Tag: Paulus Wildeboer

Tíðindini frættust í gjárkvøldið, at Paulus Wildeboer var deyður av krabba í prostata, 59 ára gamalur.

Paulus var pápi Olaf og Aschwin Wildeboer, sum svumu fyri ávíkavist Niðurlondum og Spania, Aschwin við serliga góðum evnum. Og Paulus var sum kunnugt danskur landsliðsvenjari í fleiri ár, har hann fekk svimjarar sum Lotte Friis, Jeanette Ottesen og Rikke Møller Pedersen upp á heimsstøði. Áðrenn tað var hann venjari í Spania í eini 25 ár, og aftaná tað mentor hjá Swimming Queensland í Australia.

Vit føroyingar kendu hann væl, sum venjari hjá danska landsliðnum fram til OL í London, og síðani venjari hjá Páli fram til heiðursmerki á HM í Istanbul í 2012. Ein harður venjari, sum tó uttan iva hevði sín lut í at donsk svimjing lyftist sum hon gjørdi.

Ærað verður minnið um Paulus Wildeboer.

Fyrrverandi danski landsliðsvenjarin Paulus Wildeboer hevur nú eisini valt at siga upp sítt starv sum høvuðsvenjari á ‘det Nationale TræningsCenter’ (NTC) í Bellahøj, har millum annað Pál Joensen venur. Hetta boðar danska svimjisambandið frá í tíðindaskrivi; Paulus hevur tikið av einum tilboðið frá Swimming Queensland og Australian Swimming, at taka sær av venjingini har frá fyrst í 2013 til síðst í 2016.

Danska svimjisambandið sigur seg hava eina stóra avbjóðing, nú tey heilt skjótt skulu finna bæði ein nýggjan landsliðsvenjara og ein nýggjan NTC-venjara, áðrenn Wildeboer gevst, síðst í januar mánaða. Og lat tað verða sagt, at danski venjarahópurin hevur givið Wildeboer allar orsøkir til at finna sær okkurt annað, tá ið t.d. Thomas Jannson herfyri beinleiðis bað hann gevast, alment.

Ekstra Bladet skrivar her at Paulus Wildeboer nú ávarar donsku svimjararnar um ikki at nýta ov nógva tíð saman við familju, so stutt upp undir HM. Liðið er sum skilst væl fyri, í form eftir vikulangar venjingarlegur runt umkring í heiminum, og nú handlar tað altso um ikki at spilla tað burtur uppá ov nógva ‘sosialisering’.