Í morgin byrjar sjálv svimjistevnan á EvropaMeistarastevnuni á stuttgeil 2017, sum danir saman við LEN skipa fyri í Royal Arena í Keypmannahavn. Føroyski hópurin er komin upp á pláss, og er farin undir síðstu fyrireikingar.
Her eru nakrar myndir frá fyrstu venjing hjá okkum í EM-hylinum í gjár …
Óli Mortensen snøgt sagt ‘kom, sá og sigraði’, tá ið hann í síðstu viku luttók á Norðurlendsku Meistarastevnuni 2017. Hóast hann luttók bara í éinari kapping, og vegna tíðarneyð mátti skera av ferðini í báðum endum, so endaði tann luttøkan við at verða greitt besta avrik av øllum, á hesum NM/NJM.
Góð video her
Evropeiska svimjisambandið LEN skrivar her um tilgongdina at gera nýggja Royal Arena í Keypmannahavn klára til EM á stuttgeil 2017, at tey nú hava fylt hylin við teimum neyðugu tveimum milliónum litrum av vatni.
Tey verða 548 svimjarar sum fara at luttaka á hesum EM, har vertstjóðin Danmark hevur størsta hópin á 38 svimjarar, og Italia hin næststørsta við 36 svimjarum. Sí startlistarnar her á len.eu
Sí eisini euroswim2017.com og facebook.com/euroswim2017
Signhild Joensen megnaði í gjárkvøldið at gerast norðurlendskur meistari í 200 ryggsvimjing, samstundis sum hon við tíðini 2:09.32 setti stórt nýtt føroyskt met og juniormet. Sí úrslitalistan her
Signhild átti sjálv metini á 2:10.11, frá FM á stuttgeil í mars 2017, og er harvið eisini fyrsta føroyska kvinna undir 2:10 í 200 metra ryggsvimjing.
Vár Erlingsdóttir Eidesgaard megnaði í gjár at seta nýtt føroyskt met og juniormet í 200 metra frísvimjing, tá ið hon sum fyrsti svimjari í 4×200 frí liðsvimjingini hjá føroyingum svam teinin uppá 2:02.18. Sára Ryggshamar Nysted átti metini á 2:02.60, frá Oyggjaleikum á Jersey í 2015. Sí úrslitalistan her.
Hetta hendi í gjár, tá ið tær kappaðust í finaluni í 50 metra ryggsvimjing, á Norðurlendsku Meistarastevnuni 2017. Signhild Joensen úr Ægir svam teinin uppá 28.75 sekund, har Birita Debes átti føroyska juniormetið á 29.00 sekund, frá FM 2010. Sí úrslitalistan her.
Vár Erlingsdóttir Eidesgaard megnaði fyri løtu síðani at seta nýtt føroyskt met og juniormet, tá ið hon í finaluni á NM/NJM 2017 svam teinin uppá 56.98 sekund. Sí úrslitalistan her.
Vár átti sjálv føroyska metið á 57.09, frá FM í november mánaða, og er harvið eisini fyrsta føroyska kvinna undir 57 sekund á 100 metra teininum.
Føroysku svimjararnir eru komnir væl frá byrjan, nú á Norðurlendsku Meistarastevnuni og JuniorMeistarastevnuni 2017, sum er í Laugardalslaug í Reykjavík. Eitt er at Óli vann gull og Signhild bronsu, men hartil eru tey nógv sum hava betrað um sínar bestu tíðir. Sí yvirlit av SwimRankings
Óli Mortensen megnaði á fyrsta degi av NM/NJM 2017 at vinna sær norðurlendskt gullheiðursmerki í 1500 metra frísvimjing, tá ið tann kappingin varð avgreidd í Laugardalslaug í Reykjavík.
Hetta í stórum stíli við nýggjum persónligum meti á 15:02.27, frammanfyri danska Alexander Aslak Nørgaard á 15:10.34 og svenska Mattias Glenesk á 15:27.35.
Óli og Alexander høvdu sum kunnugt eina øgiliga holmgongu á hesum teini á DM á stuttgeil herfyri, har Alexander endaði við at draga longra stráið í endaspurtinum. Men nú á NM var eingin endurtøka av hesum, við tað at Óli longu frá 200 dró væl frá hinum.
Sí úrslitalistan her. Besta tíð hjá Óla var 15:10.09 áðrenn hetta, frá HM á stuttgeil í Doha í 2014.
