Birita Debes (1995) úr Ægir vann silvur í 50 rygg mánadagin í Danish Open. Samstundis tangeraði hon metið hon setti sama morgun, ið var 30.12. Gamla metið hjá henni frá EM í fjør var 30.60. Her síggja vit hana á bana 3.
Ida Lindborg (1994) úr Malmö Kappsimningsklubb vann gull við tíðini 28.93, og Maja Zawiszewska (1993) úr Wroclaw vann bronsu við tíðini 30.27.
Continue reading Video av Biritu Debes og føroyskt met í 50 rygg
Birita Debes úr Ægir setti í síðstu viku tvær ferðir føroysk met í 100 rygg við tíðini 1:06.19. Her síggja vit hana í finaluni skírhósdag á bana 1.
Mikudagin svam hon somu tíð í hálvfinaluni. Tá legði hon harðari út, svam teir fyrstu 50 m á 31.87 í mun til 32.03 dagin eftir.
Continue reading Video av føroysk met hjá Biritu í 100 rygg
Birita Debes megnaði í dag at svimja júst somu tíð í finaluni í 100 metra ryggsvimjing á Danish Open 2013, sum hon svam tá ið hon setti føroyskt met í hálvfinaluni í gjár. Hetta er komið ógvuliga sjáldan fyri, um nakrantíð, at ein svimjari hevur fyrst sett føroyskt met og síðani tangerað metið á somu stevnu í tveimum greinum. Tí hon gjørdi tað nevniliga eisini í 50 rygg, har hon fyrst setti føroyskt met í innleiðandi riðlunum við 32.12, fyri síðani at svimja aftur 32.12 í finaluni. Sí úrslitalistan her
(Ryggsvimjing, vist nokk Birita, á Danish Open 2013. Dan Hjelm eigur myndina)
Birita Debes setti fyri løtu síðani stórt nýtt føroyskt met í 100 metra firvaldasvimjing á langgeil, tá ið hon á Danish Open 2013 svam teinin uppá 1:05.96, har metið hjá Shailu millum Garðarnar frá HM í 2009 var 1:08.17. Birita hevur eftir øllum at døma ongantíð svomið hesa greinina á langgeil, men tað liggur eftir øllum at døma væl fyri allíkavæl. Sí úrslitalistan her.
(Birita á Danish Open 2013. Dan Hjelm eigur myndina)
Birita Debes setti fyri løtu síðani nýtt føroyskt met í 100 metra ryggsvimjing, tá ið hon í hálvfinaluni á Danish Open 2013 svam teinin uppá 1:06.19, har metið hjá henni frá innleiðandi riðlunum í morgun var 1:06.27. Tíðin var nóg gott til eitt 9. pláss av teimum 16 sum svumu hálvfinalu, og Birita var tí sum Astrið akkurát ov stutt til finaluna. Sí úrslitalistan her
Birita Debes setti fyri løtu síðani nýtt føroyskt met í 100 metra ryggsvimjing, tá ið hon í innleiðandi riðlunum á Danish Open 2013 svam teinin uppá 1:06.27, har metið hjá Elspu Mørkøre frá EJM í 2007 var 1:06.75. Birita varð nummar 8 av teimum 23 sum svumu í morgun, og er sostatt víðari til hálvfinaluna seinnapartin. Sí úrslitalistan her.
(Birita Debes á Danish Open 2013. Dan Hjelm eigur myndina)
Magnus Jákupsson vann fyri løtu síðani gull í 50 metra ryggsvimjing á Danish Open 2013, tá ið han í finaluni fyri fyrstu ferð nakrantíð svam seg undir 26 sekund. Tíðin hjá honum var 25.92; føroyska metið er 26.34, men við tað at Magnus hevur skift svimjitjóðskap, so telur tað ikki sum føroyskt met. Sí úrslitalistan her
Birita Debes vann løtu seinni silvur í 50 metra ryggsvimjing, tá ið hon í finaluni tangeraði sítt føroyska met frá innleiðandi riðlunum í morgun, uppá hundraðpartin 30.12, 30.12. Í hálvfinaluni fyrst í hesum finaluparti svam hon 30.39, so tað var tríggjar ferðir undir tað nú farna metið í dag, sum var 30.60 frá EM í Debrecen í fjør. Sí úrslitalistan her.
(“Tre medaljevindere – ingen af dem dansker”, sum tey so vinarliga søgdu á DR)
Jákup Jacobsen eigur myndirnar
Birita Debes setti fyri løtu síðani stórt nýtt føroyskt met í 50 metra ryggsvimjing á langgeil, tá ið hon í innleiðandi riðlunum á Danish Open 2013 svam teinin uppá 30.12 sekund, har metið hjá henni frá EM í Debrecen í fjør var 30.60. Sí úrslitalistan her á livetiming.dk. Hon er sostatt víðari til finalu seinnapartin við næstbestu tíð, og nú væl nærri kravtíðini hjá FINA til HM í Barcelona á 29.85 sekund. DR sjónvarpar beinleiðis á netinum frá finalunum á Danish Open 2013, við føroyavininum René Thomsen sum viðmerkjara.
Birita Debes luttekur her í 50 metra frísvimjing á heimsmeistarastevnuni á stuttgeil í Istanbul, leygardagin hin 15. desember 2012. Tíðin 26.64 var heilt nær hennara bestu tíð á 26.46 frá Ægir-stevnu í februar 2012, og harvið hevði hon avgreitt allar sínar fýra luttøkur á HM í Istanbul við úrslitum á høgum støði.
Birita Debes setur her føroyskt met í 50 metra ryggsvimjing á heimsmeistarastevnuni í Istanbul, við tíðini 28.51 har hennara met frá Ægir-stevnu í februar 2012 var 28.62.
