Her eru luttakaralistar til svimjistevnuna sum Havnar Svimjifelag skipar fyri í Svimjihøllini í Gundadali, nú leygardagin hin 22. apríl 2023. Hetta er stevna fyri okkara yngstu aldursbólkar, 1 til 4. Innbjóðingin sæst her
Starvsnevnd SSF og landsliðsvenjarin hava á fundi í kvøld samtykt at vilja taka út hesar svimjarar til Oyggjaleikir 2023:
Hetta eru tey sjey sum hava klárað kravtíð til hesar Oyggjaleikir, umframt fýra afturat grundað primært á hægstu FINA-stig klárað á stuttgeil í kravtíðarskeiðnum.
Image courtesy of bvi4092, CC BY 2.0
Continue reading Úttøka til Oyggjaleikir 2023Ægir (2006) setti á Atlantic Open 2023 stevnuni í kvøld føroyskt juniormet í 4×100 blandað fyri mix-lið, við at svimja 4:16.07 har metið hjá Ægir frá FM á stuttgeil í 2022 var 4:16.83. Tey sum svumu fyri Ægir, vóru Líggjas Joensen (1:02.94 í 100 rygg), Lea O. Højsted (1:14.01 í 100 bringu), Jonna Joensen (1:05.81 í 100 firvald) og Heini M. Askham (53.31 í 100 frí). Sí úrslitalistan her
So eru síðstu kappingar avgreiddar á Atlantic Open 2023, sum var ein jalig kappingum við nógvum góðum tíðum og persónligum betringum, umframt nøkur met og onkrar kravtíðir eisini. Úrslitini síggjast her á Swimify, her á livetiming.se, og her á SwimRankings, umframt í viðfestu fílu
Continue reading Úrslit frá Atlantic Open 2023Svimjisambandið stroymar frá Atlantic Open 2023 her á YouTube. Úrslitini síggjast so hvørt her á livetiming.se og her á Swimify. Kravtíðirnar til Oyggjaleikir síggjast her
So er tað í kvøld at Atlantic Open 2023 fer av bakkastokki, har føroyskir svimjarar hava ein síðsta møguleika at kvalifisera seg til Oyggjaleikir 2023. Startlistarnir síggjast her á livetiming.se og her á Swimify, og kravtíðirnar til Oyggjaleikir her.
Her er innbjóðing til svimjistevnu sum Havnar Svimjifelag skipar fyri í Svimjihøllini í Gundadali, leygardagin hin 22. apríl 2023, fyri okkara yngstu aldursbólkar 1 til 4.
Um eina viku byrjar Atlantic Open 2023, sum er síðsti kjansur at klára kravtíð til Oyggjaleikir á Guernsey í summar. Viðfestur er luttakaralistin nú tilmeldingarfreistin er farin, tilmeldingarnar síggjast eisini her á livetiming.se og her á swimify.com
Her er innbjóðingin til Aldursbólkameistarastevnuna 2023 (ABMS 2023), sum verður í Klaksvíkar Svimjihøll hin 6. og 7. mai 2023.
Úrslitini frá Danish Open 2023 eru nú á SwimRankings, har vit millum annað kunnu greina tey føroysku. Saman um tikið gekk tað ókey, har 10 av 13 svimjarum settu tilsamans 20 persónlig met, og har 9 svumu seg víðari til 14 finalur.
