Pál svimur í síðsta innleiðandi riðli í morgin

Teir innleiðandi riðlarnir í 400 frí byrja kl 7.13 fø tíð fríggjamorgun. Pál stendur at svimja á geil 3 í 7. og seinasta riðli. Tað verður umleið kl 7.45 eftir øllum at døma. Kappingin verður varpað beinleiðis via Omegatiming á svimjing.com/live.

Continue reading Pál svimur í síðsta innleiðandi riðli í morgin

Lochte 3:55.50 og heimsmet í 400 blandað

Amerikanski Ryan Lochte gjørdist í kvøld fyrsti einstaklingur sum setti heimsmet, eftir at sonevndu ‘superdraktirnar’ vórðu bannaðar tann 1. januar 2010. Hetta var á HM á stuttgeil í Dubai, tá ið hann í finaluni svam teinin uppá 3:55.50, har heimsmetið hjá ungarska Laszlo Cseh var 3:57.27. Sí úrslitalista her.

Nýtt heimsmet í 4×200 frí

Kinesisku kvinnurnar megnaðu júst nú at seta fyrsta heimsmet yvirhøvur í ár, tá ið tær á HM í Dubai svumu 4×200 metra frísvimjing við tíðini 7:35.94, har heimsmetið hjá Niðurlondum var 7.38.90. Avstralia, Frakland og USA megnaðu eisini at svimja undir tað nú fyrrverandi heimsmetið, sum ávíkavist silvurvinnari við 7:37.58, bronsuvinnari við 7:38.33, og nummar fýra við 7:38.43.