Pál Joensen varð í kvøld føroyameistari fyri 100. ferð, tá ið hann á FM 2014 vann gull við liðnum hjá Suðuroyar Svimjifelag í 4×100 metra frísvimjing. Her telja vit gull bæði sum einstaklingur og sum partur av einum liði; í morgin hevur hann møguleika at taka sítt 100. sum einstaklingur.
Ásbjørg 1:14.52 og juniormet í 100 bringu
Ásbjørg Hjelm úr Ægir setti fyri løtu síðani nýtt føroyskt juniormet í 100 metra bringusvimjing, tá ið hon í finaluni á FøroyaMeistarastevnuni 2014 svam teinin uppá 1:14.52. Turið S. Christiansen átti føroyska metið á 1:14.70, frá HS stevnu í apríl mánaða. Sí úrslitalistan her.
Myndir frá FM 2014
Her eru nakrar útvaldar myndir frá FøroyaMeistarastevnuni í svimjing, sum er í Svimjihøllini í Gundadali nú 16. til 18. mai 2014. Til nú einans myndir frá í gjár, men har koma so fleiri so hvørt.
Myndirnar kunnu eisini síggjast her á Flickr.
SuSvim flest heiðursmerki á FM 2014
Suðuroyar Svimjifelag førir nú eftir fyrsta dag dystin um at vinna flest heiðursmerki á bæði FM og JM 2014, men Ægir er í hølunum á teimum. FLOT er í kraft av Biritu Debes við í dystinum um heiðursmerki hjá seniorum, meðan Havnar Svimjifelag stendur seg betri í juniorbólkinum.
Video av føroyska metinum hjá Ásbjørg
Her er video frá kappingini í morgun, tá ið Ásbjørg Hjelm setti nýtt føroyskt met og juniormet í 50 metra bringusvimjing, við tíðini 33.90. Bartal stóð týðiligvís nær Ægir-fjepparum 🙂
Ásbjørg 33.90 og nýtt føroyskt met í 50 bringu
Ásbjørg Hjelm setti fyri løtu síðani nýtt føroyskt met og juniormet, tá ið hon í 50 metra bringusvimjing svam teinin uppá 33.90 sekund. Eva Trygvadóttir átti føroyska metið og juniormetið á 34.19, so Ásbjørg er eisini fyrsta undir 34 sekund. Ásbjørg svimur fyri Ægir, og verður at síggja í finaluni í kvøld.
Pál nærkast FM gull nr 100
Í fjør megnaði Pál Joensen, sum fyrsti føroyingur, at koma upp um 100 FM heiðursmerki. Í ár hevur Pál møguleika fyri at taka gull nr 100, íroknað liðkappingar og sum einstaklingur. Heiðursmerkjahálið hjá Páli undan kappingunum í dag er 90 gull, 24 silvur og 11 bronsur, harav hann eigur 88 gull, 13 silvur og 5 bronsur sum einstaklingur. Gongur tað eftir vild hjá honum og suðringum, so kann hann vinna gull nr 100 leygarkvøldið og nr 100 sum einstaklingur sunnudagin.
Emma setti fimm føroysk met í trimum greinum
Emma Festirstein Nystrøm setti herfyri 5 nýggj føroysk met á langgeil, á Copenhagen Swim Cup 2014. Emma er flutt niður og svimur fyri Kalundborg Svømmeklub, men hoyrir í Føroyum til Havnar Svimjifelag.
Continue reading Emma setti fimm føroysk met í trimum greinum
Startlisti til FM 2014
Svend Åge heilsar at startlistin nú sæst her á livetiming.dk, til FøroyaMeistarastevnuna sum verður í Svimjihøllini í Gundadali nú 16. til 18. mai 2014. Gevið gætur at met og kravtíðir har ikki er heilt uppá pláss enn.
Kravtíðir til EJM, EM og NMU 2014
Kunning frá Svimjisambandi Føroya
Formenn og venjarar í føroysku svimjifeløgunum fingu viðfesta skriv í telduposti í gjár, við kravtíðunum til Evropeisku JuniorMeistarastevnuna í Dordrecht hin 9. til 13. juli 2014, og til Evropeisku Meistarastevnuna í Berlin hin 18. til 24. august 2014.
Kravtíðirnar síggjast eisini á www.ssf.fo.
Til NMU í Bellahøj hin 12. og 13. juli 2014 verða úttikin í mesta lagið 5 gentur og í mesta lagið 5 dreingir, sum til MU 2014 og FM 2014 hava nátt hægstu finastigini, omanfyri 500.
Kravtíðarskeiðið endar nú aftaná FM 2014.