Tey avgreiddu finalur á Handelsbanken Farum Cup 2017 í kvøld, har eisini føroyingar luttóku.
Tey eru nú liðug við íslendsku meistarastevnuni fyri masters 2017, har føroyingar eisini triðja kvøld vunnu sær heiðursmerki. Um eg havi talt rætt, so varð tað til tilsamans 35 heiðursmerki til føroysku svimjararnar.
Continue reading HS masters vunnu 35 heiðursmerki á IMOC 2017
Tey eru í gongd við 2. dag á íslendsku mastersmeistarastevnuni 2017 í Hafnarfirði, har eisini føroyingar royna seg. Og tað gongur upp á stás, við heiðursmerki omaná heiðursmerki til føroysku garparnar.
Master-svimjararnir hjá Havnar Svimjifelag hava megnað at vinna nógv heiðursmerki longu nú fyrsta kvøld á íslendsku meistarastevnuni fyri masters, sum er í Hafnarfirði. Ein 6 gullheiðursmerki, 2 silvur og 1 bronsu varð tað til, hetta fyrsta kvøldið.
Íslendingar skipa nú í vikuskiftinum fyri sínari árligu meistarastevnu fyri masters, við luttøku av eisini svimjarum úr Havnar Svimjifelag. Startlistin sæst her, har vit í heilum síggja at føroyingar hava bestu tilmeldingartíð. Føroysku favorittarnir eru serliga Bogi Hansen, Jon Hestoy, Eyðun Bærendsen, Bergliot Ihlen, Gunnleyg Durhuus og Aksel Haraldsen, umframt liðsvimjingarnar hjá HS.
Svimjistevnan Handelsbanken Farum Cup 2017 byrjaði í gjárkvøldið, har tey avgreiddu kappingina á longstu teinum, 1500 frí fyri menn og kvinnur. Hjá monnum varð úrslitið at Óli Mortensen og Alvi Hjelm vunnu ávíkavist gull og silvur, við tíðum 16:09.31 og 16:40.76 sum hjá báðum vóru nakað væl frá teirra bestu tíðum. Óli og Alvi svimja fyri Hovedstadens Svømmeklub, men eru ávikavist úr Havnar Svimjifelag og Ægir.
Farum Svømmeklub skipar nú í vikuskiftinum fyri Handelsbanken Farum Cup 2017, har eisini føroyskir svimjarar luttaka. Óli Mortensen hevur bestu tilmeldingartíð í 1500 frí og næstbestu í 200 firvald, Alvi Hjelm hevur bestu tilmeldingartíð í 200 blandað og næstbestu í 100 bringu, og Magnus Jákupsson hevur bestu tilmeldingartíð í 50 rygg. Sí startlistan her.
Óli Mortensen svam seg í áðni til eitt fjórðapláss á Swim Open Stockholm 2017, við tíðini 8:13.52 í 800 metra frísvimjing. Hann varð egentliga nummar 3 í skjótasta riðli, men har var so ein í spakuligaru riðlunum í morgun sum hevði svomið enn skjótari enn tað.
Continue reading Óli 8:13.52 og nr 4 í 800 frí á Swim Open Stockholm 2017
Tey eru nú komin til fjórða og síðsta dag á Swim Open Stockholm 2017, har tað sum á Danish Open er eydnast føroyingum at koma í finalu allar dagar. Nú seinnapartin er tað Óli Mortensen úr Havnar Svimjifelag sum skal royna seg í skjótasta riðli í 800 metra frísvimjing, við 4. bestu tilmeldingartíð av øllum. Continue reading Óli millum skjótastu í 800 á Swim Open Stockholm 2017
Beinta Poulsdóttir Debes setti í morgun nýtt føroyskt met í 200 metra bringusvimjing á langgeil, tá ið hon í innleiðandi riðlunum á Swim Open Stockholm 2017 svam teinin í tíðini 2:43.20. Hon átti sjálv metið á 2:43.38 frá SuSvim-stevnu í mars mánaða, og er við hesum nýggja meti víðari til C-finalu nú seinnapartin. Beinta svimur fyri Havnar Svimjifelag.
