Á vitjan í Nordsømuseet í Hirtshals í dag, sá Fríðrikur krúnprinsur sær kjans at sleppa í eina vátdrakt aftur, sum tann royndi ‘frømaður’ hann er. Størstu fiskar har eru tríggir klumpfiskar, harav tann størsti (Anton) er væl uppi um 100 kilo. Men teir ræddust Fríðrik. Sí jp.dk.
Og nú meðan hann var har, so fekk Mary krúnprinsessa sjálvsagt ein muss ígjøgnum rútin, tí so gera rættir prinsar 🙂
Lisa Stephens skrivar hjartanemandi her á The Swim Brief um hvussu uttandura svimjing um summarið fullkomiliga broytir autistisku dóttir hennara, frá at vera innilokað til at blóma í talu og atferð. Onkur annar svarar beinanvegin samtykkjandi í viðmerking um líknandi royndir, eins og niðanfyri standandi video frá søgu fyrr í ár. “There’s magic in water”.
During the summer, in the sunshine, in the reflection of a clear blue pool, Kate comes alive. She lives at the pool, she cannot get enough. It’s incredible to see the transformation. It very much is like a caterpillar emerging from it’s cocoon and blossoming into a butterfly. In the water Kate is much more talkative. She uses more words to form sentences and she describes things in much more detail. She looks right at us and she’s also extremely playful. Instead of keeping to herself she commands our attention; ring around the rosie, jumping into our arms, dunking games and singing songs together….it goes on for hours. She’s connected to us, she’s with us, she is a part of us.
Continue reading Svimjing er reinur gandur fyri børn við autismu
Lívsjáttandi video her um um nýsælendsku Bryall McPherson, sum mátti fáa høgra arm tiknan vegna krabbamein, men sum nú er væl á veg ímóti OL fyri brekaði í London 2012.
The Winning Spirit from Kadambari Gladding on Vimeo.
Stuttfilmurin hjá Heiðriki á Heygum er nú her á Vimeo, um havsvimjaran Maria á Heygum. Fyristillið tykkum, 48 ár í sjónum við Vestmanna, líkamikið veður og vind.
Waves – A Portrait of Maria á Heygum from Heidrik á Heygum on Vimeo.
Sum tit sikkurt hava lisið her á Portalinum, so varð ein faldari frá Havnar Svimjifelag í dag borin út til øll húsarhald í Tórshavnar Kommunu, har formaðurin Eyðun Húsgarð millum annað sóknast eftir betri svimjiumstøðum. Teirra uppskot er at fáa bygt ein 50 metra hyl vestan fyri verandi svimjihøll, heldur enn at leingja verandi sum kommunan sjálv hevur í hyggju. Út yvir tað er faldarin fyltur við spennandi upplýsningum, um Skvatl og Spæl, lívbjarging, kappsvimjing, vatnfimleik og rørslusvimjing.
Ringsted Svømmeklub fær nú 25.000 krónur í bót fyri hendingina tá ið 12-ára gamla Pernille Asmussen doyði, av at fáa eina vektmaskinu niður yvir seg sum ikki var forsvarliga fest. Løgreglan ætlar sær ikki at fara eftir einkultpersónum í sakini, og svimjifelagið hevur nú møguleika at góðtaka straffin, ella verða hálað í rættin. Ein syndarlig søga, eisini tí at starvsnevndin í svimjifelagnum faktiskt longu áðrenn hevði avgjørt at fáa maskinuna festa, uttan at tað tó var hent. Les t.d. jp.dk og eb.dk.
Nordiskt nätverk för vuxnas lärande (NVL) hevur her eina grein um rørslusvimjingina hjá Havnar Svimjifelag, og tey úrslit sum vístu seg við kanning av teimum sum luttóku. Eftir bara 4 mánaðum høvdu fleiri betrað um sína konditión við 10-15 prosentum, og tær báðar Guðrun Eysturlíð og Lis Mortensen ljóða til at hava haft tað bæði avbjóðandi og stuttligt, eisini vegna tey sosialu tiltøk sum rørslusvimjararnir fáa við í keypinum. Vælveran er betri, og sum Sigurð endurgevur bretska forsætismálaráðharran Edward Stanley fyri at hava sagt: “Um tú ikki hevur tíð til rørslu nú, so mást tú brúka tíð uppá sjúku seinni í lívinum”.
Tey kalla tað eitt heimsmet her á volunteertv.com, tá ið amerikanski Evan Pinion árgang 1994 herfyri knústi stevnumetið á HM fyri juniorar, sum var í Lima í Peru. 15:11.03 í 1500 frí á langgeil, har metið hjá Krzystof Pielowski frá 2008 var 15:25.01, umframt at Pinion eisini setti flott met í 800 frí við 7:55.92. Tað er ikki heilt rætt at samanbera við EJM, við tað at aldursbólkarnir ikki eru heilt teir somu, men har er stevnumetið í 1500 frí 15:06.04, hjá polska Mateusz Sawrymowicz frá 2005.
Macmillan Cancer Support viðmælir við støði í nýggjari gransking, at krabbameinssjúklingar røra seg í 2½ tíma um vikuna, til at minka um møðina og stress, og styrkja um kroppin sum heild. Á bretsku swimming.org vísa tey við støði í hesum á, at svimjing er serliga vælegnað, við tað at øll kunnu koma í gongd, líkamikið kropsligan førleika. Og at reglulig rørsluvenjing hartil kann fyribyrgja krabbameini.
Continue reading Svimjing kann hjálpa at berja niður krabbamein
Merkisvert at síggja hvussu franski landsliðsvenjarin Lionel Horter orðaði seg her á L’Alsace, eftir at evropameistarin í 1500 frí frá í fjør, Sébastien Rouault, endaði á síðsta plássi í finaluni í 800 frí á HM í Shanghai (har Pál varð nr 5 og Cochane vann silvur):
« Je ne pense pas que Sébastien ait moins de potentiel que Pal Joensen ou Ryan Cochrane, poursuit Lionel Horter. Mais, manifestement, il a moins de caisse ! Du 3 e au 7 e, l’écart est minime et ces temps ne sont pas des performances inatteignables pour Sébastien. Il va falloir se poser les bonnes questions.
Umsett merkir tað okkurt a la: ‘Eg haldi ikki at Sébastien hevur minni potentiali enn Pál Joensen ella Ryan Cochrane, heldur Lionel Horter áfram. Men týðiligvís so hevur hann minni [caisse?]. Munurin frá 3. til 7. plássi er minimalur, og hesar tíðir eru ikki órøkkiligar fyri Sébastien. Vit verða noydd at spyrja røttu spurningar.’
