Birita Debes svam í morgun 50 frí uppá 27.29 sekund, eitt sindur frá hennara bestu tíð 26.54. Og Pál svam so nakað seinni 200 frí uppá 1:47.56, har besta tíð hjá honum uttan superdrakt var 1:48.67, og besta við superdrakt hansara føroyska met á 1:46.61 frá EM í Rijeka í 2008. Nú seinnapartin er venjing aftur á skránni hjá Páli, fram ímóti luttøkuni á EM-stjørnuliðnum í Duel in the Pool stevnuni ímóti amerikumonnum í USA, næsta vikuskifti.
Magnus Jákupsson megnaði í kvøld at seta nýtt føroyskt juniormet í 100 metra frísvimjing, tá ið hann á NJM í Reykjavík vann silvur við 50.67, aftanfyri finska Teemu Vuorela á 50.43 og frammanfyri danska Daniel Steen Andersen á 51.07. Juniormetið hjá Magnusi var annars 50.82, frá donsku meistarastevnuni á stuttgeil herfyri.
Altso man má geva hasum polakkunum, at teir hava virkuliga svingað seg upp til at svimja skjótt her í Stettin. Sawrymovicz varð gott nokk heimsmeistari í 1500 á langgeil, afturi í 2007 tá ið Pál og tey vóru ‘smá’ í Melbourne, og hann vann eisini á EM á stuttgeil í Debrecen sama ár. Men hesi seinastu árini hevur tað ikki verið tað stóra sum hann hevur megnað, og tí má hann virkuliga hava knoklað til at kunna vinna á heimabana.
Innleiðandi riðlarnir í morgun vóru líka varligir sum í gjár, við tíðum sum liggja eitt sindur frá bestu tíðum, við undantaki av Heðini L. Olsen og Høgna Simonsen sum betraðu seg í 100 frí. Pauli hevur kvalifiserað seg til finalurnar í 50 bringu og 100 frí seinnapartin, Heðin og Magnus í 100 frí, og Astrið í 100 firvald.
Continue reading Næstu morgun á NM/NJM 2011 avgreiddur
Pál Joensen skal nú klokkan 16 føroyska tíð luttaka í síðsta, avgerandi riðli í 1500 metra frísvimjing á Evropameistarastevnuni á stuttgeil í Stettin. Polski Mateusz Sawrymowicz svam í morgun 14:29.81, sum tískil nú er kravið til at kunna vinna gull í hesi kapping. Damien Joly úr Fraklandi svam 14:51.78, sum tí er evstamark til at kunna vinna heiðursmerki yvirhøvur. Og eisini franski Anthony Pannier í millum hesar báðar 14:44.54.
Birita Debes luttók í morgun í 50 metra ryggsvimjing á EM í Stettin, og svam tá teinin uppá 29.48 sekund. Ein tíð sum bara hon og Elspa Mørkøre til dags dato hava klárað, men tó ikki serliga gott fyri Biritu, tá ið man hugsar um at hennara føroyska juniormet frá FM 2010 er 29.00, og hennara tilmeldingartíð frá Ægir-stevnu í februar 29.06. Birita hevur nú 50 metrar frí eftir, at svimja í morgin árini. Sí úrslitalista her.
Út yvir silvurheiðursmerki og føroyska metið hjá Magnusi í 100 rygg á NJM í Íslandi, og føroyska juniormetið hjá Ceciliu í 800 frí, so hevur hesin fyrsti dagur verið heldur trilvandi hjá føroyingunum í Reykjavík. Afturat metunum hjá Magnusi og Ceciliu, so hevur Sigmund Mørkøre sett persónligt met í 1500 frí, men annars sær tað eitt sindur soltið út við sovorðnum, kanska tí at túrurin til Íslands gjørdist so langur, fyrradagin.
Continue reading So er fyrsti dagur avgreiddur á NM/NJM 2011
Cecilia Wigant Eysturdal megnaði í kvøld at seta nýtt føroyskt juniormet í 800 frí, við tíðina 9:06.60 á Norðurlendsku JuniorMeistarastevnuni í Íslandi, har metið hjá henni frá FM í vár var 9:09.47. Tíðin var nóg góð til at verða nummar 4 av øllum luttakandi, éitt pláss frá heiðursmerkjunum.
Magnus Jákupsson megnaði her fyri løtu síðani at vinna sær silvurheiðursmerki á Norðurlendsku JuniorMeistarastevnuni í Reykjavík, við nýggjum føroyskum meti og juniormet 55.01, har metini hjá honum frá donsku stuttgeilameistarastevnuni í november var 55.03.
15 ára gamla svimjifenomenið Mie Ø. Nielsen megnaði í kvøld at vinna sítt fyrsta evropeiska seniorheiðursmerki, tá ið hon í 100 rygg setti danskt met við tíðina 57.57. Sí úrslitalista her.
Mie er eisini í hálvfinaluni í 100 blandað í kvøld, og er fyrsti svimjari í 4×50 blandað. Og her í 4×50 frí innleiðandi í morgun, setti hon nýtt danskt juniormet í 50 frí, við 24.81 (!)
