Útvarpið sendi í gjár frá ÍF-HB dystinum. Í pausuni tosaðu teir um komandi landsdystin millum Portugal og Føroyar. Jóannes Jacobsen segði, at aðrastaðnis er tað ein sjálvfylgja at venja og eta rætt, og at proffarnir hava tvey treningspass um dagin og nógva hvílu ímillum. Jóannes helt ikki, at man kundi krevja hetta av timburmonnum (les. landsliðsspælarar). Men hann segði eisini, at føroyskir fótbóltspælarir kundu lært nógv av svimjingini og aðrar einstaklingagreinir, har fólk – uttan samsýning – venja 30 tímar um vikuna, meðan dýrt betaltir fótbóltspælarir bara venja 5-6 tímar um vikuna “…og føra seg fram sum stjørnir”.
Shaila sett føroyskt met í 100 firvald
Hetta var í einum sera hørðum riðli, har Shaila var styrkismett sum nr 5, og olympiskar svimjarar sum Jeanette Ottesen og Julie Hjorth-Hansen hálaðu ferðina upp. Firvald er ikki ein grein har tað er serliga gott at svimja móti harðari kapping; tí fyri tað fyrsta kann man ‘doyggja’ nakað so grúðuliga, um man roynir at fylgja við og tí leggur ov hart út, og fyri tað næsta skapa tey sum svimja frammanfyri rættiliga stórar aldur, ið síðani spjaðast út um allar geilar. Men hon gjørdi tað altso; betraði um sítt egna met við meira enn einum hálvum sekundi, frá 1.09.87 til 1:09.19. Continue reading Shaila sett føroyskt met í 100 firvald
Shaila og Malan svimja so aftur seinni
Shaila skal svimja 100 firvald á langbana, sum er rættiliga nógv harðari enn í stuttum hyli, og Malan svimur so seinni aftur 200 bringu sum er hennara spesiali. Tær eiga báðar metini í hesum greinum, men sambært susvim.com eru vánirnar eitt sindur ivasamar.
Pál svimur 1500 frí í morgun
Men hann svimur sambært susvim.com ikki eftir metinum. “Eingin órsøk til at svimja skjótt, so hann slappar av, svimur bert fyri at vinna”. Pál burdi annars kunnað svomið óhugnaliga skjótt, nú hann betraði seg 12 sekund í 400 frí; tí 12 sekund yvir 400 metrar er jú umleið tað sama sum 45 sekund yvir 1500. Føroyska metið hjá honum er 16:05.02, og tá hevði hann altso svomið umleið 15:20, sum er 7 sekund skjótari enn danska juniormetið og bara 8 frá teirra seniormet. Men í morgun svimur hann altso bara fyri at koma í finaluna í annaðkvøld. Continue reading Pál svimur 1500 frí í morgun
DM 2008: Annar dagur
Orsaka meg, eg havi verið upptikin av onkrum øðrum. Malan svam 50 bringu finalu í kvøld og gjørdi tað gott, um enn ‘bara’ við eini tíð sum lá í millum metini bæði hjá henni frá í gjár. 35.52 sekund, har hon í gjáramorgun setti føroyskt met við 35.79 og síðani um kvøldið aftur met við 35.34. Elspa valdi 100 frí frá í kvøld, hóast hon fekk triðbestu tíð í morgun. Hetta var sikkurt tí hon vildi spara seg til hálvfinaluna í 100 rygg, har hon hon so eisini varð nr 2 við 1:05.10. Continue reading DM 2008: Annar dagur
Danska OL landsliðið úttikið
Seint í gjárkvøldið komu boðini um at 4×200 frí kvinnustafettin hjá dønum slapp at luttaka á OL, og danska svimjisambandið hevur tí úttikið Micha Østergaard og Louise Jansen afturat, til at styrkja um stafettina. Danska svimjisambandið skrivar víðari, at Micha Østergaard hevði verið úttikin undir øllum umstøðum, vegna ógvuliga góð úrslit á svimjistevnu í Canet í Fraklandi… eisini hóast hesi úrslit vórðu fingin eftir at freistin var farin. Continue reading Danska OL landsliðið úttikið
2. dagur byrjaður
Tey eru komin forbí 800 frí og svimja nú 50 firvald, og um eina løtu eru tað so Mona sum skal svimja 100 rygg og Shaila sum skal svimja 100 frí. Elspa svimur eisini 100 rygg, við bestu tilmeldingartíð av øllum. Sí LiveTiming.dk
Nýggj heimsmet í 100 rygg hjá monnum og kvinnum
Natalie Coughlin hevur betrað enn meira um sítt heimsmet í 100 rygg á langbana, tá ið hon nú í nátt gjørdist fyrsta kvinna undir 59 sekund í greinini, á amerikansku úttøkustevnuni til OL. Nýggja heimsmetið er 58.97, har hon í gjár svam 59.03. Og Aaron Piersol setti eisini heimsmet í nátt, tá ið hann við 52.89 betraði um sítt egna heimsmet ið var 52.98. Lesið her og her á SwimInfo.
Myndir frá fyrsta degi av DM 2008
Jón Bjarnason hevur lovað mær at leggja hesar myndirnar á síðuna, frá fyrsta degi av DM 2008. Vinarliga biðið um loyvi beinleiðis frá honum, um tit ætla at nýta tær aðra staðni eisini.
2 føroysk met í finalunum í kvøld
Tey bæði Malan og Pál hava hvør í sínum lagi betrað um somu met sum tey settu so væl og virðiliga í morgun. Malan við at fara frá 36.90 til 35.79 og síðani 35.34 í 50 bringu, og Pál við at fara frá 4:06.37 yvir 3:57.17 til 3:54.50 í 400 frí. Shaila svam eisini heilt uppat sínum meti frá í morgun í 50 bringu, tá ið hon í kvøld svam 29.83 har metið í morgun var 29.80.
Serliga stórt er tað altso at metið hjá Pál er yvir 1½ sekund skjótari enn danska juniormetið, ið sjálvur Jacob Carstensen eigur. Legg saman at Pál er juniorur enn, og at Jacob seinni varð heimsmeistari í hesu grein, um enn á stuttbana heldur enn á langbana (Ikki at tað er nakað problém fyri Pál, tí hann svimur (enn) betri í stuttum hyli enn í langum). Metið merkir eisini at Pál nú sníkir seg upp á eitt trygt annaðpláss í greinini á evropeiska styrkislistanum fyri juniorar í ár. Hann er sum kunnugt nr 1 í 800 og 1500 frí í stuttum hyli, men nú ger hann seg so galdandi eisini á langbana.
Nú havi eg onga mynd frá kappingini í Danmark hesuferð, men ‘ómiddelbart’ kemur hendan mær til hugs, av teimum báðum Pál og Maluni, sum tað vónandi er í lagi at eg láni av heimasíðuni hjá Susvim eina løtu 🙂