Góð gjøgnumgongd av finessunum í draktini, men svimjarin er persónliga ikki so øgiliga imponerað. Vist nokk mest tí at hon ikki ordiliga er í form til sovorðið (og draktin jú strammar illa)
2 heimsmet sett í Avstralia í dag
Libby Trickett (fyrr Lenton) hevur sett langbana heimsmet í 100 frí hjá kvinnum við tíðini 52.88, og Eamon Sullivan hevur sett heimsmet í 50 frí hjá monnum við tíðini 21.41. Harvið eru nú 6 heimsmet sett á avstralsku úttøkustevnuni til OL, ella líka so nógv sum á evropeisku meistarastevnuni tilsamans. Lesið her og her á Swimnews.
Video av teimum 50 hjá Sullivan
Og av teimum 100 hjá Trickett
Venjarin um hví Sullivan nú er so góður
Tað er ikki draktin, men heldur tað at Sullivan varð sjúkur í januar, og tey tí fingu møguleika at seta ferðina niður og venja teknikk. Hetta sigur venjarin hjá Eamon Sullivan um hví hann (Eamon 🙂 nú knappliga er so skjótur.
Her er ein góð video við Sullivan ísv hansara roynd at sláa met í 100 frí …
Kanada sett bann ímóti nýggju Speedo draktunum
Kanadiska svimjisambandið hevur sett bann ímóti nýtslu av hesum nýggju Speedo LZR Racer draktunum á kanadisku úttøkustevnuni til olympisku leikir; fyrst og fremst tí at øll ikki hava møguleika at skaffa sær eina til stevnuna, men eftir øllum at døma eisini tí at tær eru so dýrar. Í Bretlandi hava tey trupulleikar av at landsliðssvimjarar hava fingið draktir, meðan onnur ikki kunnu náa at fáa eina áðrenn teirra úttøkustevnu. Og amerikanska NCAA ætlar eisini at forbjóða draktunum, til hon er tøk hjá øllum. Continue reading Kanada sett bann ímóti nýggju Speedo draktunum
Stefan Nystrand um EM finaluna í 100 frí
YouTube brúkarin simma123456 hevur verið raskur at ‘videoblogga’ frá EM í Eindhoven. Á videoini her niðanfyri hoyra vit samrøðu við Stefan Nystrand, meðan hann fær massagu eftir at hava vunnið silvur í 100 frí. Eftir øllum at døma var tað mest tað at fáa bank við 9 tíggjundapørtum, sum gjørdi at hann og Magnini sóu so ónøgdir út á heiðursmerkjaplattinum.
Pál Joensen til Danmarkar at kappast fyri Aalborg Svømmeklub
Sum tit kunnu lesa her av susvim.com, so fer Pál Joensen nú um vikuskiftið til Danmarkar at kappast fyri Aalborg Svømmeklub, á donsku meistarastevnuni fyri lið. Pál skal kappast í 200, 400 og 1500 frí, 200 firvald, umframt í stafettunum 4×100 og 4×200 frí. Kappingin er liður í samstarvi millum SuSvim og Aalborg Svømmeklub, og fyrireiking til HM í apríl.
Susvim ávarar um at Pál skal kappast ímóti sterkum svimjarum júst afturkomnir frá EM í Eindhoven; men man Pál ikki hava ein kjans allíkavæl, síðani hann varð nummar tvey á donsku stutthyljameistarastevnuni í heyst, bara aftanfyri Mads Glæsner sum nú stríðist við smittandi livrabruna?
Tit kunnu síggja skránna her av susvim.com, ella fara her á heimasíðuna hjá danska svimjisambandinum. Har er óivað okkurt á heimasíðuni hjá vertsfelagnum eisini, www.ksk.dk (Køge Svømmeklub). Og so ætla tey sær at brúka ‘Live Timing’ eisini, sum tit kunnu síggja her.
6 heimsmet, 18 evropeisk og 279 tjóðarmet
Sum tit kunnu lesa í viðfesta tíðindaskrivi frá evropeiska svimjisambandinum LEN, so varð evropeiska meistarastevnan í ár á ongan hátt bara ein stevna í skugganum av HM og OL. Tey 42 luttakandi londini settu nevniliga 18 evropeisk met, 6 heimsmet og 279 tjóðarmet, sum er rættiliga nógv meira enn tey 7 evropeisku metini og 4 heimsmetini á fyrra EM í Budapest í 2006.
Russland ‘vann’ stevnuna við 12 gullheiðursmerki, 7 silvur og 6 bronsu, við Italia sum nummar tvey (5-7-9) og Frankaríki sum nummar trý (5-4-3). Besti íðkari varð spanska Gemma Mengual, ið sum tann fyrsta nakrantíð vann øll fýra tey møguligu gullheiðursmerkini í synkronssvimjing, og síðani hálendska Marleen Veldhuis, ið vann 3 gullheiðursmerki í svimjing (50, 100 og 4×100 frí).
Her er solo serian hjá Gemmu Mengual
Éitt heimsmet eftir frá fyrru øld
Øll tey gomlu eru farin, undantikið teir 800 frí hjá Janet Evans frá 20. august 1989, tá ið hon svam 8:16.22. Men man tað ikki fara áðrenn vit vita av? Lesið her á SwimInfo.
Innbjóðing til SUM 2008
Innbjóðing SUM
Sí viðhefta.
Við svimjikvøðu
SSF svimjinevndin Continue reading Innbjóðing til SUM 2008
Nýtt heimsmet í 200 blandað hjá kvinnum
Avstralska Stephanie Rice hevur í dag sett nýtt heimsmet í 200 blandað á langbana, við tíðini 2:08.92 har tað 11 ára gamla (og doping mistonkta) metið hjá kinesisku Wu Yanyan var 2:09.72. Altso ein betring uppá heilar 8 tíggjundapartar. Lesið her á SwimInfo.