European Aquatics fráboðaði í gjár, at Rakul í Lágabø og Dan Hjelm eru millum úttiknu dómarar til EM á stuttgeil 2025, sum verður í Lublin í Póllandi hin 2. til 7. desember 2025. Tey eru bæði altjóða dómarar, sí listan her hjá World Aquatics
Her er innbjóðing til svimjistevnu sum Ægir skipar fyri í Klaksvíkar Svimjihøll, fríggjakvøldið 24. og leygardagin 25. oktober 2025. Hetta er opin stevna.
Í hesum døgum er størsta svimjifelag í landinum, Havnar Svimjifelag, á venjingarlegu í Turkalandi. Fríggjadagin 10. oktober fóru, 21 svimjarar, 4 leiðarar og venjarar, úr Føroyum við Atlantic og fleyg yvir París til Antalya. Liðið verður aftur í Føroyum sunnudagin 19. oktober.
Her er innbjóðing til Føroyameistarastevnuna og Juniormeistarastevnuna á stuttgeil 2025, sum Svimjisamband Føroya og Ægir skipa fyri í Klaksvíkar Svimjihøll hin 7. til 9. november 2025.
Her eru úrslitini frá svimjistevnuni sum Havnar Svimjifelag skipaði fyri í Svimjihøllini í Gundadali, fríggjakvøldið hin 3. oktober og leygardagin hin 4. oktober 2025. Úrslitini síggjast eisini her á Swimify
Her eru úrslitini frá svimjistevnuni sum Havnar Svimjifelag skipaði fyri í Svimjihøllini í Gundadali, leygardagin hin 20. september 2025. Úrslitini síggjast eisini her á Swimify
European Aquatics skipaði nú fríggjamorgunin hin 26. september fyri sínari næstu árligu DEI-ráðstevnu, í Tbilisi í Georgia í sambandi við aðalfundin á sama stað. Eitt eyka “I” fyri Integrity var á skránni til hesa ráðstevnu, og fingu tey lond íroknað Føroyar hartil heiðursprógv, sum hava undirskriva felags DEI-yvirlýsing hjá European Aquatics. Lesið her á europeanaquatics.org
Evropeiska svimjisambandið hevði sín aðalfund í Tbilisi í Georgia nú leygardagin hin 27. september 2025, har størsta mál vælsagtans var ætlaða flytingin av høvuðssætinum úr Nyon í Sveis til Beograd í Serbia. Umboðini fyri Svimjisamband Føroyar, vóru næstforfólkið Alvi Hjelm við føroyska borðið, umframt Rókur í Jákupsstovu sum nevndarlimur í European Aquatics. Lesið meira her á europeanaquatics.org
Fríggjadagin 26. september var ársfundur hjá Nordic Swimming Federation í Tbilisi í Georgia, sum nú vanligt í sambandi við aðalfundin hjá European Aquatics. Alvi Hjelm og Rókur í Jákupsstovu umboðaðu Svimjisamband Føroya, á hesum fundi har Estland fyri fyrstu ferð fekk forfólkaskapin.
Her er innbjóðing til svimjistevnu sum Svimjifelagið Hellufossur skipar fyri í svimjihylinum í Kvívík, leygardagin hin 1. november 2025. Hetta er stevna fyri okkara yngstu aldursbólkar.
