Tag: Signhild Joensen

Hatta var EM 2021

Evropeiska meistarastevnan 2021 er nú liðugt avgreidd í Budapest, og hóparnir fara so smátt at finna sær leiðina heimaftur. Vit hava ikki enn frætt um nakran trupulleika við korona, út yvir at fýra kvinnuligir svimjarar máttu verða verandi heima í Turkalandi, tí at tær stutt áðrenn fráferð høvdu fingið staðfest korona.

Faroe SSF XXXV LEN European Aquatic Championships 2020 Duna Arena- Budapest – Hungary 20210522 Photo Giorgio Scala / Deepbluemedia / Insidefoto DBM/LEN Reserved Rights Author must be mentioned when published Editorial/media use only

Okkara egna Signhild Joensen kláraði seg eftir umstøðunum væl, har í meldrinum við ymiskum avbjóðingum eisini uppundir stevnuna, so sum hatta við at venjarin noyddist at melda avboð. Serliga íslendingar hava her verið hjálpsamir, og er tað væl hugsandi at tann succés’in verður endurtikin aftur onkra aðru ferð 🙂

Photo courtesy of Giorgio Scala / Deepbluemedia / Insidefoto

Signhild 2:18.50 í 200 rygg á EM 2021 í Budapest

Signhild Joensen royndi seg nú fyri løtu síðani í 200 metra ryggsvimjing Evropameistarastevnuni 2021 í Budapest, og varð har nummar 32 av 36 við tíðini 2:18.50. Hetta er besta tíð sum Signhild hevur svomið í hesi grein í ár, har hennara allarbesta tíð er føroyska metið á 2:14.01 frá Danish Open í 2017. Sí úrslitalistan her

Signhild og Rannvá á EM 2021 í Budapest.
Hörður J. Oddfríðarson eigur myndina

Hetta var triðja og síðsta grein hjá Signhild á hesum EM, undir heldur serligum umstøðum, vegna koronaavmarkingar og tað at hon eisini tí endaði við at verða einsamallur luttakari úr Føroyum. Nú kunnu tær báðar í Budapest njóta síðstu kappingar á hesi stevnum, áðrenn leiðin gongur norðureftir aftur mánadagin.

Íslendingar hjálpa okkum í Budapest

Av tí at alt er so serligt nú í sambandi við korona, so vóru vit eitt sindur í neyð herfyri, tá ið venjarin hjá Signhild mátti melda avboð, so mikið seint at tað var hopuleyst at fáa nakran annan inn.

Men, tíbetur hava vit góðar vinir í Íslandi, sum beinanvegin játtaðu av vilja hjálpa okkum, í tann mun sum tað nú einaferð fór at bera til har í ‘bobluni’. Tað eydnaðist ikki at flyta til teirra hotel, men tíbetur gongur tað viktigasta fyri seg í hylinum.

Her er tað Hörður J. Oddfríðarson, fyrrverandi formaðurin hjá íslendska svimjisambandinum, sum ger samrøðu við Signhild uttanfyri Duna Arena, nú fyri løtu síðani. Hann sigur at vit fáa eitt avrit av samrøðuni 🙂

Signhild og Hörður í Budapest. Rannvá Sigfríðsdóttir eigur myndina

Ein heilsan til tykkum í fremstu røð

Her er ein mynd úr Duna Arena í Budapest, har Signhild og Rannvá eru komnar væl uppá pláss. Ungarsku fyriskipararnir hava gjørt ein vegg við heilsanum á hesum mongu ymisku málunum sum luttaka á EM, til tykkum øll sum stríðast í fremstu røð, hóast og vegna korona.

Signhild í Duna Arena í Budapest

Í okkara føri fingu vit góða hjálp til týðingina frá Facebook-bólkinum “Føroysk rættstaving” – og ungarar fingu strang boð um at fáa stavirnar rættar, sum tey týðiligvís eisini kláraðu 🙂

Signhild 1:04.08 og nr 4 í 100 rygg á OL-úttøkustevnuni í Vejle

Signhild Joensen royndi seg nú seinnapartin aftur á OL-úttøkustevnuni í Vejle, og varð har nr 4 í A-finaluni við tíðini 1:04.08. Hendan tíðin gevur 725 FINA-stig, soleiðis at Signhild nú hevur 4 tíðir frá hesi stevnu sum eru kvalifiserandi til EM í Budapest í mai mánaða. Sí úrslitalistan her

Signhild 1:04.47 og nr 4 í innleiðandi 100 rygg á OL-úttøkustevnuni í Vejle

Signhild Joensen royndi seg í morgun aftur á OL-úttøkustevnuni í Vejle, har tað í dag er 100 metra ryggsvimjing sum er á skránni hjá henni. Og tað gekk fínt – hon varð nr 4 við tíðini 1:04.47, og er tí víðari til A-finaluna seinnapartin. Sí úrslitalistan her

Signhild í innleiðandi 100 rygg á OL-úttøkustevnuni í Vejle

Innleiðandi tíðin gevur 712 FINA-stig, og er tí kvalifiserandi til EM í Budapest í mai, har úttikin verða tey bæði av hvørjum kyni, sum innan kravtíðarskeiðið hava rokkið hægstu FINA-stig í einari grein, tó yvir 700 FINA stig.

Signhild 29.64 og nr 4 í 50 rygg á OL-úttøkustevnuni í Vejle

Signhild Joensen royndi seg fyri løtu síðani í B-finaluni í 50 metra ryggsvimjing á OL-úttøkustevnuni í Vejle, og svam har teir 50 uppá 29.64 sekund. Altso ein betring í mun til hennara 29.96 frá í morgin, sum nú rakk til eitt fjórðapláss og 754 FINA stig. Sí úrslitalistan her

Signhild 29.96 og nr 5 í innleiðandi 50 rygg á OL-úttøkustevnuni í Vejle

Signhild Joensen royndi seg í morgun á serligu OL-úttøkustevnuni í Vejle, sum við hørðum treytum er sett í lag, so at allarfrægastu svimjarar í Danmark kunnu royna eftir kravtíðum til EM í vár og OL í summar. Í morgun tað fyri Signhild í innleiðandi 50 metra rygg, har hon við tíðini 29.96 svam seg til 730 FINA stig og eitt fimtapláss.

Continue reading Signhild 29.96 og nr 5 í innleiðandi 50 rygg á OL-úttøkustevnuni í Vejle