Eurosport fer at vísa EM í Kroatia

Við fyrivarni, eg brúkti leinkið á televarp.fo til at finna skránna hjá Eurosport, og síggi har fylgjandi sendingar:

  • Hósdag 11. des. kl. 14:30-15.30: 1. dagur innleiðandi
  • Hósdag 11. des. kl. 15:30-17.30: 1. dagur finalur LIVE
  • Fríggjadag 12. des. kl 08:00-09:30: 2. dagur innleiðandi LIVE
  • Fríggjadag 12. des. kl 15:45-17:30: 2. dagur finalur LIVE
  • Leygardag 13. des. kl 16:45-17:30: 3. dagur finalur LIVE
  • Sunnudag 14. des. kl 16:30-17:30: 4. dagur finalur LIVE

Brúki ‘føroyska tíð’ omanfyri, sum er donsk minus 1 tíma. Men gev gætur at Eurosport fyrr hava flutt runt uppá sendingar… og at handan skráin ikki dekkar alla svimjingina sum hon er. Ikki ein gang allar finalurnar.

Á stevnuheimasíðuni stendur, at innleiðandi er frá kl 08:00 hvønn morgun, og finalur frá kl 15:30, føroyska tíð.
Continue reading Eurosport fer at vísa EM í Kroatia

Nýtt evropeiskt met til Biedermann í 400 frí

Evropeiska metið hjá russiska Yury Prilukov var 3.37.35, men nú svam týski Paul Biedermann so teinin í tíðini 3:34.98, á evsta degi av týsku meistarastevnuni í stuttum hyli. Nýggja evropeiska metið er bara 4 tíggjundapartar frá heimsmetinum hjá Grant Hackett, so sigast má at Evropa nú av álvara blandar seg uppí eisini á hesum teini. Les SwimInfo.

Enn eitt stórt tiltak í Klaksvík

Næsta “Klaksvík National” í 2008 var bestemt ikki verri enn fyrra, og tí absolutt ein succés. Flottar premiur, góð kapping, og so veldugt ‘show’ afturat. Eg havi tíverri ikki nakran úrslitalista enn, og heldur ikki myndir frá finalupartinum, so tit mugu fyribils bara klára tykkum við teimum myndum sum eg havi, umframt videoini av tá ið ‘Ida’ sang.

Her er tað Hestoy sum talar. Tit kunnu síggja fleiri myndir við at klikkja á hasa har, ella brúka leinkið her til at koma beint til viðkomandi myndasavn.

DSC00701

Og her er so hon sjálv ‘Ida’…

Continue reading Enn eitt stórt tiltak í Klaksvík

So er galið aftur, men nú er hóttanin “Blueseventy”

Sambært SwimNews hevur nýggja superdraktin frá “Blueseventy” nevniliga verið brúkt allar seks ferðirnar, sum nýtt heimsmet hevur verið sett, seinasta mánaðin. Og evropeiskir venjarar sum til dømis nýggi russiski landsliðsvenjarin Vorontsov skunda tí undir FINA og LEN, at fáa kannað hesa draktina betur, helst áðrenn EM í Rijeka.
Continue reading So er galið aftur, men nú er hóttanin “Blueseventy”

Nýtt heimsmet í 400 blandað

Kanadiska Julia Smit betraði um stuttbana heimsmetið í 400 frí leygarkvøldið, tá ið hon á Canada Cup í Toronto svam teinin í tíðini 4:25.87, har heimsmetið hjá simbabvisku Kirsty Coventry frá HM í Manchester í vár var 4:26.52. Hon svam í eini “Blueseventy” drakt, sum eg fari at skriva um nú um eina lítla løtu, við tað at hendan drakt opinbart nú er nýggja hóttanin og avloysarin til Speedo LZR Racer. Les SwimInfo


Continue reading Nýtt heimsmet í 400 blandað

Svimjing.com podcast #1

Ja, tað mátti jú koma, nú vit hava hótt við tí fleiri ferðir. Hetta fyrsta podcast er um hví vit nú royna okkum við einum podcast, um komandi EM í Kroatia, og um alt hitt spennandi sum hendir í føroyskari svimjing, komandi vikurnar. Eisini eitt vet um ‘Klaksvík National’ stevnuna í morgin.

Tað er ikki vist at tað verður akkurát hendan tænastan frá soundcloud.com sum vit fara at brúka í framtíðini, men Bartal helt at teirra avspælari var so flottur, og eg komi ikki yvir at eg ikki kann finna nakað flottari. Og orsaka at her ikki eru ‘jinglur’ og tílíkt sum hoyra útvarpi til… tær koma seinni 🙂

Continue reading Svimjing.com podcast #1

Endursending: Pauli og Jokarin

Onkur minnist kanska ikki longur 50 frí frá Klaksvík National í marts, og eg endursendi tí líka hendan postin hjá JMPoulsen, frá 17. marts í 2008.

50 m. frí hjá monnum gjørdist kanska ´TANN´ serliga spennandi kappingin leygardagin í Klakvík. Pauli Ø. Mohr hevur havt stóra framgongd í síni roynd eftir føroyska metinum í 50 m. frí og varð líka við at gera bart við síni tíð á 0.24.08 fyri stuttari tíð síðan til svimjikapping í Havn. Leygardagin skuldi hann aftur standa sína roynd, men tað at ´jokarin´ hjá Ægir átti so nógv í sær, hevði kanska fáur væntað.