla 10 ár í kalendaraárinum, og yngri.

Bólkur 2 dreingir eru: dreingir ið fylla 13 ár, og í mesta lagi 14 ár, í kalendaraárinum.
Bólkur 2 gentur eru: gentur ið fylla 11 ár, og í mesta lagi 12 ár, í kalendaraárinum.

Bólkur 1 dreingir eru: dreingir ið fylla 15 ár, og í mesta lagi 16 ár, í kalendaraárinum.
Bólkur 1 gentur eru: gentur ið fylla 13 ár, og í mesta lagi 14 ár, í kalendaraárinum.

Junior dreingir eru: dreingir ið fylla 18 ár í kalendaraárinum, og yngri.
Junior gentur eru: gentur ið fylla 16 ár í kalendaraárinum, og yngri.
Continue reading Kunning um bólkabýti, bólkaskifti, juniormet, v.m.

Skriv frá SSF formanninum um oyggjaleikaúttøkuna

Svimjifeløgini fingu í gjár soljóðandi teldupost frá Jon Hestoy, formanni í Svimjisamband Føroya:

Hey tit øll,

sum tit øll vita, er seinasta freist at náa oyggjaleikakravtíð, í Oyggjaleikaúttøkukappingini, ið verður í Havn nú um vikuskifti.

Í hesum sambandi er okkurt smávegis, ið eg fegin vil greina nærri.

Kravtíðin skal hava verið nádd í hesum kappingarárinum, tvs. í tíðarskeiðnum 1. september 2008 til og við 19. apríl 2009.

Allar tíðir skulu náast í einari góðkendari kapping, “timetrials” sum ein eykaroynd verður ikki góðkend.

Kravtíðirnar kenna tit øll, og Svimjisambandið kann senda tveir svimjarar til hvørja kapping á Álandi, tað vil siga teir tveir svimjararnir, ið hava bestu tíðir undir kravtíðina kunnu úttakast, triði og fylgjandi svimjarar koma ikki við, henda úttøka verður ikki broytt um svimjari meldar frá.

Eru tríggir svimjarar, ið hava klára kravtíðina og annar og triði svimjari hava somu tíð, so verður umsvimjing um tað plássið.

Fina-reglurnar viðv. einum svimjibúna eru sjálvandi galdandi. Tá ið FINA kemur við einum positivlista um svimjibúnar, verður hann fylgdur sambært ásetingunum hjá FINA.

Oyggjaleikalandsliðið verður endaliga úttikið av Starvsnevndini, eftir tilmæli frá Landsliðsnevndini mánakvøldið 19. apríl.

Link til kravtíðina: http://www.ssf.fo/kapping/kravtidir/oyggjaleikakr%C3%B8v-2009/

Heilsan
Jon Hestoy
Svimjisamband Føroya

Continue reading Skriv frá SSF formanninum um oyggjaleikaúttøkuna