Lea Osberg Højsted (2008, Ægir) megnaði í dag at vinna bronsu og seta føroyskt met og juniormet á Oyggjaleikum 2025, tá ið hon í 50 metra bringusvimjing svam seg til úrslitið 32.22. Hon átti sjálv metini á 32.42 frá í morgun, og áðrenn tað 32.64 frá FM á stuttgeil 2024. Sí úrslitalistan her
Bartal E. Eidesgaard (2003, HS) megnaði í dag at vinna silvur við stórum føroyskum meti á Oyggjaleikum 2025, tá ið hann í 100 metra bringusvimjing svam seg til úrslitið 1:00.51. Hann átti sjálvur føroyska metið á 1:01.85 frá í morgun, og áðrenn tað á 1:02.08, frá FM á stuttgeil 2024. Sí úrslitalistan her
Isak D. Brisenfeldt (2006, HS) megnaði í dag at vinna gull í 200 metra firvaldasvimjing á Oyggjaleikum 2025, við tíðini 1:59.46. Hann eigur sjálvur føroyska metið á 1:59.39, frá NM/NJM 2024. Sí úrslitalistan her
Teir báðir Líggjas Joensen (2008, Ægir) og Silas Dam Lindberg (2008, HS) megnaðu í dag at vinna ávikavíst gull og silvur í 1500 metra frísvimjing á Oyggjaleikum 2025, sí úrslitalistan her
So er tað nú kl 18, at fyrstu finalur verða á svimjistevnuni á Oyggjaleikum 2025
Tey hava avgreitt fyrsta stevnupart á Oyggjaleikum 2025, og gekk tað yvirhøvur sera gott hjá okkara svimjarum. Hóast talan sikkurt ofta var um svimjing til fyrst og fremst at koma víðari til finalurnar, so svumu okkara í heilum heilt skjótt, til m.a. tvey føroysk met, eitt føroyskt juniormet og eitt føroyskt landsliðsmet
Lea Osberg Højsted (2008, Ægir) setti í morgun stórt nýtt føroyskt met og juniormet í 50 metra bringusvimjing, tá ið hon í innleiðandi riðlunum á Oyggjaleikum 2025 svam seg til úrslitið 32.42. Hon átti sjálv metini á 32.64, frá FM á stuttgeil 2024
Bartal E. Eidesgaard (2003, HS) setti í morgun stórt nýtt føroyskt met í 100 bringu, tá ið hann í innleiðandi riðlunum á Oyggjaleikum 2025 svam seg til úrslitið 1:01.85. Hann átti sjálvur føroyska metið á 1:02.08, frá FM á stuttgeil 2024
So er tað longu í morgin ári at svimjistevnan byrjar á Oyggjaleikum 2025. Viðfesti startlisti er frá miðskeiðis í juni mánaða, og kunnu har tí væl hava verið tillagingar síðani tá, til dømis við avmeldingum á tekniska fundinum í dag.
Bestu útlit til føroysk heiðursmerki á svimjistevnuni í morgin, eru Líggjas og Silas í 1500 frí, Isak í 200 firvald, Jóhanna í 100 firvald, Bartal í 100 bringu, Alisa í 200 frí og Heini í 200 blandað.
Vit eru nær heiðursmerkjum í øðrum kappingum eisini; men nú fáa vit at síggja, hvussu okkara og teirra eru fyri 🙂
HM 2025 byrjaði í dag, sí skránna her á heimasíðuni hjá World Aquatics. Fyrstu dagarnar er fyrstu dystir í vatnpolo á skránni, áðrenn vit koma til hinar greinarnar, fyrst við open water afturat frá týsdegnum 15. juni, og síðani hinar so hvørt, til vit sunnudagin hin 27. juli koma til kappsvimjing á langgeil.
