Amerikansku venjararnir ynskja at fáa ‘superdraktirnar’ forbjóðaðar

Sum tit kunnu lesa her og her, so ynskja bæði tey stóru amerikansku venjarafeløgini, ASCA (American Swimming Coaches Association) og CSCAA (College Swimming Coaches Association of America), bann móti hesum nýggju draktunum, tí at tær forbróta seg móti reglunum hjá FINA, við at hjálpa svimjarunum at flóta betur, og við at betra um útinningarevnini.

USA Swimming sett bann fyri heildraktum í yngri bólkunum

Sum tit kunnu lesa her í Washington Post, so bannar amerikanska svimjisambandið nú draktir sum eru longri enn til hálsin, knøini ella akslarnar á svimjarum á aldursbólkastevnum (12 ár og yngri). Yngru svimjararnir kunnu tó enn brúka heildraktir á senior stevnum; og hendan nýggja reglan fórbjóðar heldir ikki teimum stytru útgávunum av ‘superdraktunum’. Hugsanin hjá USA Swimming er at javnseta allar yngri svimjarar, so at svimjiúrslitið ikki verður ein spurningur um pengar. USA Swimming er fyrsta svimjisamband í heiminum, sum setur sovorðnar reglur í verk, meðan t.d. amerikanska college svimjisambandið NCAA nýliga hevur hevað sítt bann ímóti superdraktum. Les eisini SwimInfo.

Uppróp frá Forbes Carlile: Klaga til FINA!

Tiltikni avstralski venjarin Forbes Carlile hevur sum kunnugt longu einaferð skrivað opið bræv til FINA, um at seta avmarkingar fyri hesum nýggju svimjidraktunum við innbygdum panelum og korsetti og øðrum ið betrar um evnini hjá svimjaranum. Men nú fer hann eitt stig víðari, við at heita á sambond og einstaklingar um at klaga til FINA, við tilvísing til at vit jú øll í prinsippinum eru FINA. Continue reading Uppróp frá Forbes Carlile: Klaga til FINA!

Flóta betri uttan at vera lættari

Áhugaverd grein her á swimnetwork.com, har Scott Goldblatt skrivar frá samrøðu við ein stjóra hjá TYR, um nýggjastu hátøkniligu svimjidraktina hjá teimum. Ein av effektunum av hesari nýggju draktini er eftir øllum at døma, at hon flytir tyngdarpunktið hjá svimjaranum tættari at uppdriftspunktinum, so at beinini ikki longur søkka. Altso, draktin ger ikki at svimjarin flýtur hægri í vatninum (sum vildi verið ólógligt… draktin má ikki virka sum flot), men ‘bara’ at hann flýtur líka væl við beinunum sum við restina av kroppinum. Continue reading Flóta betri uttan at vera lættari

Zandberg droppar Arena

Suðurafrikanski Gerhard Zandberg sigur nú at hann ikki fer at kappast á olympisku leikum í sínari drakt sponsorerað av Arena, men heldur gjalda tær 3000 evrurnar í bót til at kunna svimja í Speedo. ‘Eg fari ikki at skaða mínar møguleikar’. ‘Hvat eru 3000 evrur?’, við tilvísing til at eitt OL heiðursmerki hevur nógv meira virði.

Magnini slapp ikki at svimja í nýggju Arena R-Evolution draktini í teimum 100 frí á HM, tí at FINA ikki vildi góðkenna hana fyrr enn í juni. Hann valdi tí heldur at svimja í Speedo, og var yvirhøvur nøgdur við hana, hóast hann bara varð nummar tvey í kappingini. Segði at tað var gott at kunna vera á hædd við hinar, um enn hann væntar at hann hevði kunnað sett heimsmet í nýggju Arena draktini.

Eftir er so at síggja hvat aðrir svimjarar velja at gera fram til OL. Sambært Associated Press so hevur franska Manaudou sponsoravtalu við Arena. Brendan Hansen, Aaron Piersol, Jason Lezak og Kaitlin Sandeno hava avtalu við Nike, men her sigur høvuðsvenjarin Schubert at hann fer at biðja allar amerikanskar svimjarar um at svimja í Speedo. Japanar svimja í Mizuno.

Eingin ivi um at draktin hjálpir

Craig Lord á SwimNews samanbar úrslitini hjá 450 svimjarum í topp 20 á heimsmeistarastevnuni, sum nú svumu í Speedo LZR Racer, við hvussu skjótt tey hava svomið áðrenn. 400 av teimum høvdu betrað seg millum 1,6 og 2,3 prosent. Lagt fyri ein vin sum eisini er professari ið arbeiðir dagliga við sannlíkindum, var svarið klárt: Without a shadow of a doubt … if you have that kind of result in a medical experiment, you’d be looking at ‘case proven’. Lesið her á SwimNews. Continue reading Eingin ivi um at draktin hjálpir

FINA avgjørt at draktirnar eru í lagi

Tey siga meira ella minni ‘farið og kopierið Speedo’, nú tað á FINA heimasíðuni stendur: FINA confirmed that all the swimsuits approved so far are complying with the specifications. Tvs. at tað er í lagi at TYR hevur lagt inn neopren í svimjidraktirnar, sum vit annars mest kenna sum tað (flótandi) evnið sum vátdraktir verða gjørdar av, at Adidas vevur uppí ‘powerbands’ til at betra um blóðrensl og eksplosiva kraft, og so framvegis.

Italski Filippo Magnini hevur í dag fingið eina nýggja útgávu av Arena R-Evolution, sum Craig Lord á SwimNews sigur hevur ‘panel’ sum følast meira sum plastikk enn klæði, og sum hann (Magnini) eftir øllum at døma ætlar sær at brúka í 100 metra frí finaluni í morgin. Livst so spyrst. Continue reading FINA avgjørt at draktirnar eru í lagi

Schubert heldur at øll met kunnu rúka á OL í Beijing

Fyri líka sum at seta trumf á alt hetta við nýggju hátøknis svimjidraktunum, so heldur amerikanski høvuðsvenjarin Mark Schubert nú sambært CNN, at øll met kunnu rúka á olympisku leikum í Beijing. 30 heimsmet eru longu sett síðani LZR draktin kom á marknaðin í februar, harav hendan varð brúkt í øllum uttan trimum, og onnur sløg av hátøknisdraktum so vórðu brúkt í restina (Arena R-Evolution í einum føri, og nýggja Mizuno í tveimum). Continue reading Schubert heldur at øll met kunnu rúka á OL í Beijing

Save Our Sport – Swimming Science Journal talar at

SAVE OUR SPORT!
BODYSUITS: THE SERIOUS THREAT TO THE VERY NATURE OF COMPETITIVE SWIMMING

So áleypandi er yvirskriftin á hesari greinini í Swimming Science Journal:
http://coachsci.sdsu.edu/swimming/bodysuit/table.htm

Tey nevna at hóast øll fáa somu drakt, so eru tað summi sum fáa meira nyttu av teimum enn onnur. Tað kann vera at tey hava sama skap sum teir svimjarar sum draktin er skapað til at vera skræddaraseymað til (ja, kanska tey vóru ein av hesum útvaldu svimjarum). Men faktiskt er tað øvuta eisini galdandi, at summi kanska fáa meira hjálp burtur úr draktini netupp tí tey annars ikki náttúrliga hava optimala skapið. Continue reading Save Our Sport – Swimming Science Journal talar at