Sundfrettir.is hevur lagt 742 myndir frá NJM á flickr.
Tag: NM/NJM 2011
Svøriki fekk flest gullheiðursmerkir í NJM 2011
Heiðursmerkjahálið hjá føroyingum á norðurlensku kappingini fyri juniorar var betri í ár enn í fjør. Sviar kláraðu seg eisini væl betri í ár enn í fjør, tá luttøkan hjá teimum varð skerd av øðrum kappingum.
Continue reading Svøriki fekk flest gullheiðursmerkir í NJM 2011
Tvær norðurlenskar bronsur og eina silvur aftrat í dag
Magnus Jákupsson, Heðin L Olsen og Cecilia Eysturdal fingu heiðursmerki í norðurlendsku kappingini fyri juniorar í dag. Magnus vann silvur og setti nýtt føroyskt met og juniormet í 200 rygg við tíðini 1:59.98. Gamla metið hjá honum frá DMK í november var 2:00.71.
Heðin L. Olsen úr Ægir vann bronsu í 50 frí við tíðini 23.47.
Cecilia W. Eysturdal úr Ægir vann bronsu í 400 frí og setti nýtt føroyskt juniormet við tíðini 4:22.01. Gamla metið hjá henni frá FM var 4:22.88.
(Myndir © Jákup Jacobsen 2011)
Guðrun 26.04 føroyskt met og norðurlendskt gull!
Magnus 50.67 og silvur á NJM í Reykjavík
Magnus Jákupsson megnaði í kvøld at seta nýtt føroyskt juniormet í 100 metra frísvimjing, tá ið hann á NJM í Reykjavík vann silvur við 50.67, aftanfyri finska Teemu Vuorela á 50.43 og frammanfyri danska Daniel Steen Andersen á 51.07. Juniormetið hjá Magnusi var annars 50.82, frá donsku meistarastevnuni á stuttgeil herfyri.
Næstu morgun á NM/NJM 2011 avgreiddur
Innleiðandi riðlarnir í morgun vóru líka varligir sum í gjár, við tíðum sum liggja eitt sindur frá bestu tíðum, við undantaki av Heðini L. Olsen og Høgna Simonsen sum betraðu seg í 100 frí. Pauli hevur kvalifiserað seg til finalurnar í 50 bringu og 100 frí seinnapartin, Heðin og Magnus í 100 frí, og Astrið í 100 firvald.
Continue reading Næstu morgun á NM/NJM 2011 avgreiddur
So er fyrsti dagur avgreiddur á NM/NJM 2011
Út yvir silvurheiðursmerki og føroyska metið hjá Magnusi í 100 rygg á NJM í Íslandi, og føroyska juniormetið hjá Ceciliu í 800 frí, so hevur hesin fyrsti dagur verið heldur trilvandi hjá føroyingunum í Reykjavík. Afturat metunum hjá Magnusi og Ceciliu, so hevur Sigmund Mørkøre sett persónligt met í 1500 frí, men annars sær tað eitt sindur soltið út við sovorðnum, kanska tí at túrurin til Íslands gjørdist so langur, fyrradagin.
Continue reading So er fyrsti dagur avgreiddur á NM/NJM 2011
Cecilia 9:06.60 og juniormet í 800 frí
Cecilia Wigant Eysturdal megnaði í kvøld at seta nýtt føroyskt juniormet í 800 frí, við tíðina 9:06.60 á Norðurlendsku JuniorMeistarastevnuni í Íslandi, har metið hjá henni frá FM í vár var 9:09.47. Tíðin var nóg góð til at verða nummar 4 av øllum luttakandi, éitt pláss frá heiðursmerkjunum.
Magnus 55.01 í 100 rygg, NJM-silvur og føroyskt met
Magnus Jákupsson megnaði her fyri løtu síðani at vinna sær silvurheiðursmerki á Norðurlendsku JuniorMeistarastevnuni í Reykjavík, við nýggjum føroyskum meti og juniormet 55.01, har metini hjá honum frá donsku stuttgeilameistarastevnuni í november var 55.03.
SportTV.is vísir NM/NJM 2011 LIVE á netinum
Íslendarar hava sum tá ið tey hýstu landsdystin millum Føroyar og Ísland í fjør fingið SportTV.is at senda beinleiðis frá NM/NJM 2011, bæði frá innleiðandi 09:30 íslendska tíð, og finalum frá klokkan 17:30. Sí sporttv.is/lbeinni/sund.
