Jamen, hvat sker 15.10, tað er undir 1.01 pr 100m ……
Fyri flest allar svimjarar er minnutið eitt magiskt mark – men Pál ger tað 15 ferð á rað, uttan pausu…..
ÓFATULIGT, FANTASTISKT, SUPER, eg havi ikki orð fyri hesum.
Sjálvandi nr 1 á europaranglista fyri juniorar.
Super hamrandi flott PÁL
Eisini hinir føroyingarnir í Ungarn, flott svomið.
Kári, tillukku við metinum, og eini sera flottari tíð í 50 rygg
Ungarski Laszlo Cseh betraði um sítt egna met í 400 blandað, so at tað nú er 3:59.33 heldur enn 4:00.37. Harvið gjørdist hann eisini fyrsti maður undir 4 minuttir á teininum. Ikki so galið at seta heimsmet á heimabana, tveir dagar á rað 🙂
Niðurlendsku Inge Dekker, Hinkelien Schreuder, Ranomi Kromowidjojo og Marleen Veldhuis settu eisini heimsmet í 4 x 200 frí, við at svimja 1:34.82 har gamla metið hjá Niðurlondum var 1:36.27. Hendan kapping er tó ikki góðkend FINA grein, og tí ikki at síggja á metlistunum hjá FINA.
Annars er ein góður samandráttur av finalunum í dag at lesa her á SwimInfo. Saman um tikið hava tey sett eina rúgvu av nationalum metum, umframt at russiska Yuliya Efimova setti evropeiskt met í 200 bringu (2:19.08) og danska Lotte Friis mann hava sett norðurlendskt met í 800 frí við at vinna kappingina og seta danskt met í tíðini 8:12.27.
Aðrir svimjarar vóru heilt nær at heimsmetum, og svensku heimsmet-haldararnir Anna-Karin Kammerling (50 firvald) og Stefan Nystrand (100 frí) vardu saman við Lotte Friis okkara norðurlendsku litir. Hinvegin varð bringusvimjingin meira kontroversiel, við tað at dómararnir eru farnir at døma harðari, og til dømis russisku Dmitry Komornikov og italski Alessandro Terrin tí fullu fyri kolldømdingarreglurnar.
Tað sær út til at Kári J. á Høvdanum hevur sett nýtt føroyskt met í 50 rygg í morgun, á Evropeisku Meistarastevnuni í Debrecen (Ungarn). Tíðin varð 26.83 sekund, sum í øllum førum er væl skjótari enn metið á almenna metlistanum hjá SSF (27.29), og eisini skjótari enn hansara silvurvinnandi tíð á NJM 2007 (26.95).
Continue reading Føroyskt met til Kára ?
Stjørnurnar svumu alvorliga skjótt á Evropeisku Meistarastevnuni í dag. Fyrst setti polska Otylia Jedrzejczak heimsmet í 200 firvald við tíðini 2:03.53, og løtu seinni megnaði ungarski Laszlo Cseh at seta heimsmet í 200 blandað við 1:52.99, á heimabana í Ungarn. Gomlu metini áttu ávikavist kinesiska Yu Yang (2:04.04) og brasilski Thiago Pereira (1:53.14)
Continue reading 2 heimsmet á fyrsta degi av EM
Nú eru fyrstu úrslitini frá EM komin á OMEGA Live Timing heimasíðuni, og føroyingarnir byrja heldur varliga. Dánjal Martin Hofgaard svam 24.40 í 50 frí, og Kári á Høvdanum var við 2:07.16 tveir hundraðpartar frá sínum føroyska meti í 200 rygg.
Hálendsku Hinkelien Schreuder, Femke Heemskerk, Ranomi Kromowidjojo og Marleen Veldhuis hava í dag sett nýtt heimsmet í 4×100 frí á stuttbana, tá ið tær á ‘Dutch Open’ svumu teinin á 3:30.85 (splitt-tíðir 53.40, 52.95, 52.88 og 51.62). Avstralia átti gamla metið á 3:31.66. Lesið her á SwimInfo.
Orsøkin er sambært høvuðsvenjaranum har norðuri, at tað er frítt at koyra gjøgnum tunnilin nú í vikuskiftinum, og at høllin tí skal vera opin fyri almenninginum. Tey vita ikki enn nær stevnan so kann verða.
Hmm, tað ljóðar sum forfordeiling tá ið Pieter van der Hoogenband kundi møta til finaluna í altjóða svimjistevnu í Eindhoven, uttan fyrst uttan at skula svimja innleiðandi, meðan til dømis kappingarneytin og heimstjørnan Brent Hayden úr Kanada noyddist at svimja tvær ferðir. Lesið her á SwimNews.
SwimNet vísir á fyribils startlistan í tíðindum her. Pál er nr 43 í 200 frí, nr 26 í 400 frí og nr 12 í 1500 frí – OG FREMSTI JUNIORUR !!. Viðvíkjandi superstjørnur er tað mest áhugaverda fyri okkum norðurlendingar nokk, at Stefan Nystrand svimur bæði 50 og 100 frí.
Continue reading Fyribils startlistin til EM 2007 klárur
Á nýggjastu dagføring av europa ranglistanum fyri juniorar er Pál við í top 10, í bæði 400, 800 og 1500 frí.
Tíðirnar frá NJM eru enntá ikki við !
Besta plaseringin er í 800 frí, har Pál liggur nr 2, við tíðini hann svam til DKM. Bert ein russari hevur svomið skjótari enn Pál, Í ØLLUM EUROPA !
