Doping – svimjing.com

CAS loyvir teimum av FINA fyribils útihýstu russisku svimjarum at luttaka á OL

Tað skrivar altjóða svimjisambandið FINA her, og sigur seg fult út viðurkenna avgerðarrættin hjá altjóða ítróttardómstólinum CAS.

“FINA fully recognises CAS as the independent adjudicatory body in cases such as these. We’re grateful for their quick consideration of this matter, and we will both respect and implement CAS’s decision. FINA is also grateful to WADA for its diligence in bringing the Operation LIMS information to our attention. As a proud signatory of the WADA Code, we were duty-bound to follow up quickly and carefully on the material provided,” said FINA President Husain Al-Musallam. “FINA remains fully committed to protecting clean athletes and promoting clean competition at Tokyo 2020, just as we do for all the events on our calendar.”

*Photo courtesy of Marco Verch Professional, CC BY 2.0*

Tveir russiskir svimjarar fyribils útihýstir frá OL vegna dopingmál

Altjóða svimjisambandið FINA skrivar her um hvussu russisku Alexandr Kudashev og Veronika Andrusenko (fødd Popova) eru fyribils útihýst frá Olympisku Leikum í Tokyo, hóast tey eru meldaði til luttøku har, tí at prógv eru í tilfari frá fyrrverandi antidopingar-rannsóknarstovuni í Moskva, um at tey onkunsvegna eru uppi í brotum á altjóða dopingreglugerðum.

Sun Yang aftur dopingdóm, stytri enn seinast men tó útistongdur frá OL í Tokyo í summar

Altjóða ítróttardómstólurin CAS hevur nú dømt umaftur í málinum millum WADA og Sun Yang og FINA, so at hann nú er útistongdur í 4 ár og 3 mánaðir (t.e. 51 vikur) frá 28. februar í 2020 at rokna. Hetta er væl minni enn bannið sum hann upprunaliga fekk, á 8 ár – men tó so mikið leingi at hann í øllum førum ikki fær luttikið á OL í Tokyo í summar, og kanska heldur ikki á OL í París í 2024.

Lesið t.d. her í The News & Observer

Sun Yang í rættin aftur

Altjóða ítróttardómstólurin CAS fer í næstu viku at taka upp aftur rættarmálið, um hvussu vítt Sun Yang skal dømast fyri brot á antidopinglógina ella ei, eftir at hægstirættur í Sveis á jólum í 2020 umstoytti dómin á 8 ár sum Yang hevði fingið í februar 2020, tí at ein av dómarunum hjá CAS hevði skrivað okkurt illsinnisglefs á Twitter um at Kina drap hundar. Sí AP

Alex di Giorgio fekk 8 mánaðar bann

Italski Alex di Giorgio fekk í gjár 8 mánaðar bann fyri doping við steroidu-líknandi evninum Enobosarm (Ostarine), sum hann varð testaður positivt fyri á italskari landsliðslegu í Livigno hin 13. september í fjør. Bannið er galdandi frá 8. oktober í 2020, til hin 7. juni í 2021. Lesið her á ANSA

Doping-bannið hjá Sun Yang avtikið vegna ákæru um rasismu

Samveldisrætturin í Sveis avtók í gjár tað 8 ára langa doping-bannið sum Sun Yang fekk í februar mánaða, tí at ein av teimum trimum dómarunum skal hava skrivað okkurt niðurgerandi um Kina í sosialum miðli. Lesið her á The New York Times

ADD-kanning fann eingi tekin um doping í danskari úrvalssvimjing

Anti Doping Danmark kunngjørdi í dag úrslitini av sínari kanning av handanini av heilivági í danskari úrvalssvimjing frá 2008 til 2013, og staðfestir at ongar ábendingar eru um at svimjararnir fingu heilivág við dopingevnum.

Hetta vóru annars ábendingar um frá kanningini hjá danska kamaradvokatinum, sum so aftur viðførdi at Anti Doping varð biðið um at kanna málið.

Kæran hjá Sun Yang hevur kostað WADA meira enn 3.7 mió krónur

Tað veit m.a. Inside the Games at siga:

The high-profile appeal filed with the Court of Arbitration for Sport (CAS) against Sun Yang and the International Swimming Federation (FINA) cost the World Anti-Doping Agency (WADA) more than $600,000 (£456,000/€500,000), it has been revealed.

Tølini eru úr ársfrágreiðingini hjá WADA fyri 2019

Alex di Giorgio tikin fyri doping

Swimming World veit at siga, at italski kappsvimjarin Alex di Giorgio hin 13. september testaði positivt fyri Enobosarm (Ostarina), sum virkar nakað sum mannliga kynshormonið testosterone til at vaksa um vøddar og styrki.

Sun Yang fyrst á síðani ikki á kinesiska landsliðnum

Kinesiska svimjisambandið sendi í gjár eina fráboðan út um at Sun Yang er koyrdur av kinesiska landsliðnum vegna sín dopingdóm, aftaná at tað mikudagin frættist at tey høvdu bjóðað honum á 3-mánaða landsliðslegu. Lesið t.d. China Daily og South China Morning Post.