Nú fleiri enn 1000 fólk hava prógvað seg sum svimjarar, við at klára at svimja 200 metrar uttan íhald ella hjálpitól, so er tað merkisvert at 100 av hesum gjørdu tað í svimjihøllini í Sørvági. Bæði tí at tað er 10% av øllum sum kláraðu royndina, og hartil eini 8% av øllum íbúgvum í Sørvágs kommunu.
Í dag upprann dagurin tá ið tilsamans 1000 fólk hava prógvað seg at klára at svimja 200 metrar, í svimjiførleikaátakinum sum Svimjisambandi Føroya byrjaði hin 3. desember, har sjálvur Løgmaður var fyrsti svimjari.
Her eru hagtøl higartil frá átakinum “Klárar tú 200?”. Tølini broytast so hvørt sum fleiri koma afturat – Gott at síggja, at so nógv luttaka!
Her er mannagongdin sum vit hava gjørt til hesa nýggju svimjiroynd SSF, sum er kjarnan átakinum “Klárar tú 200?”.
Har er eitt tilhoyrandi oyðublað, til at fáa at vita í øllum førum hvar royndin varð klárað, umframt gjarna eisini føðiár, kyn og heimbýur ella -bygd hjá svimjaranum.
Svimjarin má gjarna vera ónevndur, um hann ella hon ynskir tað. Har er tó enn møguleiki at geva upp navn, um svimjarin velur tað.
Í móti endanum stendur heldur knortlut, at møguligt gjald má fáast inn, áðrenn nálin verður handað. Har er bara einki gjald, í ár 🙂
Annars sera stuttligt at uppliva tann áhuga sum er fyri hesum tiltaki, og ta vælvild sum vit uppliva í svimjihallunum.
Við svimjikvøðu
Rókur
Norðurlendska svimjiførleikarørslan misti ein stóran profil herfyri, nú Per Irgens andaðist heima í Grimstad í Noregi. Vit í Føroyum kenna hann best fyri at vera annar rithøvundurin av svimjifrálærubókini “Slik lærer du å svømme“, sum er hornasteinur í norska svimjiskúlanum, eins og í okkara og henni hjá estum.
Sameindu Tjóðir heitir nú á øll lond um gera átøk til at umganga druknivanlukkur, sum lýst í hesum fyrimyndarreglum sum vórðu einmælt samtyktar av ST í gjár. Samstundis verður 25. juli nú framyvir alheims dagur til fyribyrging av druknivanlukkum, við enska heitinum “World Drowning Prevention Day”.
Lesi t.d. her í Dhaka Tribune
Tað er alt ov stórur munur á svimjiførleikanum hjá næmingum í fimtaflokki, alt eftir hvar ið tey búgva í landinum – frá at 78.1% klára norðurlendska kravið í Norðuroyggjum, til at bara 31.2% klára hetta sama í Suðurstreymoy
Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.
Hesin partur er hin sætti og fyribils síðsti í eini røð, sum fer at umfata í øllum førum:
Tað er sera stórur munur á svimjiførleikanum hjá føroyskum fimtafloksbørnum, alt eftir hvar tey búgva og ganga í skúla. Hinvegin hava vit ikki sama trupulleika sum í okkara grannalondum, við at innflytarar duga verri at svimja.
Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.
Hesin partur er hin fimti í eini røð, sum fer at umfata í øllum førum:
Líka fáir vaksnir føroyingar klára norðurlendska kravið til svimjiførleika, sum børn í føroysku fimtaflokkunum – og støðan er heldur ikki nógv betri, um vit tosa um bara at klára éina longd í svimjihyli.
Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.
Hesin partur er hin fjórði í eini røð, sum fer at umfata í øllum førum:
Meðan alt fleiri børn hildu seg kunna svimja 200m í Noregi, frá 41% í 2003 til 53% í 2013, so er talið minkandi í Føroyum, frá 50% í 2011 til 44% í 2018. Tey eru eisini væl fleiri í Noregi sum klára éina longd á 25m, hóast tey har eru væl færri sum svimja.
Svimjisamband Føroya gjørdi í februar 2018 eina spurnarkanning millum allar næmingar í fimta flokki í føroyska fólkaskúlanum, til at kanna svimjiførleikan hjá hesum.
Hesin partur er hin triði í eini røð, sum fer at umfata í øllum førum:
