Missy Franklin má takka nei til kanska 70.000 dollarar vegna NCAA-reglur

High school gentan Missy Franklin klárar seg so mikið væl á World Cup – millum annað við at seta heimsmet í 200 metra ryggsvimjing í Berlin – at hon kann koma at vinna upp til 50-70.000 dollarar í pengapremium, eisini um hon ikki fer avstað við høvuðsvinninginum á 100.000 dollarar. Men, hon noyðist allarhelst at siga nei takk til pengarnar, um hon í framtíðini ynskir at kunna luttaka í NCAA-kappingum á amerikanskum universitetum, har tey hava rættiliga hørð krøv um at íðkararnir skulu vera amatørar. Les SwimmingWorld Magazine.

Update: Her er ein longri grein um støðuna hjá Missy Franklin.

Rouault vann 1500 frí í Berlin

Sebastien Rouault vann 1500 frí í Berlin við tíðini 14:48.31. Sergrii Frolov og Manuel Schwarz gjørdust ávikavist nr 2 og 3 við tíðunum 14:50.15 og 15:03.18. Rouault, Frolov, Joel Ax og Anders Lie kappaðust tær fyrstu 300 m. Hereftir fóru Frolov og Rouault undan hinar. Frolov sum hara og Rouault undir liðini til 250 m vóru eftir og Rouault setti ferð á. Lie hevði ein góðan endaspurt men varð ov stuttur til medalju við tíðini 15:03.86.

Continue reading Rouault vann 1500 frí í Berlin

Føroyingur í finalu á World Cup í Berlin

Frans Johannesen megnaði í dag at svimja seg í finaluna í 400 metra frísvimjing á World Cup stevnuni í Berlin, við fimtbestu tíð av øllum, 3:47.24 aftanfyri týsku Paul Biedermann og Christian Kubusch á ávíkavist 3:44.85 og 3:46.20, bretska Ross Davenport á 3:46.86, og serbiska Stefan Sorak á 3:47.14. Kvartføroyingurin David Carry kláraði akkurát ikki at koma í finaluna, við 3:48.02, og skjótastu fullblóðsdani var so Anders Lie sum nummar 10 við 3:48.02. Sí úrslitalista eftir innleiðandi her.


Continue reading Føroyingur í finalu á World Cup í Berlin

Missy Franklin sett nýtt heimsmet í 200 rygg

16 ára gamla Melissa “Missy” Franklin úr USA setti nýtt stuttbana heimsmet í 200 rygg í Berlin í dag við tíðini 2:00.03. Gamla metið á 2:00.08 átti Shiho Sakai úr Japan, sum eisini bleiv sett í Berlin men við superdrakt í 2009.

Nummar 2 og 3 í dag vóru ávikavist Belinda Hocking úr Avstralia og Elizabeth Simmonds úr Onglandi við tíðunum 2:01.24 og 2:02.54. Í 2009 vóru Franklin, Hocking og Simmonds ávikavist nr 7, 4 og 3 við tíðunum 2:05.81, 2:02.61 og 2:02.12. Hocking hevur sostatt tikið seg framm síðan superdraktirnar vóru bannaðar, men ikki so nógv sum supertalenti Missy Franklin.

Les meira á theswimmerscircle.com.

Kanada í neyð av venjara sum ikki gevst hóast lívslangt bann

Garvill søga her á thestar.com, um Cecil Russell ið fekk lívslangt bann í 1997 fyri at vera uppi í einum altjóða steroid-smuglara-ringi. Og sum sama ár viðgekk at hava hjálpt einum felaga við at brenna og beina burtur eitt fólk sum hesin hevði dripið. Og sum hevur sitið 4 ár í fongsli í einum narkotikamáli. Fyri síðani at fáa bannið lyft í 2005 og so álagt aftur í 2007, eftir at fleiri skjøl komu fram í málinum.
Continue reading Kanada í neyð av venjara sum ikki gevst hóast lívslangt bann

Kringvarpið samsendir DR sendingina um Pál Joensen

Klokkan 16.55, leygardag 22. oktober, samsendir Kringvarpið sendingina “Mín ítrótt: World Cup svimjing – Pál Joensen”. Dr.dk skrivar:

“Min Sport til World Cup i svømning: Svømmeren Pál Joensen er fra Færøerne og er en af medaljekandidaterne, når de danske svømmere næste sommer hopper i det olympiske bassin i London. Vi har fulgt den stærke svømmer blandt verdens bedste til World Cup-stævnet i Stockholm. Og vi tager med ham hjem til Færøerne, hvor han fortæller, hvorfor han foretrækker at bo og træne derhjemme, på trods af at Færøerne ikke har et bassin i den olympiske længde. Sendes også 25.10.11”

Paulus Wildeboer vísir hvussu tey venja í Leadville

Danski landsliðsvenjarin, Paulus Wildeboer, vísir her lokalum fólkum í Leadville, hvussu hansara svimjarar venja. Hann greiðir frá, at gamla mytan um, jú harðari tú venur tess betur verður tú, er skeiv. Í hansara huga eigur tað at vera, at tess betur tú venur, tess betri verður tú. Wildeboer leggur aftrat, at fyrr hevði man nógva aeroba venjing, áðrenn man gjørdi anaeroba venjing. Nú verður anaerob venjing lagd í venjingini beinanvegin. Í videobrotinum verður víst dømi uppá hetta. Man sær eisini Wildeboer fýsa eftir Lotte Friis (6 min 50 sek).


Continue reading Paulus Wildeboer vísir hvussu tey venja í Leadville

Deyvur amerikani vann bronsu á Pan Am Games

Amerikanski Marcus Titus er føddur deyvur, men vendir tað heldur til ein fyrimun enn ein vansa, tá ið tað kemur til svimjing. “It helps me stay in my own world, helps me focus on what I need to do”, sigur Titus eftir at hava vunnið bronsu í 100 bringu á síni fyrstu stóru altjóða meistarastevnu sum ikki er avmarkað til fólk við breki, við tíðini 1:01.12 (á langgeil) aftanfyri brasilsku Felipe Silva og Felipe Lima á ávíkavist 1:00.34 og 1:00.99. Deyvir svimjarar kunnu uttan nakað luttaka á jøvnum føti við okkum ikki-deyvu, av tí at startskipanin í svimjing sum standard hevur eitt ljós-signal afturat ljóðinum. Les AP