Danska Jeanette Ottesen luttók í vikuskiftinum á Grand Prix stevnu í Finnlandi, ávegis til World Cup í Moskva og Stockholm, og megnaði har at klára donsku kravtíðina til heimsmeistarastevnuna á stuttgeil í Dubai í desember, við tíðini 57.50 sekund í 100 firvald. Lesið her á sporten.dk, umframt blogguna hjá Ottesen sjálvari á www.jeanetteottesen.dk
Svimjarar fingu bæði Dengue-fepur og tyfus í Delhi
Swimming Canada avdúkar nú offisiel, at Annamay Peirse sum hevur heimsmet í 200 bringu fekk dengu-fepur í leypi av Commonwealth Games í Delhi, og at ein annar svimjari fekk tyfus. Pierse stríðist enn við fepuri og tilhoyrandi symptomum, íroknað vaml, møði og pínu í beinum og liðum. Hetta hava vit eisini kunna lisið millum reglurnar hjá Pierse sjálvari á Twitter í eina tíð. Lesið her á SwimNews.com
Are you kidding…. Dengue really??? Why am I so lucky when it comes to getting sick?
Annamay Pierse
AnnersPierse
Vollmer og Pereira vunnu hvønn sín bil í Berlin
Amerikanska Dana Vollmer og brasilski Thiago Pereira vunnu hvønn sín VW Scirocco í dag, fyri besta avrik á World Cup stevnuni í Berlin. Vollmer svam 55.59 í 100 firvald, sum gevur 971 FINA stig, og Pereira megnaði at svimja seg til 966 FINA stig við 1:52.81 í 200 blandað. Stuttligt hjá teimum, at skula fáa bilarnar yvir um hav, men Vollmer er so í øllum førum glað.
Continue reading Vollmer og Pereira vunnu hvønn sín bil í Berlin
Startlistin til World Cup í Stockholm klárur
Startlistin til World Cup í Stokkhólmi sæst nú her á simforbundet.se, har vit millum annað síggja at Pál skal kappast ímóti Paul Biedermann og Yannick Agnel í 400 frí, og ímóti evropameistaranum frá EM á langgeil í summar, franska Sébastien Rouault í 1500 frí. Hartil fara Birita Debes og Magnus Jákupsson sum kunnugt eisini at luttaka, við heilt góðum styrkismetingum í mun til teirra unga aldur.
Continue reading Startlistin til World Cup í Stockholm klárur
Pál vann silvur í 1500 frí
Tíðindaskriv frá Svimjisambandi Føroya
Pál Joensen vann í dag aftur silvur í 1500 metra frísvimjing, á World Cup stevnuni í Berlin. Tíðin var 14:47.39, ið er fjórðbesta tíð í heiminum í ár, men tó eitt gott vet frá ætlanini at svimja undir 14:40. Niðurlendski Job Kienhuis vann kappingina við tíðina 14:40.11, sum er besta tíð í heiminum í ár.
Stuðli Páli við at stuðla okkum
Tað er nú kl 14:25 at Pál fer at svimja um gullið í Berlin, sum greiður favorittur í 1500 frí. KVF sendir beinleiðis; men tit kunnu hartil stuðla Páli Joensen og føroyskari svimjing yvirhøvur, við at tendra eina teldu og fara á www.svimjing.com/live. Her telur nevniliga hvør vitjan, til at vit kunnu vísa á áhugan fyri svimjing.
Pál Joensen nú í argentinskum miðlum eisini
Tey skriva gott nokk um sín egna Esteban Jesús Paz, í greinunum í El Depornauta og El Diario de La Pampa, og um hvussu ‘hvørt tak er lagnan sum leiðir ímóti HM í Dubai’, nú hann gjørdist nummar 12 í innleiðandi 400 blandað, og nummar 16 í innleiðandi 400 frí. At hann í 400 frí við tíðini 3:52.84 svam sína næstbestu tíð nakrantíð, eftir at hava sett argentiskt met í Rio de Janeiro farna mánaða, við 3:51. Men nú man allíkavæl skrivar, so noyðist man líkasum eisini at nevna, at Biedermann vann við 3:42.31, at Pal Joensen úr Føroyum vann silvur við 3:44.45, og at niðurlendski Job Kienhuis vann bronsu við 3:45.27 🙂
Fujairah rutan var bara 2 km, innanfyri eitt grótkast
The New York Times skrivar her um hendingina tá ið Fran Crippen doyði í havsvimjing í Fujairah nær Dubai í Sameindu Arabisku Emiratunum, at tað so avgjørt tók 2 tímar at finna Fran Crippen, á eini 2 km rutu innanfyri eitt grótkast:
It is undisputed that it took about two hours for rescuers to find Crippen’s body out on the triangular, 2-kilometer ocean course located behind a breakwater, an operation that did not begin until one of his teammates, Alex Meyer, pointed out he was missing. Meyer and other competitors actually dove back in the water to help in the frantic search, but it was too late.
Continue reading Fujairah rutan var bara 2 km, innanfyri eitt grótkast
Pál skrivar autografar í Berlin
Teir báðir Pál og Jón fóru út í gjøgnum bakdyrnar, men rendu seg allíkavæl í autograf-jekarar. Summi av teimum høvdu enntá myndir við av Páli, at fáa signeraðar !! 😀