Heiðursmerki eisini sunnudag á RIG 2014

Føroyingarnir hildu góða stiman eisini sunnudag á Reykjavík International 2014, við heiðursmerki bæði millum tey yngru og tey eldru. Um morgunin vann Vár Erlingsdóttir Eidesgaard úr Havnar Svimjifelag sær bronsuheiðursmerki í 100 metra frísvimjing og Maria Antoft eisini úr HS sær silvurheiðursmerki í 200 metra ryggsvimjing, báðar í árganginum 2000 og yngri. Og um kvøldið vunnu Cecilia Eysturdal úr Ægir og Óli Mortensen úr HS gull í ávíkavist 400 og 200 metra frísvimjing, umframt at Markus Joensen úr HS vann silvur í 50 metra frísvimjing, og Lív Erlingsdóttir Eidesgaard bronsu í 100 metra frísvimjing. Afturat hesum vunnu Óli og Cecilia gávur fyri at hava rokkið ávíkavist næstbesta og fjórbesta FINA-stig, har fimm tey bestu vórðu heiðraði. Saman um tikið vóru føroyingarnir sera væl nøgdir við luttøkuni á RIG 2014. Sí úrslit her á aegir.is

(Topp 5 í FINA stigum fáa gávur. Jón Bjarnason eigur myndina)

Heiðursmerki eisini leygarkvøldið á RIG 2014

Føroysku svimjararnir vunnu sær nøkur heiðursmerki afturat í gjár, tá ið tey í finalupartinum í gjárkvøldið kappaðust um heiðursmerkini í opna bólkinum. Markus Joensen úr Havnar Svimjifelag vann við tíðini 27.49 bronsu í 50 metra firvald, eftir at hava svomið 27.12 í innleiðandi riðlunum, og liðfelagin Óli Mortensen gull í 400 metra frísvimjing við tíðini 4:06.75. Maria Antoft eisini úr HS vann sær við tíðini 1:14.22 eitt triðjapláss í B-finaluni í 100 metra rygg, ivist tó í um tað eisini gav heiðursmerki. Og Cecilia Eysturdal úr Ægir vann sær í 200 metra frísvimjing eitt silvurheiðursmerki, tá ið hon svam teinin uppá 2:10.32. Úrslitalistarnir síggjast her á aegir.is

Enn fleiri heiðursmerki til føroyingarnar á RIG 2014

Vár Erlingsdóttir Eidesgaard úr Havnar Svimjfelag vann sær í morgun eitt gullheiðursmerki afturat á Reykjavík International Games 2014, tá ið hon vann kappingina fyri tær árgang 2000 og yngri í 200 metra frísvimjing. Hugin Næs Lave úr Suðuroyar Svimjifelag vann sær silvur í 100 metra bringusvimjing, og Maria Antoft úr Havnar Svimjifelag eitt silvur í 100 metra ryggsvimjing, eisini í yngra bólkinum, meðan Óli Mortensen úr Havnar Svimjifelag svam seg víðari til finalu í 400 metra frísvimjing, við bestu tíð av øllum.

(Vár ovast í 200 frí)

(Hugin silvur í 100 bringu)

(Maria silvur í 100 rygg)

Jón Bjarnason eigur myndirnar

Vár og Hugin vunnu eisini á RIG 2014

Nú var eg nakað skjótur við hasum fyrra … tað vísir seg at har varð eisini kappast í aldursbólki 2000 og yngri, og har vórðu finalurnar avgreiddar eisini á teinunum stytri enn 800. í 50 metra bringusvimjing fyri dreingir árgang 2000 og yngri vann Hugin Næs Lave úr Suðuroyar Svimjifelag silvur, og í 50 metra frísvimjing fyri gentur árgang 2000 og yngri vann Vár Erlingsdóttir Eidesgaard gull. Til lukku við teimum!

(Vár E. Eidesgaard ovast á sigurskamlinum í Reykjavík)

(Hugin Næs Lave heilsar suðuroyingum úr Reykjavík)

Jón Bjarnason eigur myndirnar

Óli og Marius gull og bronsa í 1500 á RIG 2014, Cecilia gull í 800

Teir báðir Óli Mortensen og Marius Ihlen Gardshodn úr Havnar Svimjifelag megnaðu í dag at vinna sær gull- og bronsuheiðursmerki á Reykjavík International Games 2014, tá ið teir í 1500 metra frísvimjing svumu teinin uppá ávikavist 16:23.73 og 17:24.17. Og Cecilia Eysturdal úr Ægir vann heldur óvæntað gull í 800 metra frísvimjing, tá ið hon við tíðini 9:21.85 vann á annars klára favorittinum Inga Elin Cryer.

(Óli og Marius á heiðursmerkjapallinum í Reykjavík)

Hetta var í beinleiðis finalu, meðan aðrir svimjarar á styttri teinunum svumu seg víðari til finalur í morgin. Beinta P. Debes er við tíðini 34.54 víðari til B-finalu í 50 metra ryggsvimjing, Markus Joensen í A-finalu í 50 firvald við tíðini 27.12, Marius Gardshodn í B-finalu í somu grein við 28.23, Markus eisini í A-finalu í 50 frí við tíðini 25.39 og Janus Eystberg her í B-finalu við 26.95, og Lív Eidesgaard við tíðini 28.83 í A-finalu í 50 frí.

Sí úrslitini her á aegir.is

(Cecilia ovast á pallinum í Reykjavík)

So er tað Reykjavík International Games 2014

Í dag byrjar svimjistevnan á Reykjavík International Games 2014, við eisini føroyskari luttøku. Bestu møguleikar fyri heiðursmerkjum hava teir báðir Óli Mortensen og Marius Ihlen Gardshodn úr Havnar Svimjifelag, sum liggja til ávíkavist gull og bronsu í 1500 metra frísvimjing, umframt Cecilia Eysturdal úr Ægir sum liggur til silvur í 800 metra frísvimjing.

Startlistarnir síggjast her á aegir.is


Continue reading So er tað Reykjavík International Games 2014

Stórur hópur til Íslands at venja og luttaka á RIG 2014

Sum tit kunnu lesa her á Facebook-síðuni hjá Svimjisambandi Føroya, so fer eitt stórt ferðalið av føroyskum svimjarum, venjarum og leiðarum til Íslands nú fríggjamorgunin 10. januar, at venja á langgeil, og flestu av teimum eisini luttaka á Reykjavík International Games 2014 hin 17. til 19. januar 2014.


Continue reading Stórur hópur til Íslands at venja og luttaka á RIG 2014