Alvi, Markus, Óli og Eyðbjørn 4:13.97 í 4×100 blandað á EJM 2013

Alvi Hjelm, Markus Joensen, Óli Mortesen og Eyðbjørn Joensen luttóku í morgun í 4×100 blandað á evropeisku juniormeistarastevnuni í svimjing, har teir megnaðu at svimja 4:13.97, eitt lítið sindur frá teirra egna føroyska juniormet á 4:13.75 frá norðurlendsku meistarastevnuni fyri ung í fjør summar. Hetta rakk til eitt 20. pláss, sí úrslitalistan her.

Harvið er føroyska luttøkan liðug á EJM 2013. Markus Joensen setti eitt nýtt føroyskt juniormet í 50 bringu (31.87) og Óli Mortensen eitt nýtt føroyskt juniormet í 800 frí (8:25.69), meðan Eyðbjørn Joensen setti persónlig met í 50 og 100 frí (ávíkavist 25.12 og 54.57).

Eyðbjørn 25.12 í 50 frí á EJM 2013

Eyðbjørn Joensen hevur í morgun luttikið í 50 metra frísvimjing á evropeisku juniormeistarastevnuni í svimjing, sum er í Poznan í Pólandi til og við í dag. Hann megnaði at svimja teinin uppá 25.12 sekund, sum er besta tíð hjá honum í mun til hansara 25.33 frá Danish Open í mars mánaða. Tað rakk til eitt 56. pláss í Poznan, sí úrslitalistan her. Magnus Jákupsson eigur føroyska metið og juniormetið frá donsku meistarastevnuni í 2012.

Óli 8:25.69 í 800 frí á EJM 2013, Alvi 8:36.35

Teir báðir Óli Mortensen úr Havnar Svimjifelag og Alvi Hjelm úr Ægir luttóku í morgun í 800 metra frísvimjing á evropeisku meistarastevnuni fyri ung, sum er í Poznan í Pólandi. Óli megnaði at seta nýtt føroyskt juniormet við tíðini 8:25.69, har hansara besta tíð til og juniormetið var 8:30.32 frá íslendsku meistarastevnuni í apríl 2013. Alvi svam teinin uppá 8:36.35, har hansara besta tíð er 8:34.96 frá Danish Open í mars mánaða. Sí úrslitalistan her.

Føroyingarnir eru nú lidnir við at svimja fyri í dag, eftir er bara morgindagurin har Eyðbjørn skal royna seg í 50 frí, og at enda teir fýra í 4×100 blandað.

Markus Joensen 1:09.97 í 100 bringu á EJM 2013

Markus Joensen luttók í morgun í 100 metra bringusvimjing á evropeisku juniormeistarastevnuni í svimjing, og svam hann har teinin uppá 1:09.97 sekund. Sí úrslitalistan her. Hetta er eitt sindur frá hansara føroyska juniormeti á 1:08.93 frá Actavis Open í Hafnafirði í mars mánaða.

Markus Joensen, Poznan 2013

Eyðbjørn 2:01.88 í 200 frí á EJM 2013

Eyðbjørn Joensen luttók í morgun í 200 metra frísvimjing á evropeisku juniormeistarastevnuni í svimjing, og svam hann har teinin uppá 2:01.88 sekund, ið rakk til eitt 58. pláss. Sí úrslitalistan her. Eyðbjørn hevur fyrr svomið 2:00.88, á norðurlendsku meistarastevnuni fyri ung, sum var í Keypmannahavn í fjør.

Eyðbjørn Joensen, Poznan 2013

Markus 31.87 og nýtt føroyskt juniormet í 50 bringu

Markus Joensen megnaði í morgun at seta nýtt føroyskt juniormet í 50 metra bringusvimjing, tá ið hann í innleiðandi riðlunum á evropeisku juniormeistarastevnuni á langgeil svam teinin uppá 31.87. Tað rakk til eitt 46. pláss í hørðu kappingini á EJM í Poznan, sí úrslitalistan her. Eyðbjørn Joensen átti føroyska juniormetið á 32.13, frá Danish Open í mars mánaða í ár, og besta tíð hjá Markusi sjálvum áðrenn hetta var 32.53 frá Mare Nostrum stevnuni í Barcelona í juni mánaða. Pauli Øssursson Mohr eigur føroyska metið á 31.39, frá EM í Budapest í 2010.

Føroyingarnir svimja ikki meira í dag, men í morgin burdi tað ligið væl fyri, tá ið Guðrun svimur 50 frí, Eyðbjørn 200 frí, Markus 100 bringu, og Óli og Alvi 800 frí.

Markus Joensen, Poznan 2013

(Markus svimur bringu á EJM 2013, Jón Bjarnason eigur myndina)

Óli 16:13.45, Alvi 16:38.38 í 1500 frí á EJM 2013

Teir báðir Óli Mortensen úr Havnar Svimjifelag og Alvi Hjelm úr Ægir luttóku í morgun í 1500 metra frísvimjing á EJM 2013 í Poznan, og svumu teir har ávíkavist 16:13.45 og 16:38.38. Teir ruku beinanvegin eitt sindur afturum høvuðsfeltið, og Alvi so longur aftur meðan Óli stríddist við at fylgja við hinum, einar 2-3 kroppslongdir aftanfyri feltið, inntil hann eisini mátti sleppa. Bestu tíðir hjá teimum eru ávíkavist 16:08.20 hjá Óla frá íslendsku meistarastevnuni í apríl, og 16:11.88 hjá Alva frá Danish Open í mars. Skjótasti riðil svimur í kvøld, fyribils sær tað út til at Óli verður nummar 17 og Alvi nummar 20, sí úrslitalistan her.

oli-4

Markus 2:18.98 men kolldømdur í 200 blandað á EJM 2013

Markus Joensen luttók fyri løtu síðani í innleiðandi riðlunum av 200 metra blandaðari svimjing, á evropeisku juniormeistarastevnuni í Poznan í Póllandi. Tað gekk heilt væl fyrstu løtuna, hann lá frammaliga í sínum riðli eftir firvald og rygg, men dragnaði so nakað í bringu og crawl. Scoreboard segði 2:18.98, men úrslitalistin sigur at hann varð kolldømdur.

markus-6

Eyðbjørn 54.57 og nr 59 í 100 frí á EJM 2013

Eyðbjørn Joensen hevur í morgun luttikið í 100 metra frísvimjing, á evropeisku juniormeistarastevnuni í Poznan í Póllandi. Hann setti persónligt met 54.57 í mun til sína tilmeldingartíð á 55.13 frá NMU í Keypmannahavn í fjør. Tíðin rakk til eitt 59. pláss, sí úrslitalistan her.

Eyðbjørn Joensen, Poznan 2013