Bartal E. Eidesgaard svam seg fyri løtu síðani til gull í 200 metra frísvimjing á Reykjavík International 2022, við nýggjum persónligum meti á 1:59.17, har hansara besta tíð til nú var 1:59.50 fr´a hesi somu stevnu í januar 2020. Og føroyskir svimjarar svumu seg til fleiri silvur- og bronsuheiðursmerki eisini, nú síðstu finalur vórðu avgreiddar á hesi stevnu.
Sí YouTube-rásina hjá Sundsamband Íslands – her eru heilt nógvir føroyingar sum fara at royna seg aftur í dag, í finalunum sum byrja kl 16:45 føroyska og íslendska tíð.
Tey eru nú liðug við allar innleiðandi riðlar á Reykjavík International 2022, og eru tí bara finalur eftir til síðsta stevnupartin sum byrjar kl 16:45 í dag, íslendska og føroyska tíð.
Fyrsti veruligi finalupartur var nú seinnapartin á svimjistevnuni á Reykjavík International Games 2022, har føroyskir svimjarar aftur gjørdu vart við seg.
Vit skuldu líka hava tað váttað úr Íslandi – Men tey bæði Bjarta í Lágabø og Fróði Hansen vunnu eisini heiðursmerki í gjár, í kappingini fyri yngri aldursbólkar. Bjarta vann silvur í 50 rygg og bronsu í 50 frí, meðan F´róði vann silvur í 50 bringu. Bjarta svimur fyri Suðuroyar Svimjfelag og Fróði fyri Fuglafjarðar Svimjifelag.
Reykjavík International 2022 byrjaði nú seinnapartin við innleiðandi riðlum umframt einstøkum finalum, har Vár Erlingsdóttir Eidesgaard úr Havnar Svimjifelag vann silvur í 800 metra frísvimjing, og nógvir føroyskir svimjarar svumu seg víðari til finalur.
Sundsamband Íslands skipar nú í vikuskiftinum fyri svimjistevnuni á Reykjavík International Games 2022, har eisini svimjarar úr trimum føroyskum svimjifeløgum luttaka.
Altjóða svimjisambandið FINA hevur ikki enn kunngjørt hetta – men álítandi keldur vilja vera við, at HeimsMeistarastevnan sum skuldi verða í Fukuoka í Japan nú í mai 2022, er útsett til sama stað allarhelst í juli 2023, vegna korona.
Og tá í HM 2022 so liggur í 2023, verður næstkomandi HM sum skuldi verða í Doha í Katar á heysti í 2023, allarhelst útsett til í januar 2024.
HM í Fukuoka skuldi upprunaliga vera á vári í 2021.
Her er innbjóðing til svimjistevnuna “SuSvim Open” sum Suðuroyar Svimjifelag skipar fyri í Páls Høll í Vági, leygardagin og sunnudagin hin 5. og 6. februar 2022. Hetta verður fyrsta svimjistevna her heima í hesum kalendaraári 2022.
Góðu tit øll,
Svimjifelagið FLOT fráboðaði í gjár svimjisambandinum og føroysku svimjifeløgunum í telduposti, at tey hava valt at avlýsa FLOT-stevnuna sum skuldi verða í svimjihøllini á Toftum nú leygardagin hin 22. januar 2022. Orsøkin er áhaldandi støðan við koronu.
Vegna SSF
Rókur
