Sum tit kunnu lesa her á heimasíðuni hjá danska svimjisambandinum, so hava danir nú broytt reglurnar fyri hvør sum kann seta danskt met, til at tað ikki longu ber til hjá føroyingum og grønlendingum at seta sovorðin, uttan so tey beinleiðis hava skift til at hoyra til danska svimjisambandið. Broytingin verður framd við afturvirkandi kraft, og tey nevna beinleiðis at Pál Joensen hervið missir síni donsku met.
Continue reading Slutt við at føroyingar kunnu seta donsk met
Eitt gevandi vikuskifti í Tórshavn
So fór Haljand av landinum aftur, eftir 3 tímar av upptøku fríggjadag, redigering til einaferð á midnátt, 12 tímar av eftirmeting leygardag, og so 4 tímar av eftirmeting í dag. Man kann ikki siga at maðurin sá nógv av Føroyum, út yvir hvussu veðrið var ørvísi hvørja ferð hann fór út í bilin; men hinvegin fingu vit rættiliga nógv burtur úr honum.
So eru svimjararnir testaðir
Rein Haljand og hjálparmaður hansara lendu tá ið ódnin var harðast í gjár, við viðmerking at “that was an interesting flight”. Suðuroyingarnir vórðu seinkaðir av Krambatanga í morgun, og komu tí ikki fram fyrr enn umleið 7 minuttir áðrenn testirnar byrjaðu. Men tað gekk tó fínt allíkavæl, og rímiliga eftir ætlanini, inntil Eyðbjørn sum tann síðsti var testaður kl 12.15 í dag. Nú sita teir báðir Haljand og hjálparmaðurin og klippa sundur og fyrireika, til eftirmetingarnar í morgin og ovurmorgin.
Herning Svømmehal sparir orku og CO2 við at heinta brint úr klorframleiðsluni
Svimjihallir nýta sum kunnugt oftast klor til at halda vatnið nøkulunda bakteriufrítt, og í seinastu eru fleiri farnar at framleiða tað sjálvi, við elektrolysu av salti, til at umganga giftigt klorgass frá yvirdosering. Men framleiðslan krevur nógva orku, og Herning Svømmehal ætlar tí at kunna endurnýta brintið sum kemur frá elektrolysuni, til at minka um orkunýtsluna. Hetta er enn á royndastøðið, og eftir øllum at døma fyrsta roynd yvirhøvur í heiminum; men tey vænta sær tó at kunna vinna eitt sindur, aftur av árligu orkunýtsluni á 600.000 kWh, og mánaðarligu saltnýtsluna á 700kg. Lesið her í Ingeniøren.
Føroysku metini hjá Pál Joensen
Er tað nakar sum kann svara upp á hví FO met ikki eru dagførd ?
Eg meini at nógvar av tíðunum hjá Pál Joensen, eru væl betri enn tær sum standa í metlistanum í 25 m hyli, td. frá EM í des. 08
Men eg síggji at nýggjasta metið í 50 frí hjá Paula Øssurson er skrásett.
Danir loyva ‘superdraktunum’ til DM, við fyrivarni
Sum tit kunnu lesa her á heimasíðuni hjá danska svimjisambandinum, so áseta tey nú somu reglu sum FINA hevur ásett, at svimjarar framyvir bara mugu vera í éinari drakt á svimjistevnum, sum ikki má dekka nakka, akslar ella øklar. Samstundis áseta tey við fyrivarni hesa reglu: Såfremt FINA ikke har offentliggjort listen over godkendte badedragter inden den 1. april 2009, vil de nuværende tilgængelige konkurrencedragter kunne benyttes til Danish Open 2009, dog under hensyntagen til de nye regler omkring udformningen af dragten samt FINA Gr 5.3. Denne dispensation vil være gældende til og med den 19. april (efter DM-H) hvorefter situationen vurderes igen.
Eitt sindur um vitjanina hjá Rein Haljandi
Ja, so er tað longu í morgin at estiski professarin kemur til Føroya, og í ovurmorgin at svimjararnir skulu filmast. Tey 16 útvaldu skulu vera klár at svimja við toppferð frá kl 10.00 av, fríggjamorgunin, og verða so ein og ein filmaði í 5-8 minuttir, meðan tey starta og venda og svimja sína sergrein. Eftir tað hendir ikki so nógv, fyrr enn tey og venjarar teirra leygardag og sunnudag aftur ein og ein fáa videoirnar eftirmettar av Rein Haljandi.
Speedo skorar kassan, meðan ítrótturin bløðir
Sambært greinini í The Wall Street Journal her, so kann Speedo nú framleiða 80.000 Speedo LZR Racer draktir um árið, sum til amerikanska prísin $550 fyri hvørja merkir at Speedo selur fyri 44 milliónir dollarar í hesum draktum um árið, ella 242 milliónir krónur. Samstundis eru amerikansk universitet sum Auburn í kreppu, av at skula skaffa einar 20.000 dollarar um árið til draktir, ella einar 110.000 krónur, har tey fyri fáum árum síðani kundi klára seg við nøkrum fáum hundrað dollarum.
Continue reading Speedo skorar kassan, meðan ítrótturin bløðir
Hvat við at fara niður at svimja ‘havsvimjing’ um Christiansborg?
Sum tit kunnu lesa her á heimasíðuni hjá Dansk Svømmeunion, so hava tey søkt um og fingið eina av teimum 14 World Cup kappingunum hjá FINA í ‘open water’ svimjing, at vera runt Christiansborg tann 29. august í ár. Har verður skipað fyri einum samstundis motiónstiltaki, har vit øll kunnu svimja eina rundu í kanalunum á 2 kilometrar, saman við teimum harðu hundunum sum síðani svimja 4 rundur afturat. Hetta er fyrstu ferð í 102 ára søguni hjá danska svimjisambandinum, at tey sleppa at hava eitt sovorðið altjóða tiltak, og tey vænta luttakarar frá einum 20-30 londum.
Vís størri kort
Continue reading Hvat við at fara niður at svimja ‘havsvimjing’ um Christiansborg?
Phelps heldur áfram til 2012
Michael Phelps hevur nú kunngjørt at hann ætlar sær at luttaka á næstu olympisku leikum, í London í 2012. Sum so vælsagtans merkir, at vit fara at síggja hann á øðrum stevnum eisini, fram til tá. Í løtuni er hann á venjingarlegu saman við Navy SEALS.