Tað gekk avbera gott hjá føroysku svimjarunum, nú næsta umfar av finalu varð avgreitt á NM/NJM 2023. Líggjas vann bronsu í 1500 frí og Isak bronsu í 200 firvald, umframt at Isak svam seg til gullnál í 1500 frí og nýtt føroyskt juniormet í 200 firvald, og at dreingirnir settu nýtt føroyskt junior-landsliðsmet í 4×100 blandað.
Tey avgreiddu í morgun næsta part av innleiðandi á NM/NJM 2023, og gekk tað bara avbera væl hjá okkara. Fleiri finalupláss varð tað til, umframt ein rúgva av persónligum metum.
Teir fýra Isak Brisenfeld (2006) HS, Líggjas Joensen (2008) Ægir, Heini M. Askham (2006) Ægir og Fróði Hansen (2008) HS settu flott nýtt føroyskt juniormet í 4×200 metra frísvimjing á stuttgeil, tá ið teir í finaluni á NJM 2023 í Tartu, Estlandi svumu seg til samlaða úrslitið 7:38.99. Sí úrslistalistan her
Isak Brisenfeldt (2006) úr Havnar Svimjifelag var bara tríggjar hundrapartar frá bronsuni á NJM 2023 í Tartu í Estlandi, tá ið hann í finaluni svam seg til úrslitið 55.29, har bronsan fór til Martynas Bernotas úr Litava við 55.26. Hetta var stórt nýtt persónligt met hjá Isaki, í mun til 56.62 frá Atlantic Open í vár, og er hann nú hin næstskjótasti føroyingurin nakrantíð í hesari grein. Sí úrslitalistan her
Líggjas Joensen (2008) úr Ægir svam seg í dag til gullnál frá Svimjisambandi Føroya, tá ið hann í finaluni í 400 metra frísvimjing á NJM 2023 svam seg til úrslitið 3:55.22, har kravið til gullnál er 3:55.72. Hetta rakk til eitt fimtapláss í sterku kappingini í Estlandi, sí úrslitalistan her
Bartal E. Eidesgaard (2003) úr Havnar Svimjifelag setti í dag stórt nýtt føroyskt met í 100 metra bringusvimjing á stuttgeil, tá ið hann í finaluni á NM 2023 svam seg til úrslitið 1:02.19. Sí úrslitalistan her
Aftur í kvøld gekk tað væl hjá teimum føroysku svimjarum sum høvdu kvalifiserað seg til fyrsta finalukvøld á NM/NJM 2023 í Tartu í Estlandi. Bartal setti føroyskt met í 100 bringu, Líggjas vann sær gullnál í 400 frí, Isak var bara tríggjar hundraðpartar frá bronsuni í 100 firvald, og dreingirnir settu junior-landsliðsmet í 4×200 frí.
Tey avgreiddu í morgun fyrsta stevnupart á NM/NJM 2023 í Tartu í Estlandi, og gekk tað bara heilt gott hjá okkara svimjarum. Nøkur finalupláss varð tað til, og hartil ein rúgva av persónligum metum.
Tað var egentliga í gjár, og hava tey so havt dagin í dag til at royna hylin osfr. Í morgin ári byrjar kappingin. Við í hópinum er eisini umboð fyri Parasport Føroyar.
Tey byrja at kappast kl 09:30 í morgin ári, Tartu-tíð, sum er kl 07:30 her í Føroyum
Hetta vikuskiftið er Norðurlendska Meistarastevnan og JuniorMeistarastevnan í svimjing 2023, í Tartu í Estlandi. Estlendingar hava nú kunngjørt startlistarnar her á Facebook, umframt leinki til stroyming.
