Popular Science hevur eina rættiliga áhugaverda grein her á popsci.com, um nýggju svimjidraktirnar hjá Speedo. Eftir øllum at døma vórðu hesar draktir brúktar, tá ið Eamon Sullivan herfyri setti heimsmet í 50 frí, Natalie Coughlin í 100 rygg og Kirsty Coventry í 200 rygg.
Continue reading PopSci um nýggju Speedo LZR Racer draktirnar
Hetta eru ikki spildurnýggj tíðindi. P/f Føroya Shell hevur gjørt eina sponsoravtalu við Pál og Susvim. Í hesum sambandi hevur ‘Viðurgerði’ haft eitt prát við Niclas Heri Jákupsson, Palla og Pál (spola til 43.20 í sendingini).
Svimjifelagið Reki hevur fingið sær heimasíðu á www.reki.fo
Japanska Reiko Nakamura hevur sett heimsmet í 200 rygg, og Yuko Nakanishi í 200 firvald, tá ið tær í dag svumu ávikavist 2:03.24 og 2:03.12 á japansku stutthyljameistarastevnuni í Tokyo. Tær fingu hvør sínar 2 milliónir yen (umleið 93.000 krónur) frá sponsorinum av stevnuni, fyri at seta hesi heimsmet. Kosuke Kitajima var eisini heilt nær at seta heimsmet í 100 bringu, tá ið hann svam fyrst 57.89 í innleiðandi og síðani 57.62 í finaluni (heimsmetið er 57.47). Lesið her á SwimInfo.
Avstralska antidopingin fer at kanna allar íðkarar sum fara til OL í Beijing minst éina ferð, umframt íðkarar úr summum ‘høj-risiko’ ítróttargreinum fleiri ferðir. Hesar greinar við serligum vanda fyri doping eru svimjing, frælsur ítróttur, súkkling, baseball, vektlyfting, rógving og triathlon. Hetta hóvar sjálvsagt ikki øllum, sum t.d. Grant Hackett, ið halda at avstralska svimjingin ikki hevur fortjent slíkan ó-heiður.
Men antidoping nevndin verjir sína støðu við at vísa á at altjóða svimjingin faktiskt hevur havt stórar dopingtrupulleikar at stríðast við, samstundis sum svimjarar í dag svimja skjótari enn nakrantíð fyrr. Har var jú systematiska dopingin hjá Eysturtýskalandi í 80-unum, og hjá Kina í 90-unum. Dopaðir svimjarar tá svumu tíðir sum eingin annar kundi liva upp til, og tó so svimja tey bestu í dag skjótari.
So sum tey siga, eitt víðkað dopingeftirlit í dag er líka nógv fyri at verja tey óskyldigu undan følskum ákærum, sum fyri at fanga syndararnar.
Lesið her á SwimNews.
Singapore vann á Moskva, og harvið verða fyrstu olympisku leikir fyri ungdómar í Singapore ár 2010. Eg má viðganga at eg havi ikki hoyrt um ungdóms-OL fyrr enn nú, men eftir øllum at døma er hetta ein ætlan hjá altjóða olympisku nevndini IOC at røkka betri út til tey ungu eisini. Lesið her á SwimNews.
Russiska Anastasia Zueva svam fyri fyrst ferð undir minuttin í 100 rygg á langbana í gjár, tá ið hon á stevnu í Russlandi tók evropeiska metið hjá Laure Manaudou á 59.87 við tíðini 59.64. Harvið er hon triðskjótasta kvinna nakrantíð, og einans ein av fýra sum hava svomið undir minuttin í 50m hyli. Lesið her á SwimInfo.
Mínar myndir frá Ægir stevnuni kunnu síggjast her á Flickr.com.
Eg var tíverri ikki til staðar tá ið ‘old boys’ svumu, men Reidar hevur lukkutíð myndir av tí her á susvim.com.
Hendan er frá tá ið Søren enn hevði ein kjans …
Og hendan er prógv um at hann faktiskt kom á mál, hóast óndar tungur vilja vera við at tað ikki var so …
(Forrestin flott av Símuni at heppa uppá hann.)
Havnar Svimjifelag bjóðar nú til svimjistevnu 1. mars í høllini í Gundadali, fyri bólkar 1 og 2. Viðfest niðanfyri er innbjóðing og kappingarfíla, og gev gætur at innbjóðingin skal vera inni í seinasta lagi hósdagin 28. februar kl 20.00.
Svimjisambandið handaði nálir á svimjistevnuni í Klaksvík í vikuskiftinum, sum svimjarar hava svomið seg til síðani einaferð í heyst. Eg kenni ikki øll andlitini her, men so hjálpa tit mær væl í viðmerkingunum …
Frá vinstru: Jákup Klein Hansen (HS, bronsunál?), Birita Debes (FLOT, silvurnál), Aimée Jacobsen (FLOT, bronsunál), Jóhann Heðinsson (FS, bronsunál), Bergtór T. Thomsen (Reki, bronsunál), Jarmund Steinkross (Susvim, bronsunál), ??, Ingunn Olsen (Reki, silvurnál), Joan Kristina í Jákupsstovu (FLOT, bronsunál), Gunn Joensen (Ægir), ??
Eyðbjørg Jacobsen úr FLOT fekk eisini handað bronsunál, men var tó ikki til staðar.
