Category: Kapping

Jaked stóri sigursharrin á sveisisku meistarastevnuni

DSC_0133Jaked draktirnar vóru kanska ikki akkurát tær vakrastu á EM í Kroatia, men rigga tó væl allíkavæl. Í øllum førum hevur onkur venjari forklagað seg yvirfyri Craig Lord her á SwimNews, at hetta merkið varð nýtt til at seta 22 av 23 metum á sveisisku meistarastevnuni herfyri, har til dømis allir finalistar í 100 og 200 bringu brúktu Jaked, við eini meðal betring á 4 sekund í part. Draktin er vátdrakts-líknandi sum BlueSeventy, og nú hótta tey við at tær eisini verða at síggja á donsku meistarastevnuni í næstu viku, har nógvir føroyingar sum kunnugt fara at luttaka.
Continue reading Jaked stóri sigursharrin á sveisisku meistarastevnuni

Innbjóðing til Oyggjaleikaúttøkustevnuna 2009

Sum tit kunnu lesa í viðfestu innbjóðing, so bjóða Havnar Svimjifelag og SMS til svimjistevnu í Gundadali tann 17. – 19. apríl 2009, ið samstundis er síðsta freist at klára kravtíð til Oyggjaleikir á Álandi í summar. Kappast verður fríggjakvøld frá kl 19:40, leygarmorgun frá kl 9:00, leygardagin frá kl 16:30 og sunnudagin frá kl 14:00, í øllum viðkomandi greinum umframt nøkrum liðkappingum. Tilmeldingarnar skulu vera HS í hendi í seinasta lagi mikukvøldið 15. apríl kl 20:00.

FINA setur hælarnar í: Framyvir skulu draktirnar vera úr ull

Gjárdagurin 31. mars var sum kunnugt seinasta freist hjá framleiðarum av svimjidraktum at senda inn sínar draktir til test hjá FINA, og ágangurin hevur tí verið rættiliga rættiliga harður á altjóða svimjisambandið, at koma við eini fyribils útmelding. Opinbart ov harður, tí í yvirlýsing á www.fina.org sigur sjálvur FINA-forsetin nú, at “People have been complaining so much about these new suits, that we have decided to go back to the originals”. Og tí er endaliga avgjørt, at fara aftur til uppruna svimjidraktirnar úr ulli, so at svimjarin í dag kann samanberast við allar aðrar svimjarar, líka aftur til legendur sum Johnny Weissmuller og Duke Kahanamoku. Hetta verður sett í gildi per dags dato, 1. apríl 2009. Søgan sigur einki um, í hvønn mun vit sleppa at behalda svimjibrillurnar. Les annars meira á SwimNews.com

Alfréd Hajós – the First Olympic Champion in swimming, Athens 1896. Wikimedia.org
Continue reading FINA setur hælarnar í: Framyvir skulu draktirnar vera úr ull

WADA linkar um krøvini til TUE undantaksloyvi

Fram til 1. januar 2009 skuldu í prinsippinum øll skaffa sær undantaksloyvi til heilivág, um tey til dømis vóru astmatikarar sum íðkaðu ítrótt, og tí høvdu brúk fyri heilivág sum annars stóð á dopinglistanum. Men nú eru reglurnar broyttar, til at flest øll kunnu biðja um undantaksloyvini eftir møguliga dopingtest, meðan ítróttarfólk á altjóða støði framvegis skulu hava latið inn TUE undantaksloyvi áðrenn dopingtestina.
Continue reading WADA linkar um krøvini til TUE undantaksloyvi

Slutt við at føroyingar kunnu seta donsk met

Sum tit kunnu lesa her á heimasíðuni hjá danska svimjisambandinum, so hava danir nú broytt reglurnar fyri hvør sum kann seta danskt met, til at tað ikki longu ber til hjá føroyingum og grønlendingum at seta sovorðin, uttan so tey beinleiðis hava skift til at hoyra til danska svimjisambandið. Broytingin verður framd við afturvirkandi kraft, og tey nevna beinleiðis at Pál Joensen hervið missir síni donsku met.
Continue reading Slutt við at føroyingar kunnu seta donsk met

Danir loyva ‘superdraktunum’ til DM, við fyrivarni

Sum tit kunnu lesa her á heimasíðuni hjá danska svimjisambandinum, so áseta tey nú somu reglu sum FINA hevur ásett, at svimjarar framyvir bara mugu vera í éinari drakt á svimjistevnum, sum ikki má dekka nakka, akslar ella øklar. Samstundis áseta tey við fyrivarni hesa reglu: Såfremt FINA ikke har offentliggjort listen over godkendte badedragter inden den 1. april 2009, vil de nuværende tilgængelige konkurrencedragter kunne benyttes til Danish Open 2009, dog under hensyntagen til de nye regler omkring udformningen af dragten samt FINA Gr 5.3. Denne dispensation vil være gældende til og med den 19. april (efter DM-H) hvorefter situationen vurderes igen.

Speedo skorar kassan, meðan ítrótturin bløðir

Sambært greinini í The Wall Street Journal her, so kann Speedo nú framleiða 80.000 Speedo LZR Racer draktir um árið, sum til amerikanska prísin $550 fyri hvørja merkir at Speedo selur fyri 44 milliónir dollarar í hesum draktum um árið, ella 242 milliónir krónur. Samstundis eru amerikansk universitet sum Auburn í kreppu, av at skula skaffa einar 20.000 dollarar um árið til draktir, ella einar 110.000 krónur, har tey fyri fáum árum síðani kundi klára seg við nøkrum fáum hundrað dollarum.
Continue reading Speedo skorar kassan, meðan ítrótturin bløðir

Hvat við at fara niður at svimja ‘havsvimjing’ um Christiansborg?

Sum tit kunnu lesa her á heimasíðuni hjá Dansk Svømmeunion, so hava tey søkt um og fingið eina av teimum 14 World Cup kappingunum hjá FINA í ‘open water’ svimjing, at vera runt Christiansborg tann 29. august í ár. Har verður skipað fyri einum samstundis motiónstiltaki, har vit øll kunnu svimja eina rundu í kanalunum á 2 kilometrar, saman við teimum harðu hundunum sum síðani svimja 4 rundur afturat. Hetta er fyrstu ferð í 102 ára søguni hjá danska svimjisambandinum, at tey sleppa at hava eitt sovorðið altjóða tiltak, og tey vænta luttakarar frá einum 20-30 londum.


Vís størri kort
Continue reading Hvat við at fara niður at svimja ‘havsvimjing’ um Christiansborg?