Heðin L Olsen – svimjing.com

Heðin Olsen 24.18 í 50 frí

Supersprintarnir østu hylin upp í 50 frí í áðni. Heðin L. Olsen úr Ægir svam 24.18 í 1. riðli. Ein góð tíð, persónligt met og triðskjótasta tíð svomin av einum føroyingi, men ikki nýtt føroyskt met. Føroyskt met og juniormet í 50 frí er 23.90, sum Magnus Jákupsson úr HS setti í EJM 2011. Við somu stevnu svam Heðin 24.73. Heðin kann nú kalla seg fyri næstskjótasti føroyingur í 50 frí á langbana.

Her er video av teimum 50 hjá Heðini, orsaka at tað rystist so ógvusliga áðrenn scoreboard sæst, ringt at fáa pláss fyri monofótinum millum fraklendingar 🙂

Heðin Olsen 26.41 í 50 firvald

Heðin L. Olsen svam 26.41 í 50 firvald. Hansara tilmeldingartíð var 27.38. Ein tíð hann svam í EJM 2011. Føroyskt met og juniormet er 24.93, sum Magnus Jákupsson setti í EJM 2011. Ein ókey byrjan uppá EM, tvey stór persónlig met í morgun.

Video av teimum 50 hjá Heðini

Tvær norðurlenskar bronsur og eina silvur aftrat í dag

Magnus Jákupsson, Heðin L Olsen og Cecilia Eysturdal fingu heiðursmerki í norðurlendsku kappingini fyri juniorar í dag. Magnus vann silvur og setti nýtt føroyskt met og juniormet í 200 rygg við tíðini 1:59.98. Gamla metið hjá honum frá DMK í november var 2:00.71.

Heðin L. Olsen úr Ægir vann bronsu í 50 frí við tíðini 23.47.

Cecilia W. Eysturdal úr Ægir vann bronsu í 400 frí og setti nýtt føroyskt juniormet við tíðini 4:22.01. Gamla metið hjá henni frá FM var 4:22.88.