Malan V. Bærendsen setti í dag føroyskt met í 100 bringu, við at svimja teinin í tíðini 1:15.41. Harvið hevur hon í leypi av vikuskiftinum sett met í bæði 50 og 100 metra bringusvimjing. Í kvøld kl 18:00 skipar Tvøroyrar Býráð fyri almennari móttøku í ítróttarhøllini í Trongisvági, í sambandi við at Shaila millum Garðarnar hevur svomið seg til gullnál. Continue reading Enn eitt met á Susvim stevnuni
Bretar bjóða virðisløn til venjarar at OL vinnarum
Bretska svimjisambandið innførir nú eina skipan við peningavirðisløn til venjarar, um svimjarar teirra vinna heiðursmerki á Olympisku leikum í Beijing 2008. Venjarin fær £10.000 um talan er um gullheiðursmerki, og ávikavist £7.500 og £5.000 um talan er um silvur ella bronsu. Sum tey siga: Svimjarin fær longu eina peningaliga virðisløn, og nú vilja tey eisini viðurkenna arbeiðið hjá venjaranum. Lesið her á SwimNews.
Shaila 58.53 í 100 frí
Shaila millum Garðarnar hevur í dag svomið 100 frí í tíðini 58.53, á Susvim stevnuni í Vági. Hetta er undir kravtíðina til HM í Manchester í vár, umframt at tað er gullnálatíð, Heilir 4 svimjarar hjá Jón Bjarnasyni hava harvið svomið seg til gullnál hetta seinasta góða árið, sum er óhoyrt.
Ein reklamufilmur fyri Qatar 2011
Fann tilvildarliga hesa video, nú eg leiti eftir myndum frá nýggja heimsmetinum hjá Hayley McGregory. Heimsmeistarastevnan í svimjing verður í Qatar ár 2011, og tey hava so gjørt hesa lýsingina fyri tiltakinum. Vit eru í heimsins besta ítrótti 🙂
Nýtt heimsmet í 50 rygg
Amerikanska Hayley McGregory hevur sett nýtt langbana heimsmet í 50 rygg hjá kvinnum. Hon svam 28.00 har heimsmetið hjá kinesisku Yang Li frá í fjør var 28.09. Lesið her á SwimInfo.
2 føroysk met í kvøld
Malan V. Bærendsen svam 50 bringu í tíðini 34.94, og Pál Joensen svam 800 frí í 8:00.05 (!). Tíðin hjá Pál er 30. besta tíð í heiminum síðani 1. august 2007 sambært Swim Rankings, og besta tíðin av øllum juniorum. Lesið her á susvim.com.
Kravtíðirnar til HM broyttar
Sum tit kunnu síggja her á susvim.com, so hava nýggju landsliðsvenjararnir gjørt broytingar í kravtíðunum til HM í Manchester. Sum heild er talan um at kravtíðirnar eru vorðnar lættari, um enn tað enn bara eru tey fáu sum klára tær. Continue reading Kravtíðirnar til HM broyttar
Danir skulu eisini hava nýggjan landsliðsvenjara
Hetta eru egentliga gomul tíðindi, sum Ekstra Bladet tekur upp nú: Mark Regan fer frá eftir OL í Beijing í summar, og danska svimjisambandið leitar tí eftir nýggjum landsliðsvenjara, ið helst skal verða funnin áðrenn OL.
Jón og Petur Heðin fyribils landsliðsvenjarar
Sum tit eisini nú kunnu lesa í viðmerkingunum til tíðindini um at landsliðsvenjarin er farin frá, so hevur Svimjisambandið sett teir báðar Petur Heðin á Fløtti og Jón Bjarnason til fyribils at taka sær av landsliðnum, “til onnur loysn er funnin”.
Landsliðsvenjarin farin frá
Frætt er frá álítandi keldu, at landsliðsvenjarin Brian Marshall er farin frá, tí hann ikki kláraði at uppfylla tær avtalur sum vóru millum íslendska og føroyska svimjisambandið. Tað er ikki heilt greitt enn hvussu ið nú verður við samstarvinum millum svimjisambondini bæði, men arbeitt verður við at finna føroysku svimjarunum nýggjan landsliðsvenjara.
