Svimjiførleikakanningin 2018 – Samanbering millum økir í Føroyum

Tað er alt ov stórur munur á svimjiførleikanum hjá næmingum í fimtaflokki, alt eftir hvar ið tey búgva í landinum – frá at 78.1% klára norðurlendska kravið í Norðuroyggjum, til at bara 31.2% klára hetta sama í Suðurstreymoy

Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.

Hesin partur er hin sætti og fyribils síðsti í eini røð, sum fer at umfata í øllum førum:

  1. Fyrst framløga av kanningini í 2018 sum hon er
  2. Samanbering við somu kanning í 2011
  3. Samanbering við tilsvarandi kanningar í Noregi
  4. Samanbering við Gallup Føroyar kanning eisini í 2018
  5. Greining av svimjiførleikanum í mun til onnur viðurskifti
  6. At enda hendan samanbering millum økir í Føroyum
Continue reading Svimjiførleikakanningin 2018 – Samanbering millum økir í Føroyum

Svimjiførleikakanningin 2018 – Greining av svimjiførleika í mun til onnur viðurskifti

Tað er sera stórur munur á svimjiførleikanum hjá føroyskum fimtafloksbørnum, alt eftir hvar tey búgva og ganga í skúla. Hinvegin hava vit ikki sama trupulleika sum í okkara grannalondum, við at innflytarar duga verri at svimja.

Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.

Hesin partur er hin fimti í eini røð, sum fer at umfata í øllum førum:

  1. Fyrst framløga av kanningini í 2018 sum hon er
  2. Samanbering við somu kanning í 2011
  3. Samanbering við tilsvarandi kanningar í Noregi
  4. Samanbering við Gallup Føroyar kanning eisini í 2018
  5. Síðani hendan greining av svimjiførleika í mun til onnur viðurskifti
  6. Samanbering millum økir í Føroyum
Continue reading Svimjiførleikakanningin 2018 – Greining av svimjiførleika í mun til onnur viðurskifti

Svimjiførleikakanningin 2018 – Samanbering við Gallup Føroyar kanning um somu tíð

Líka fáir vaksnir føroyingar klára norðurlendska kravið til svimjiførleika, sum børn í føroysku fimtaflokkunum – og støðan er heldur ikki nógv betri, um vit tosa um bara at klára éina longd í svimjihyli.

Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.

Hesin partur er hin fjórði í eini røð, sum fer at umfata í øllum førum:

  1. Fyrst framløga av kanningini í 2018 sum hon er
  2. Samanbering við somu kanning í 2011
  3. Samanbering við tilsvarandi kanningar í Noregi
  4. Síðani hendan samanbering við Gallup-kanning í 2018
  5. Greining av svimjiførleikanum í mun til onnur viðurskifti
  6. Samanbering millum økir í Føroyum
Continue reading Svimjiførleikakanningin 2018 – Samanbering við Gallup Føroyar kanning um somu tíð

Svimjiførleikakanningin 2018 – Samanbering við Noreg

Meðan alt fleiri børn hildu seg kunna svimja 200m í Noregi, frá 41% í 2003 til 53% í 2013, so er talið minkandi í Føroyum, frá 50% í 2011 til 44% í 2018. Tey eru eisini væl fleiri í Noregi sum klára éina longd á 25m, hóast tey har eru væl færri sum svimja.

Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.

Hesin partur er hin triði í eini røð, sum fer at umfata í øllum førum:

  1. Fyrst framløga av kanningini í 2018 sum hon er
  2. Samanbering við somu kanning í 2011
  3. Síðani hendan samanbering við tilsvarandi kanningar í Noregi
  4. Samanbering við Gallup Føroyar kanning eisini í 2018
  5. Greining av svimjiførleikanum í mun til onnur viðurskifti
  6. Samanbering millum økir í Føroyum
Continue reading Svimjiførleikakanningin 2018 – Samanbering við Noreg

Svimjiførleikakanningin 2018 – Samanbering við somu kanning í 2011

Munandi færri fimtafloksbørn hildu seg í 2018 kunna svimja 200m, í mun til í 2011, og støðan versnaði eisini við teimum sum hildu seg kunna svimja 25m. Men, okkurt er tó batnað, tí tey vóru fleiri sum hildu seg kunna flóta.

Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.

