Tag: Guðrun Mortensen

Guðrun 1:01.62 og juniormet í 100 frí

Guðrun Mortensen úr Suðuroyar Svimjifelag setti í morgun nýtt føroyskt juniormet í 100 metra frísvimjing á langgeil, tá ið hon her á EM í Debrecen svam teinin uppá 1:01.62, har metið hjá Ceciliu Eysturdal frá DÅM 2010 var 1:01.74. Birita Debes og Cecilia luttóku eisini í riðlinum saman við Guðruna, Birita betraði sítt persónliga met frá 1:01.76 til 1:00.47, meðan Cecilia svam 1:03.69. Viðvíkjandi Ceciliu skal tó sigast, at hon millum kappingarnar liggur og venur langtein, fram ímóti EJM í Antwerpen í summar. Sí úrslitalistan her.

DSC02934

Niðanfyri sæst video av teimum 100 frí

Guðrun 26.04 føroyskt met og norðurlendskt gull!

Guðrun Mortensen úr Suðuroyar Svimjifelag megnaði í kvøld at seta nýtt føroyskt met og juniormet, og gerast norðurlendskur juniormeistari, tá ið hon í 50 metra frísvimjing svam teinin uppá 26.04. Gamla metið hjá henni frá september var 26.37.

Guðrun Mortensen gull á NJM 2011

(Mynd © Jákup Jacobsen 2011)

Tvey føroysk met og eitt junior met í morgun

Pál Joensen og Guðrun Mortensen úr Suðuroyar Svimjifelag settu í morgun tvey nýggj føroysk met í ávikavist 200 firvald og 50 frí. Guðrun setti samstundis nýtt juniormet í 50 frí. Tíðin hjá Pál var 2:04.45. Gamla metið hjá honum frá SuSvim stevnuni í mars var 2:04.75, sum hann setti við fullskeggi.
Metið hjá Guðrun í morgun var 26.37. Gamla metið hjá henni frá FM/JM í ár var 26.40.


Continue reading Tvey føroysk met og eitt junior met í morgun