Hesin partur er hin næsti í eini røð, sum fer at umfata í øllum førum:

  1. Fyrst framløga av kanningini í 2018 sum hon er
  2. Síðani hendan samanbering við somu kanning í 2011
  3. Samanbering við tilsvarandi kanningar í Noregi
  4. Samanbering við Gallup Føroyar kanning eisini í 2018
  5. Greining av svimjiførleikanum í mun til onnur viðurskifti
  6. Samanbering millum økir í Føroyum
Continue reading Svimjiførleikakanningin 2018 – Samanbering við somu kanning í 2011

Svimjiførleikakanningin 2018 – Framløga

Hóast einans 43% av okkara 11-12 ára gomlu klára norðurlendska kravið til svimjiførleika, so eru tey 85% sum siga seg duga at svimja.

Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.

Spurningarnir vóru so gott sum teir somu sum í tilsvarandi kanning í 2011, ið tá var ein upprunaliga norsk kanning týdd til føroyskt, sum eisini danir brúktu til at sammeta við.

Hetta alt til at tryggja so gott sambæri sum gjørligt, og sjálvsagt við loyvi frá Mentamálaráðnum umframt við ráðførslu hjá Dátueftirlitinum.

Kanningarúrslitið var klárt longu á vári 2018 – men vit hava tíverri verið so mikið upptikin av øllum øðrum innan SSF, at vit ikki eru komin til framløgu og greining fyrr enn nú á sumri í 2020.

Og nú má tað so heldur verða, eftirsum at vit kundu hugsað okkum at havt eitt nýtt umfar av kanningini, um ikki alt ov langa tíð.

Continue reading Svimjiførleikakanningin 2018 – Framløga

Svimjiskúlaskeið í Suðuroy

Í dag hevði Svimjiskúli Føroya skeið suðuri í Vági. Undirvísingin var í Marghøllini og í Páls høll. Teir 10 luttakararnir fingu holla kunning um, hvussu teir skulu taka ímóti og menna svimjarar, ið eru á byrjunarstøði. Undirvísarar vóru Rúni Gaardbo og Jóhan Petur Poulsen.

Faldari við svimjispølum frá Svimjiskúla Føroya

Her er leinki til nýtt hefti frá Svimjiskúla Føroya, kallað “58 svimjispøl og ein søga”, sum Pálin Olsen og Rúni Gaardbo hava sett saman. Sum tey siga í fororðunum:

Á skeiðunum, sum Svimjiskúli Føroya hevur havt, hava luttakararnir saknað at fingið tilfar í hondina. Hetta royna vit at bøta um við at seta hetta heftið saman.

Í hesari 1. útgávuni eru eru 58 svimjispøl og ein søga, og aftast eru uppskot til venjingar og spøl til tey fyrstu 5 Svimjiskúlamerkini.

Í heftinum eru fangispøl, sangspøl, bóltspøl og onnur spøl. Flestu spølini eru ætlað til vatntilvenjing, og nøkur eru ætlað vandum svimjarum. Felags fyri øll spølini er, at tey eru mennandi og stuttlig. Øll spølini kunnu verða spæld eftir uppskriftini, men tú kanst sjálvandi broyta tey, so at tey hóska til tín og tínar svimjarar.

Hetta heftið er ikki ein endalig útgáva, og vit taka fegin ímóti viðmerkingum og uppskotum til enn fleiri svimjispøl.

Svimjiskúli Føroya til ráðstevnu í Finnlandi

Hetta vikuskiftið er stór svimjiráðstevna í Finnlandi, kallað “Learn to Swim & Coach Conference 2018“, við luttøku av eisini umboðum fyri Svimjiskúla Føroya.

Mynd av Facebook-síðuni hjá Learn to Swim and Coach Conference 2018
Continue reading Svimjiskúli Føroya til ráðstevnu í Finnlandi

Innbjóðing til skeið í Merkjaskipanini 8. og 9. september 2018

Um nóg nógv tekna seg, so skipar Svimjiskúlin fyri skeiðum í Merkjaskipanini, í Tofta skúla leygardagin hin 8. september og sunnudagin hin 9. september.

Skeiðini eru frá kl 09:00 til 18:30, har luttakararnir so kunnu velja um tey vilja møta leygardagin ella sunnudagin. Skeiðskostnaðurin er kr 500, íroknað døgverði og drekkamunnur, og er ætlað øllum sum hava svimjarar á byrjunarstigi.

Meldið til við oyðublaðnum her, áðrenn leygardagin hin 1. september.

Vegna Svimjiskúla Føroya

Rókur